أغرب القصص ***جهنم على بعد 300 كلم***

[abdo_spectrum]

روى هذه القصة صاحبحا و نقلتها من درس الشيخ عبد اللطيف الغامدي يقول فيها صاحبها...
والله الذي لا اله ! الا هو لقد خرجت من الرياض ومافي بالي ان اعمل طاعة وحدة لله سبحانه وتعالى..
يقول..وكنا مجموعة من الشباب..رايحين الى الدمام..من الرياض..
ومرينا باحد اللوحات على الطريق..فقراها زملائي (( الدمام 300 كيلو ))..فقلت لهم انا اشوف..
(( جهنم 300 كيلو ))..فجلسوا يضحكون بذي النكته..فقلت لهم والله العظيم اني ماشوف قدامي مكتوب الا
(( جهنم 300 كيلو ))..فتركوني وهم مكذبيني ..
وراح الوقت..في ضحك..وانا باقي محتار من اللوحة التي قريتها..قال زملائي هذي لوحة ثانية..كويس قربنا..
(( الدمام 200 كيلو ))..قلت : (( جهنم 200 كيلو ))..فضحكوا وقالو يامجنون..قلت : والله الذي لا اله الا
هو انني اراها (( جهنم 200 كيلو ))..فضحكوا مثل المرة الاولى..وقالوا تراك ازعجتنا..فسكتُ..وانا
مقهور..وجالس افكر..
مع الضحك جات اللوحة قالو الشباب : ماعاد الا قليل..(( الدمام 100 كيلو ))..قلت والله العظيم
اني اشوفها (( جهنم 100 كيلو ))..قالوا : خل عنك الخراط..اذيتنا من اول السفرة..قلت : نزلوني برجع
الرياض..قالوا : مجنون انت..قلت : نزلوني بارجع..والله ماعاد اكمل معكم الطريق..فنزلوني..ورحت على
الشارع الثاني..وجلست أأشر عسى يوقف لي أحد..طولت ما أحد وقف الا بعد فترة وقف لي راعي
تريله..فركبت معه..وكان ساكت حزين..ولا كلمة ..قلت له : يالاخو سلامات..ماودك نسولف..عسى ماعليك
خلاف..قال لا والله بس مريت قبل شوي بحادث ..والله مارايت ابشع منه في السعوديه حياتي..قلت :عايله والا شباب..قال
لا شباب..سيارتهم (( وذكر سيارة مثل سيارة زملاه ))..فانفجعت..قلت : اسالك بالله..قال : والله العظيم..وهذا
اللي شفته.. فعلمت ان الله اخذ ارواح اخوياي بعد مانزلت من السيارة وكملو طريقهم..
يقول : وحمدت الله ان انقذني من بينهم..ولا أدري هل هم الى جهنم..كما كنت اقرا في اللوحات..لا اتمنى ذلك
ولكنهم زملائي واعرف كيف كانت معاصيهم..اللهم لك الحمد..فوالله الذي لا اله الا هو لقد خرجت

الرياض..ومافي بالي ان اعمل لله طاعة..

يقول الشيخ : وهو الان رجل خير عليه سيم الصلاح بعد ان فقد زملاءه بهذه القصة..ثم تاب بعدها