كفاش ندير

[مشكلتي]

لسلام عليكم وصح رمضانكم

انا فتاة متزوجة نعرف نخيط شويا المشكل اهل زوجي يقولولي خيطيلنا وانا مع التربية تع ابني منقدرش سورتو ابني يظل يجري هنا ولهيه وانا ردافه والي لقاها في طريقو ياكلها ذيك نهار والله كلا الخيوط كيما كنت نخيط
خت راجلي لي مش متزوجة والله غيىر نخيطلها نورمال لخاطش محتاجة تخيط وتخبي لعرسها
بصح كيما المتزوجة علاه تزيد هي ثان تلسق فيا .تعيشو القاولي حل كفاه نقول لخت راجلي المتزوجة بلي منزيدش نخيطلها .للعلم هوما يشرولي القماش ويقولولي خيطيلنا ونخيطلهم باطل تعبي يروح هكداك لكان يقرو بالخير والله متغيظ
النشكل خت راجلي هذي فقيرة شوي
كرهت دبرو عليا تعيشو ربي ينوركم

[ع.عيسى]

اطلبي اجر مقابل الخياطة .واذا ما قدرتيش تطلبي اجر مقابل الخدمة . تحججي بلي عندك شغل .ودايما تماطلي حاجة نتاع نهار اخدميها في شهر ، ..

[Amir ami]

من حقك تخدمي بالدراهم خيطيتيلها مرة مجانا خلاص. لازم تصححي وجهك شويا وعلاه هي ماحشمتش وقاتلك خيطيلي. صح تجيك صعيبة في الاول بصح ممبعد عادي. راحتك هي الاساس.

[الملكة بلقيس 2]

تعلمي تقولي لا , ولنفسك عليك حق , ان تتعبي من حقك تطلبي اجر هذا اولا , ثانيا الناس تعنا و للاسف وجهم صحيح ديريلهم حاجة مرة يولو يحطوها من حقهم, اذا ابدئي بالمامطلة ثم اعتذري لانه ليس لديك ووقت للخياطة , المهم قولي لا مرة واحدة و سترتاحين , لا تفرطي في نفسك و حقك , الناس لا ترحم ليس كلهم اكيد و لكن الخياطة باب رزق يا اختي لا تخجلي في طلب حقك
سلام

[Elwawy]

أطلبي من من يريد الخياطة باطل أن يأتي و يراقب الطفل -إنتهى-

[toulay]

وعليكم السلام ورحمة الله وبركاته
المشكل كاين ناس تحب تبروفيتي مليار ومين يشوفوا واحد ساكت وناس ملاح ويحشم ميهدرش يزيدوا يطلقوا رواحهم
كيما هي جاتها نورمال تجيبلك القماش باش تخيطلها باطل انت تاني تجيك نورمال تقولها تمدلك تعب يديك ومين قلتي هي فقيرة شويا ساعدها فالسومة
يا اختي هذا حقك وهذا تعبك والدراهم هاذو يجي النهار وتحتاجهم وكيما يقولوا الحشمة في لقباحة وانت ماراحش تطلب حاجة عيب ولا حرام راح تطلب حق خدمتك
بالتوفيق