شعر للمنتخب الجزائري

[المسلم الصغير]

المونديال





مبروك علينا المونديال
حيو الشيخ رابح سعدان
فرحت الشعب كان في حال
الله ينصرك على كل العديان
الكل قالو فوزهم محال
واليوم رانا بينا باللي شجعان
عمر البشير صنع الاستقلال
هذا هو الدين هذو هما الإخوان
سبحان الله مغير الأحوال
يامس بكينا واليوم الكل فرحان
بينتولهم باللي رجال
درتو النصر فالميدان
الله يحفظكم يااشبال
شاوشي.صايفي وكريم زياني
لموشية.بوقرة بالحاج وغازال
عنتر يحيى راه بين البرهان
ولادنا راهم صنعو المحال
دارو تاريخ كبير فالسودان
رجعو الفرحة اللي غابت في شحال
يستاهلو تاج فوق الريسان
حنا هما صحاب الكرم والخصال
وحنا هما صحاب الشان
دمنا حامي مانبغو احتلال
وعلامنا زاهي بالألوان
خضرة وبيضا نجمة وهلال
الكل زاهي شيوخ وصبيان
فرحنا العرب في كل الادوال
فالمغرب فرنسا وماريكان
تونس وفلسطين وبلاد الشام
الكل راه معانا فرحان
تحيا العروبة رانا بدلنا الحال
فرحنا العرب ونحينا الحزان
تحيا الجزائر بلاد الأبطال
ويحيا الرئيس سيد العربان

حمادي جميلة