بلاك راكم غالطين

[بلا صوت]

حبيت نوضح نقطة بتجربة الايام لفاتت ، وهي الاساتذة لمتوفرين على اليوتيوب
حسب ماشفت ناس كل تعتمد عليهم في كلش وهدا كارثه

أنا في رمضان شفت فيديوهات احتمالات ومن مصادر عديدة و الاستفاذة لديتها منهم هي اني نعرف كيفاه نحل سؤال كما طرحو هو وكما شرحو هو ، بصح نروح لتمرين اخر نبلوكي

أيا بدلت طريقة بسرعه هبطت بدياف مكتوبين وكسرت راسي وفهمت منهم والنتيجة كانت اني استفدت من المبادئ تاع الاحتمالات واي تمرين صادفني مهما كان صعب نضعفو بشوية حتان نحلوا كامل بلا منبلوكي فيه

لذلك لخصلت الى نتيجة ان فيديوهات وشروحات الاساتذة مفيهاش فايدة لحب تفوق ( بلاك تعاون برك ناس لمتروحش تقرا ول تحب تدي باك ب 10 )

فالمصدر الاساسي للتلميذ هو استاذ تاع القسم و الكتاب واي حاجة مكتوبة ، كي تقرا درس علوم ومات من كتاب ووتتعافر معاها باه تفهم منو رايح يفتحلك مخك وتولي تتخيل في درس ودجيك اسئلة فيه ، والاستاذ تاع القسم هو لراح يجيبك على الاسئلة لتتطرحها نتا ( والمبدا الأساسي باه تتعلم حاجة ول تفهم حاجة مش يكون الاستاذ يعرف يشرح وانما المتعلم يعرف يطرح الاسئلة ويستوعب الاجابة تعها ) ، أنا نظن تبع درس فيديو يحلك التمارين ول يفهمك في درس راك راح تولي كما لاعب ديمينو إركب في الاحجار فقط

وقيسوا في جميع المواد والله أعلم بلاك انا غالط