كيف اتصرف معه

[مشكلتي]

السلام عليكم ورحمة الله وبركاته اعضاء المنتدى الكرام انا فتاة متزوجة اسكن مع العائلة ولدي اولاد الحمد لله مشكلتي في والد زوجي الضالم ياناس والله غير عييت من ظلمو بزااااف مرضني طيحلي صحتي انا وسلفتي يعني زوجة اخ زوجي والله والله والله حنا بنات فميليا وبزاف متربيين ونحشمو ونقادرو الكبار بصح هاد مبغاش يحشم كل يوم مدوس مع ولادو وكي يخرجو ويخلوه يجي لينا ويعايرنا ويعاير مالينا ولا يعيط لمالينا ويقولهم ارواحو ادو بناتكم ماهي مرة ماهي زوج وكي دارولو ولادو حد ولا يظرب ولادنا باه يقهرنا ويقهر ولادو خاطر حنا عندنا مكاش لي يهدر قدام لكبير والله العظيم لكرهت الدنيا لوسي خرج كرى وقعدت انا برك قسمت وحدي لفوق ولا يجي كي يكون راجلي خدام ويفتش دياري ويقولي بلاك راكي مخبية راجل ادا جاو اهلي يزوروني يمرحب بيهم وكي روحو يقولي جياع جاو باه ياكلو مع انو حالتنا جد ميسورة والحمد لله معليش هاد كل يجوز بصح غايضيني ولادي والله غير يضربهم بالكابل نتاع الكهرباء 5و3سنوات ديما دمعتي على خدي وندعي حتى يأست من دعاء عليه تخيلو راح حج وهو مقاطع اخوه واولاد اختو عمري مرديت عليه كلمة لانو متربية وزوجي اروع انسان في دنيا الله غالب عليه قعد غير هو عندهم مكاش كفاه يدير وحدو دلوني كفاه ندير اسمحولي على ركاكة التعبير راني نرجف ونبكي يارب كما اريتني قوته فيا وفي اولادي ارني عجائب قدرتك فيه