رمضان كريم🌜

[nr.houda]

رمضان مبارك🌜 ، كل عام و أنتم بخير ، تصوموا بالصحة والعافية إن شاء الله .

رمضان فرصة للتقرب من الله أكثر ، وإعادة للحسابات ، فرصة للدعاء خاصة عند الافطار يكون الدعاء مستجاب بإذن الله ، ادعيو ربي يوفقكم لطاعته،وطاعة الوالدين ، ودراستكم.
حقيقة ، عام لي فات شهر رمضان شفت روحي أني محفظتش بزااف و مكنتش منظمة ،، مشي بسبب تعب الصيام و إنما بسبب عدم التنظيم ، عودوا أنفسكم من اليوم الأول على برنامج واحد منقصدش المواد و إنما التوقيت ...
نقترح عليكم برنامج و كل واحد حر
اول حاجة ، تسحروا مليح باش تقدروا تكملوا النهار ، بعد السحور ، صليو قراو ورد من القرآن الكريم و ابداو من 5 إلى 9 ديرو مادتين او مادة مهمة يعني لي لازملها تركيز و متقدرش تقراها كي تبدا طاقتك تنفذ ، بعدها صليو صلاة الضحى قراو ورد من القرآن المهم ريحوا ، عاود قراو مادة مهمة حتى للظهر يعني المواد المهمة لي تحتاج تركيز بداو بيهم ، بعد صلاة الظهر قراو مادة أدبية يا فرنسية - إنجليزية أو عربية وحلو مواضيع على هذه المواد انا على حسابي متحتاجش تركيز كبير ...
بعد الفطور قراو ساعة ونصف و ارقدوا
و من بعدها روحوا ترقدوا ، عندكم الباك اعفيو نفسكم من الكوزينة اصلا والديكم مراحش يخليوكم ، ولي عنده حالات خاصة يقدر يغير فيه لكن وقت بعد السحور استغلوه مليح ...
وفقكم الله