لا تتعود على الرخاء

[هند تلمسان]

السلام عليكم ورحمة الله وبركاته
ياجماعة هاد القصة حدثت لي انا واختي وهي حقيقة ومضحكة
مرة كنا قاعدين فالدار نحكيو ايا عيطتلنا بنت خالتنا كنا عرسنا في حنتها"يعني اللي تكون عملتها فدار باها" وطلبت منا انا وختي نروح معاها لعرسها اللي ها في دار "زوجها"
كنا حاسبين العرس عادي كيما كامل لعراس ايا مشينا وقالنا "ابي":لازم تروحو فالكورتاج بصح ماشي باللوطو تاعنا يعني نمشيو فسياراتهم .
مشينا وكي وصل الكورتاج قالونا :كل وحدة لازم تركب في سيارة بقاو 2 بلاصات برك
ايا قلنا: ماعليش
هي ركبت في لوطو الله لا يشوفكم "r19 "
وانا منزهري ركبت في وحد الموصيبة مازال لحد الان ماعرفتهاش لا لوطو ولا بسكليته "هادو لواطا حاطين فيهم دراهم وماليهم باينين بلي يبروفيتيو فالمسكين واللي يكون مزروب"
وصل الكورتاج لمنزل العريس يسكن في قرية تخوف قلنا ماعليش دوك نصيبو الحالة شابة لداخل.
والمفاجاة انه حتى الماء اللي عندهم والله العضيم مالح تحسب يسكنو قدام لبحر ...اين المسؤولين
قضينا ليلة بالعطش وما قدرناش وين حاسا هوما ماعلاباليش كيفاش راهي حالتهم ..........كل يوم ماء مالح ويدفعو فاتورة كيفهم كي الناس.
قعدنا على حالنا حتى لصباح
عند 7 تع الصباح ختي قاتلي: نروحو لدار فالطاكسيات قلت: الحمد لله عندهم طاكسيات
ايا بابات لعريس قالنا: ماتروحوش قلنالو: لالا والله لانروحو قالنا: رح نعملولكم اللحم المشوي قالتلو ختي: لا رانا مقلقين انا
ايا هربنا لموقع الحافلات ماكانش BUS حتى الريحة تع LES BUS ماكايناش شفنا 2 نسا رايحين يركبو في لوطو قديمة قلتلها :ماتقوليليش كلون ديستا هادي.قاتلي يالله نشوفو رحنا جات اللولا صفرا وقديمة قلتلها والله مانركب جات 2 قاتلي: والله يلا تركبي ركبنا الغبرة الكحلة طالعة فالسما قريب مانموت ايا وصلنا لوسط طريق "وكان يمشي في طريق والله مافيهاش حتى لوطو تمشي ولا اي رجل شرطة" وقالنا روحو تمشيو غير شوية بقات دوك توصلو لموقع الحافلات "ماعندوش الكوارط" .........
رحنا ووصلنا وتما صارت الرحلة عادية ورجعنا لتلمسان ميتين بلعيا.
وهذا اكبر دليل على ان المسؤولين لايقومون بزيارات للمناطق والقرى الصغيرة
هذي هي قصتي حبيت ننقلهالكم ونسمع قصة كل واحد فيكم
عسى ان نستفيد جميعا
ونبينو بعض الاخطاء اللي نتجت على انعدام المسؤولية