ألفاظ سوقية!

[مشكلتي]

السلام عليكم
عندي أخي عمرو 18 وانا اكبر منو بثلث سنين ،تربينا مليح ومن صغرنا وحنا مع بعض
ضكا ولا بنادم وحدوخر ولا يدير عفايس نقول امبوسيبل يديرهم،يعني ماوليتش نعرفو
قبل يومين قتلو وريلي كيفاش نسوق الطوموبيل،ركبنا عادي ومشيت شوية فقدت السيطرة عليها حتى حبسها ويتلفظ بوحد العبارة شوكاني،،تطياااح ،،كنت نسمعهم يقولوها بارة نتخلع ونقول مشي متربيين قلة أدب...
جامي تخيلت خويا يقول هكا!! ولو قست الطوموبيل مايحقلوش يسب هكا إطلاقا!
من ثما تأكدت بلي خلاص ،ضكا لوكان يقولولي سرق ولا كاش ما دار نأمنهم عادي
منيش متخيلة كيفاش ولا يطيح!!!
من ثما منيش نحكي معاه ومنيش معولة نولي نهدر معاه ،وراني متجاهلاتو فالدار ،فقدت الثقة فيه خلاص ووليت مانحملوش،،الدموع طاحولي ومازال كلما نتفكر نبكي ،،لاحول ولا قوة إلا بالله
جامي واحد في لافامي قال كلمة عيانة هكا
مافهمتش وش ندير معاه هذا ضك،،معناه خلاص ولا يتلفظ بهذا الكلام عادي مدامو قالها وليا ثان!
لوكان نقول عليه لبابا يقتلو ،ماقلت لحتى واحد ،أصلا مازالني مشوكية منو
وشنو الحل معاه هذا ضك ،،وماعندي مانقولو راه كبير ويعرف
ديجا يسمع خويا الصغير عندو ثمن سنين يقول حلوف ولا برك يزقي عليه ويقولو بالاك تعاودها ،وفي نفس الوقت شو كيفاش راه يهدر!!!

[ابو سليمان10]

سلام عليكم
الحقيقة المرة ان اغلب الرجال يسبون الدين و الفاظ جنسية فقط لا يفعلون امام اهاليهم و احيانا العادة تغلب فتخرج الكلمات
حتى الاباء و الشيوخ يطيحوا
الان حتى النساء
ربي يهدينا

[حجوزاتى0]

الله يرحمنا برحمته

[روح المي]

السلام عليكم....الموضوع بما انك غير متعودة عليه فهو غير سليم لكن رد فعلك جد مبالغ فيها...للأسف الشارع يعلمك مصطلحات ولو تؤمني بقرارت نفسك انها خطأ وتنافي الدين والاخلاق من رأيي ان تعالجي الامران تكرر ان توضحي ان يقول ذلك كلام امامك...اوتلجأ للاب تاعك لتدخل حتى لا تتكرر هدا ما يمكنك فعله غير ذلك انت تنصحيه لكن لما تحكمي عليه وتألفي قصص بمجرد كلمات قالها؟

[قدور بن عاشور]

أظن خوك زلق بها برك كردة فعل من غير قصد،
لأن الشباب الصغار للأسف موالفين يستعملو الكلام الفاحش في الشارع مع اصحابهم
و في الدار و مع الأهل و الأقارب مبرمجين أوتوماتيكيا على عدم التلفظ بها.


نعم قد أخطأ و طيح القدر مع أخته،
و لكن ما تكبريش الحكاية، أظنه راه مشوكي أكثر منك،
خاصة أنك قلت أنه ينهى أخاه الصغير عن مجرد كلمة غير لائقة

[بدوون إسم]

أدوه عند مختص نفسي خوك مريض وغير طبيعي

[جناح طاير]

الله يحسن إلينا يا رب