لو كنتي مكاني

[مشكلتي]

حماتي تتجسس على الصليح تاعي(القمامة)
كي نرمي قمامتي حشاكم فالمكان المخصص لها عجوزتي تفركشها وتقلبها وانا متأكدة من هذ الشيء.

بحكم اني نخجل بأنها تشوف بعض اغراضي حابة نديرلها حد .

نقدر نحكمها في موقف حرج .هي تقلبها داخل دار الخردة .وانا هذيك الدار جامي ندخلها .نقدر نتللص ونطل عليها باه تحشم ومتزيدش تعاود فعلتها.
أو نوكل عليها ربي ونخليها.

للعلم عجوزتي غير مسنة لكان جات كبيرة والله ماندير عليها نقول كبرت وخرفت .عجوزتي بلاك50سنة او اقل بقليل

للعلم وربي يشهد غير زوجي يموت على اهلو ويشريلهم كل واش شرالي .بصح هي ماتديرش لامان .عامين زواج ومازالت تشك فينا وبلي رانا ناكلو ولا معلباليش. معلباليش وش راها واش راها تحوس؟

[NIGHTINGALE]

لا إله إلا الله
لعلها تستفزك لتستدرجك إلى المشاكل حذاريييييييي

[toulay]

السلام عليكم
خليها تربش واذا تحب تاكلها ربي يسهل عليها يعني تحير في هاذ لعجايز وصلت بيهم الجراة يعملوا هكذا
ربي يهدينا ان شاء الله
اذا شفتيها تخلط ماتهدر معاها ماوالو اخزر فيها مليح وقول لاحول ولا قوة الا بالله وروح اذا من النوع ليحشم راهي تتمنى تدخل في نص شكارة واذا لا وكل ربي وفرات
فيما يخص واش تحوس بلاك كاين كاش كنز وانت لاخبر
بالتوفيق

[sidahmed187ciacia]

شيء عادي في مجتمعنا عليك بالصبر لكي تربحي زوجك وبيتك
أما في حالة العناد فستخسرين كل شيء
وحذاري من أراء النساء*

[المطمئنّة]

السّلام عليكم ورحمة الله وبركاته

أختي أفضل مواجهة تقومين بها هي شراء سلة مهملات ووضعها في غرفتك
ارمي فيها قمامتك واطلبي من زوجكِ يوميّا أن يخرج الكيس صباحا وقت صلاة الصبح أو عند ذهابه للعمل مثلا ..


أمّا التجسس فلا أنصحكِ أبدا، لأنّك قد تضعين نفسكِ في موقف محرج أو قد يصبح موضوع القمامة هذا مشكلا كبيرا بينكِ وبين زوجكِ



أرجو من الله أن يباعد بينكِ وبين أهل زوجك و أن يكفّ عنكِ شرّهم
وأن يصلح أحواكِ ويوفقك لواجباتكِ تجاه نفسك وأسرتكِ أمام الله

آمين

[Elwawy]

قول لها أنه سقط لكي خاتم أو شيء معين في القمامة و أثناء البحث كادت علبة الطماطم أن تقطع إصبعك و بعد علبة الطماطم ظهر ريزوار حاد أخر كاد يذبحك, خوفيها بالأشياء مماثلة ستعيد التفكير أو ربما تستعمل قفازات.

[قرميط مجيد]

لا حول ولا قوة الا بالله أفضل حل هو اللامبالاة بما تفعله*