هاااام من اجل المباراة الودية ضد صربيا ----ادخلوااااااااا

[عضوة جديدة]

السلام عليكم

بالنسبة للمباراة الودية لمنتخبنا ضد صربيا

العالم كامل راه يعس فينا وبزااااااف رايحين يشوفو هادي المقابلة ( من غوارديولا ورووووح هههههههههه )

لازم نستقبلو منتخبنا احسن استقبال في الستاد على خاطر المرة اللي فاتت خرج الشعب بصح ماشي بزاف

كانت فترة تاع امتحانات صح هوما فرحو بالاستقبال و بالشعب بصح لازم نفرحوهم اكثر كيما هوما يديرو كلش على

جال لعلام وعلى جالنا

انا عندي فكرة وياربي الجمهور تاعنا يطبقها ( ونطلب من كل الجمهور اللي في العاصمة ينشر الفكرة هادي و يحاول

يطبقها مادام الماتش رايحين يلعبوه تمة ان شاء الله ) الله غالب انا ما نسكنش في العاصمة

واش رايكم لوكان كل واحد من الحاضرين في الستاد يهز في يدو بطاقة حمرا في شكل قلب ( هادي اقترحها واحد

جزائري من قبل باش نستقبلو الفريق كي رجع من انغولا )

من جهة نعبرو على دعمنا للفريق ومن جهة نردو على واش دار- الاحمق - كوفي كوجيا

ومن جهة واحدوخرا نردو على اللي طيحو في الشعب و الجمهور تاعنا

وتولي عادة فينا ( ديما نهزو القلب الاحمر كي نشجعو فريقنا )

وما تطيشوهمش في الستاد كي يخلاص

الماتش اديوهم معاكم - ماتوسخوناش الستاد -)

ونهزو صور كبيرة لرفيق حليش - نذير بلحاج - وفوزي شاوشي ( علابالكم علاش هادو في ثلاثة )

وما تنساوش نستقبلو مليح الفريق الصربي واللي يفوز نصفقولو ( ركزولي على هادي اللي يربح نصفقولو و اللي يخسر

ثاني نصفقولو ) بصح هدا مايعنيش بلي مانشجعوش الفريق تاعنا كي يكونو يلعبو - لازم الستاد يولي يتحرك -

كاينة حاجة ثاني


لازم نكتبو في لافتة كبيييييرة نرحبو فيها بمهدي لحسن في بلادو و على انضمامه للفريق الوطني

ونكتبو لافتة نرحبو فيها بعودة جبور و الشادلي العمري للفريق ( بالفرنسية باش كامل يفهمو وبالعربية ثاني باش اللي

يتفرجو الماتش من هادوك اللي مايفهموش اللغات يشوفوها )

ولافتة واحدوخرا نرحبو فيها بالفريق الصربي ( باللغة تاعهم وبالانجليزية ثاني)

ولافتة باللغتين العربية و الفرنسية نقولو فيها للفريق تاعنا بلي حنا ديما معاهم وبالنسبة لينا راهم لمخيرين

باختصار شوفو واش لازم نديرو

- استقبال حار لفريقنا بالقلوب الحمراء ( بطاقات في شكل قلب )

- اربع لافتات كبيرة - ترحيب بقدوم مهدي لحسن

- ترحيب بعودة رفيق جبور و الشادلي العمري

- ترحيب بالفريق الصربي

- واكيد لافتة لتاكيد دعمنا الدائم للفريق الوطني

- رفع صور الثلاثي حليش بلحاج وشاوشي

- تحية الرابح والخاسر في النهاية ( مع تمنياتنا بفوز الفريق الوطني)



قولولي واش رايكم

[arn]

C'est une ideé magnifique, Je vous remercie





ALGERIA



SERBIA


Bienvenu

[عضوة جديدة]

merci a vous , j'espere inchallah que ca va etre un beau match
allez les algeroix , donnez vos avis

[عضوة جديدة]

اين الردووووووووووووود
اين التفااااااااااااااااااااااااااااااااعل
الموضوع مهم لازم نديرو حاجة
علابالي الجمهور تاعنا ما يحتاجش لواحد ينعتلو
بصح كي تكون حاجة جماعية تجي حلوة ومميزة
راني نستنا فيكم

[خ جوهر]

افتراح جميل و الله غير فكرة هايلة .ان شاء الله تطبق

[choukour]

هذي فكرة مليحة يعطيك الصحة خويا .................................

[شهاب]

كي كتبت في العنوان هام

حسبتك لقيتي بومبا في باب المنتدى

اخطينا من التفاهات هذو

[عضوة جديدة]

لا لا خويا ما تغلطش هادو ماشي تفاهات
هكاك نروحو لستاد لابسين كلاسيك ومانغنيو ما نشجعو وخلاص
الامور هادو عندهم ماليهم

[شهاب]

المشاركة الأصلية كتبت بواسطة عضوة جديدة

لا لا خويا ما تغلطش هادو ماشي تفاهات
هكاك نروحو لستاد لابسين كلاسيك ومانغنيو ما نشجعو وخلاص
الامور هادو عندهم ماليهم

ياختي عندك الحق

بصح بدلي برك العنوان

رانا كرهنا من:

عاااجل وهاام وأخواتهما

[صهيب المبدع]

جيبوها يا لولاد ان شاء الله يا لولاد
و ربي معاكم ان شاء الله
الله ينصر الحق ان شاء الله

[mimiii]

شكرا اخي على الموضوع
وارجو ان تكون لافتة اخرى تطالب بعودة شاوشي الى صفوف الفريق الوطني الجزائري
والله مايستهل الطرد

[سامية الجزائر]

والله فكرة رائعة

[عضوة جديدة]

شكرا اخي على الموضوع
وارجو ان تكون لافتة اخرى تطالب بعودة شاوشي الى صفوف الفريق الوطني الجزائري
والله مايستهل الطرد



اولا انا اختك
والله نخاف كون نطالبو في لافتة بعودة شاوشي يخشن راسو سعدان وما يردوش
خلي صورتو تكفي ( مع صورة حليش و بلحاج )

وشكرا على المرور الجميل للجميع

[toha4580]

فكرة رووووووووووووووووعة

[dido19]

هذي فكرة مليحة يعطيك الصحة خويا