اخطاؤنا نستفيد و نتعلم منها

[ايمانو الجزائرية 01]

السلام عليكم و رحمة الله تعالى و بركاته


اهلا الاشبال ( ضكا نقوللكم اشبال بصح لعام لجاي نحب كامل نلقاكم براعم و مستسقسونيش علاه راني نفوللكم )


كامل كي كنا نقراو درنا غلطات و ماشي عيب بل بالعكس تعلمنا و استفدنا منهم بزاف


على بيها حبيت نفتح هذا الموضوع باه لي غلط غلطة يفيد بيها غيرو



و باعتباري من لبرومو لي فاتت نبدا على بركة الله



اكبر غلطة درتها هي اني والفت نجاوب بطريقة المسودة . خاصة فالرياضيات يعني نسيت كيفاه منهجية الاجابة وش لاوم ندير وش ملازمش نسيت حتى كيفاه نظم لورقة و نهار الباك تفرفشت و تلفتلي و ضيعت شوية نقاطي ( مثلا كيما فالاحتمالات ليلة الباك اكتشفت من فيديوهات الاستاذ احمد ترير بلي فيهم منهجية تتوزع عليها نقاطي و مكفانيش لوقت نعرفها فالدوال كاين حاجات يتقالو كيما مجال التعريف . فالمتتاليات هذوك الخطوات .... الخ ) و الحمد لله على كل حال حتى يبلغ الحمد منتهاه
يعني ابداو تحلو على اساس عندكم باك و اتعلموا تنظمو ( ديديكاس للفوضويين لي كيفي )


حاجة ثان الالة الحاسبة متنساوش تحولوها من الراديان للدوقري سيرتو فيزيك ( نورمالمون هكا مرانيش ثابتة )



اتعلموا اتخيرو الموضوع و نصيحة شخصية ابداو من ضك . باسكو كي تتعلمو بكري فلباك رح تربحو الوقت و تخدمو الاز


متسمعوش للاشاعات تع خرجوا المواضيع و كلش حتى و لو كانت حقيقة ( كيما حنا )


حذاااااااااااااااااااااااااااااااار المقارنة كي نخرجو . لي يسقسيكم قولوا الحمد لله و خلاص حتى داركم



حذار تبدلو الموضوع فنص الوقت



حذاار ثان تتخلعو بلي تلقاوهم يبكو و يقولو واعر ( حتى ولو تعرفوهم قاريين عليكم و نتوما ملقيتو حتى فح ) طبيعي جدا المهم متفقدوش تركيزكم و ثقتكمم بنفسكم


دعواتكم



بالتوفيق