جارتي

[مشكلتي]

السلام عليكم

اطلب ممكن النصح فيم يخص تعاملي مع جارتي

انتقلت للسكن في ولاية جديدة يحكم عمل زوحي و نسكن امام احد معترف زوجي

جارتي دارت فيا الخير يعني بت في دارها بغيابها و كليت ماكلتها

بعدها لما تعرفت عليها اكثر لاحظت أمور مثل الغيبة و انها تنقل اخبار جيران سكنت قدامهم سابقا و تشوف في كل مكان و تتنقل في ارجاء البيت دون إذن و تسال عن أمور اعتبرها خاصة

و انا بكبيعتي أحب الخصوصية و إن ارتاح في بيني يعني اللقاءات تكون مرة في زمان و باتفاق منحبش تاع كل يوم

قللت التعامل معها و خليتو سطحي و هي استغربت و بقات تنبش اذا راجلي مخلانيش او اذا عندنا مشاكل و نحنا قعلا كانت فيه مشاكل لكن لا أريد أن اتكلم عنها

هل انا موسوسة زيادة ام انني اصبت بهذا التعامل ؟؟

عايشة بعيد على دارنا و نحب الونس و لكن تصرفاتها خلاتني نخلي العلاقة اكثر رسمية

ارجو ممكن النصح في كيفية التعامل

[didoinps]

نصيحة في سبيل الله خطيك من جارات راكي بعيدة على داركم تهلي في راجلك و وولادك ادا عندك انا عندي نفس الحالة متزوج وجارتنا بغات تدخل بيني وبين زوجتي قعدت تحرضها عليا رحت للجارة قتلها ماتزيديش تجي عدنا والحمد لله رحلت من ديك الدار وسكنت سكنة اخرى ولا اتعامل مع الجيران سوى القاء التحية او زيارة في مرض او ماشابه اما النساء لا تدخلن بيتي ولا زوجتي تروح عندهم خطييييييييييك

[zahra1999]

ماتفعلينه اختي هو عين الصواب .
خلي علاقتك بالجارة متتجاوزش حدود المساعدة فقط .

اذا دصرتيها بزاف رايحة تعيشي في ضغط كبير.
بزاف أمور نتلقاها من طرف أناس تضرنا وتنغص معيشتنا لكن بحكم علاقتنا بالشخص المعني نظطر أنو نصمت ونتحملها احتراما للعلاقة السامية بهذاك الشخص
وعليه فالأحسن للانسان أن لا يوطد علاقته بأي شخص كان .

جارتك رايحة توالف عقليتك الجديدة وتولي تحبك وتقول جارتي مشاء الله حاكمة روحها جامي آذاتني .

[toulay]

وعليكم السلام ورحمة الله وبركاته
اجبد روحك قد ماتقدر وخلي مسافة بيناتكم لانو كيما يقولوا الدصارة تجيب لخسارة مالا رد بالك
ومبعد مين تشوفك بعدتي وموليتيش تتعامل معاها كيما بكري تفهم روحها وتنسحب وهكذا انت ترتاح
انت بالذات قلتيها انها تدي الهدرة وتجيب يعني كون تبقى مصاحبتها تبقى تنبش تنبش وتكرهلك حياتك وديرلك مشاكل كبار انت في غنى عنها
بالتوفيق