استفسار عن أمر ضروري .

بـــيِسَة · 2020-09-10, 15:26

السلام عليكم

اصحاب الباك والي مجربين قولولي
واحد طالع للباك تانية تانوي ماشي فاهم دروس المواد الاساسية مليح مع هادي العطلة تع 7 اشهر شاد غير شوي
راح حاب يرتاح منا للدخلة اصلا ممازلش بزاف المهم حاب مين يدخلو للقراية ايا و يبدا مع البروف و يقرا
ياك يعاود يسترجع مين يدخل يقرا ؟ ماشي شرط يطلع للباك قاري في العطلة تع الصيف ؟
يا لي مقريتوش في الصيف الباك جاكم عادي تفهم في القسم ومبعد الباقي عليك وميمن متفهمش في القسم بيا تقدر تحصيلها وحدك في الدار ممبعد

موفقين خاوتي كامل ان شاء الله

عاشقة الكواكب · 2020-09-10, 15:28

المواد علمية ننصحك ابدايها من دوك
احنا يا عجابة بديت من سبتمبر وحاسة مكفانيش وقت

صمت النّبض · 2020-09-10, 15:29

انا بالنسبة ليا كامل ملقيتش علاقة بالثانية والثالثة كلش كيتبدل
و كلش تعاودو تقراوه حتى مكيش فاهمة حاجة من ثانية تعاودوهو بالتفصيل عام الباك متقلقيش روحك ختي

batmen9 · 2020-09-10, 15:33

أمر عااااااااااااادي جدا , قادر وحدك تقراي كلش و لكن الاحسن تديري ليكور باش يمدلك معلومات تهمك , اما 95 بالمية من التعاب و الفهم عليك انت و ابداي مع اليوتيوب .

بـــيِسَة · 2020-09-10, 15:47

اقتباس:

المشاركة الأصلية كتبت بواسطة عاشقة الكواكب

المواد علمية ننصحك ابدايها من دوك
احنا يا عجابة بديت من سبتمبر وحاسة مكفانيش وقت

كيفاش نبدا وحدي ؟؟؟ منيش عارفة اصلا البرنامج
شكرا

اقتباس:

المشاركة الأصلية كتبت بواسطة صمت النّبض

انا بالنسبة ليا كامل ملقيتش علاقة بالثانية والثالثة كلش كيتبدل
و كلش تعاودو تقراوه حتى مكيش فاهمة حاجة من ثانية تعاودوهو بالتفصيل عام الباك متقلقيش روحك ختي

اااه طمنتيني سوغتو مع الظروف الي جزنا اعليهم رساتنا تبلعو كامل ههههه
ربي يحفظك ختي

اقتباس:

المشاركة الأصلية كتبت بواسطة batmen9

أمر عااااااااااااادي جدا , قادر وحدك تقراي كلش و لكن الاحسن تديري ليكور باش يمدلك معلومات تهمك , اما 95 بالمية من التعاب و الفهم عليك انت و ابداي مع اليوتيوب .

مي مرانيش فاهةمليح حابة منين نبداو نقراو نبدا من النهار اللول ههههههههه
باينة ليكور مي ماشي دوكا في سومان 4 تع القراية
ربي يحفظك شكرا

batmen9 · 2020-09-10, 16:06

اذا ما كنتيش فاهمة البرنامج تبعي اليوتيوب راه يعطولك البرنامج كيفاه مداير ( تبعي اسماء الاساتذة اللي بعثتهملك ) ادخلي لقنواتهم و بعدها روحي ل play lists ذرك تلقاي الفيديوهات مرتبين في شكل ( عناوين ) هاذوك هوما عناوين البرنامج بالنسبة للمواد العلمية ( في قنوات الاساتذة اللي بعثتهملك . )

بـــيِسَة · 2020-09-10, 16:16

هيه فهمتك خويا بصح شوف انا قلت بلاك كاين تعديل في الدروس
راني قاريين 2 فصول برك يعني بلاك يكونوا دروس زايدين هاذا العام و فيهم معدلين و ناقصين و هكا
بصح على كل حال رايحة نبدا على ربي ان شاء الله
شكرا على الطريقة ربي ينجحك و يحفظك

اكرام براءة · 2020-09-10, 21:28

ما تقلقيش روحك اختي بيسة
شخصيا مابديتش المراجعة من عطلة الصيف
الانطلاقة تاع التحضير تكون مع بداية الدروس في الثانوية
و ديجا مادامكم ماقريتوش الفصل الثالث أكيد رح يعاودولكم و يديرولكم مراجعة اسبوع او اسبوعين بعد الدخول
كملي استمتعي بما تبقى من العطلة
و كي تبقى سمانة على الدخول المدرسي طلعي ملفات و ملخصات على الدروس
منها تلقايهم جاهزين كي تبداو سيريو و ماتقعديش تحوسي
و منها تكون عندك نظرة على الدروس اللي رح ديروهم

ربي يوفقك لكل خير

بـــيِسَة · 2020-09-10, 21:32

اقتباس:

المشاركة الأصلية كتبت بواسطة اكرام براءة

ما تقلقيش روحك اختي بيسة
شخصيا مابديتش المراجعة من عطلة الصيف
الانطلاقة تاع التحضير تكون مع بداية الدروس في الثانوية
و ديجا مادامكم ماقريتوش الفصل الثالث أكيد رح يعاودولكم و يديرولكم مراجعة اسبوع او اسبوعين بعد الدخول
كملي استمتعي بما تبقى من العطلة
و كي تبقى سمانة على الدخول المدرسي طلعي ملفات و ملخصات على الدروس
منها تلقايهم جاهزين كي تبداو سيريو و ماتقعديش تحوسي
و منها تكون عندك نظرة على الدروس اللي رح ديروهم

ربي يوفقك لكل خير

أهلا بارك الله فيك
و الله هكا انا راني نخمم هههههه
ريحتيني هههه شكرا ربي يحفظك يعطيك الصحة
ربي يوفقك

نور<3 · 2020-09-13, 12:14

أنا وحدة من الناس تلفتلي كي سقسيت البعض قالولي ريحي في العطلة بسك كون نبداو من ضروك نتعبو
ولخرين قالولي أقراي في العطلة هه*
المهم أنا عن نفسي نريفيزي دروس تع دوزيام خاصة المواد الأساسية ونطلع ملفات اللي نحتاجهم في الباك طبعا
وربي يوفقنا ان شاء الله .

☜ ندى ☆ · 2020-09-13, 12:24

السلاام عليكم
بالنسبة ليا انا العام الماضي بديت في العطلة لكن لم احرز تقدما كبيرا يعني
مع الدخول عاودنا كلش في القسم مش شرط تقراي في العطلة رح تقراو كلش بإذن الله
المهم نصيحة ماتعوليش على لي بروف في الثانوية برك لازم تخدمي وحدك
واذا درتي ليكور ماتعوليش تاني غير عليهم
اذا مافهمتيش حاجة في القسم تقدري تقرايها وحدك واذا البروف تاعك في كاش مادة ماوش مليح تقدري تعتمدي على روحك خاصة انه كاين بزاف مراجع متوفرة ولي بروف في مواقع التواصل ولا هنا في الجلفة رح يعاونوك بزااف ان شاء الله
موفقة

batmen9 · 2020-09-13, 13:08

عمبالكم بلي انا باك حر و من سمانتين وانا نقرا 20 ساعة في اليوم و مانيش مرتاح و خايف يفوتني الوقت , استغلوا الوقت بدقة راح تندموا في آخر السنة و بعد سنوات تندموا اذا قريتو تخصص فاشل كيما اللي قريتو أنا ( ادب عربي ) , اتعب 10 اشهر ترتاح 20 سنة في المستقبل .
و كلامي راهو نابع من تجربة و تجارب فشل عديدة , اتعبوا و ابداو ذرك ما تستناوش الدخول نصيحة مني ليكم .

بـــيِسَة · 2020-09-13, 13:14

يا باتمان شوف مانيش عارفة اصلاواش نقرا و بيمن نبدا
اوكي فيدنا شوي انت واش راك تقرا ؟

بـــيِسَة · 2020-09-13, 13:19

قولولي خاوتي المواضيع تاع الباك
من اي سنة بديتو تحلوا ؟

batmen9 · 2020-09-13, 13:26

اقتباس:

المشاركة الأصلية كتبت بواسطة الأنيقة بيسة

يا باتمان شوف مانيش عارفة اصلاواش نقرا و بيمن نبدا
اوكي فيدنا شوي انت واش راك تقرا ؟

حاجة ساهلة , روحي لليوتيوب و اكتبي اسم الاساتذة المشهورين في كل مادة ( مثلا شاوش في العلوم ) و روحي ل playlists و شوفي الوحدة الاولى لكل مادة , و تبعيهم مليح و حلي التمارين .
بالنسبة للبرنامج كنت كتبت موضوع عليه و هاهو :
https://www.djelfa.info/vb/showthread.php?t=2257397
+ نصحتني وحدة هنا و عجبتني النصيحة : 1000 تمرين لكل مادة علمية و أساسية بأفكار متنوعة .