نكت جزائرية مضحكة

[Riad kh]

نكت جزائرية مضحكة
واحد دخل للقهوة و قال للقهواجي : عندك فهوة باردة ؟ يقولو : لا ، زاد جاه غدوة و قالو كيما المرة اللولة و رد عليه : لا، و عاد كل يوم يقولو : عندك قهوة باردة ؟ واحد النهار قال القهواجي : و اللّه نوجدلو قهوة باردة قبل ما يجي و مبعد ساعة جا الزبون و قال : عندك قهوة باردة ؟ قالو : نعم ، قال : أيا روح سخنها و جيبهالي .
_ _ _ _ _ _ _ _ _ _ _ _ _ _ _ _ _

واحد يبيع القهوة بثلاث دنانير ، و كل يوم يجيه واحد و يحطلو دينار في شرق الحانوت و دينار في غرب الحانوت و دينار في الوسط و يقولو : اعطيني قهوة ، واحد النهار جابلو قطعة نتاع خمسة دنانير و قالو : اعطيني قهوة ، فرح القهواجي و قال هذي فرصتي باش نردلو ما دار فيا و راح جابلو قهوة و حطلو دينار في شرق الحانوت و دينار في غرب الحانوت و قالو : هذا الصرف ، حتان جبدلو الزبون دينار و حطو في النص و قالو زيدني قهوة.
_ _ _ _ _ _ _ _ _ _ _ _ _ _ _ _ _

مرة واحد يقلق مية في الساعة ، دّا قماش عند الخياط و قالو : اسمع حاب ندير قندورة تكون مليحة يعني يكون الكول مصاوب و صغير و الدرعين ما يكونو طوال ما يكونو قصار ومن تحت توصل حتى للكعب و عندك ادّيرلي جيب ما نسحقش ، ولكتاف ما يكونوش عراض بزاف و صاوبها تحت الطوابق و أهم حاجة عندك اديرها محصورة و اللّه ما نسلكك ... هات لقماش هنا ما نزيدش نجي عندك.
_ _ _ _ _ _ _ _ _ _ _ _ _ _ _ _ _

مرة واحد كسول مية في الساعة شاف قدامو قشرة و هو يمشي
قال : ربي يعيني على هاذ الزلقة
_ _ _ _ _ _ _ _ _ _ _ _ _ _ _ _ _

قالك مرة ثلاث نساء نسايين ياسر ، أيا مرة زوج منهم راحو لّخرى ، و هم قاعدين تفكرت مولات الدار بلي راهي ما جابتلهمش القهوة ، راحت جابتلهم القهوة و هام قاعدين تفكرت بلي ماجابتلهمش القهوة ،وهكذا يجي عشر مرات تنسى و تعاود تجيبلهم حتان تخمو ، و مبعد وهم في الطريق مروحين قالت وحدة : شفتي ديك لمرا كي شحيحة ما حبتش تجيبلنا حتى كاس قهوة يا لطيف ،قالتلها لخرى : و حنى رحنى واه .
_ _ _ _ _ _ _ _ _ _ _ _ _ _ _ _ _

مرة واحد نام متأخر .....لقى الحلم بدا .
_ _ _ _ _ _ _ _ _ _ _ _ _ _ _ _ _

مرة عروبي شاف لوحة مكتوب عليها مزرعة أبقار فسأل صاحبها : كيف تزرعون الأبقار ؟!! فرد عليه نرش سكر على التراب و ثاني يوم يطلع بقر.
فأخذ الرجل شكارة سكر و رش على الأرض و ثاني يوم راح يشوف البقر......فوجد السكر عليه النمل فقال : واللّه البقر و هو صغير شكله حلو .

[السيد عبدو]

شكرا على المجهود و على النكت الهايلة هههههههههههههههههههههههههههههههه

[ANGEL02]

مرة عروبي شاف لوحة مكتوب عليها مزرعة أبقار فسأل صاحبها : كيف تزرعون الأبقار ؟!! فرد عليه نرش سكر على التراب و ثاني يوم يطلع بقر.
فأخذ الرجل شكارة سكر و رش على الأرض و ثاني يوم راح يشوف البقر......فوجد السكر عليه النمل فقال : واللّه البقر و هو صغير شكله حلو

ههه هايلين مشكووووووور

[نعمة الإسلام]

واحد يبيع القهوة بثلاث دنانير ، و كل يوم يجيه واحد و يحطلو دينار في شرق الحانوت و دينار في غرب الحانوت و دينار في الوسط و يقولو : اعطيني قهوة ، واحد النهار جابلو قطعة نتاع خمسة دنانير و قالو : اعطيني قهوة ، فرح القهواجي و قال هذي فرصتي باش نردلو ما دار فيا و راح جابلو قهوة و حطلو دينار في شرق الحانوت و دينار في غرب الحانوت و قالو : هذا الصرف ، حتان جبدلو الزبون دينار و حطو في النص و قالو زيدني قهوة

ههههههههههههههههههههههههههههههه والله هاذي فوووووووووووووووووور

[حمـ 0418 ــزة]

[سفيان]

ههههههههههههههه

[اللبؤة95]

هههههههههههههها
النكت هايلة بزاف
شكرااااااا

[younes_arris]

مشكور على النكت