أنقذوني داري راح تنخرب

[مشكلتي]

بنات قولولي واش ندير راني راح نخرج من داري
انا انسانة خدامة في حضانة يعني أربعين تلميذ يبكي عند راسي ودار شيخي كانو يسكنو في مدينتي عنهم دار لباس عليهم وكانو حابين يسكنو معا يا في سكن وظيفي الي ساكنة فيه ورفضت حبيت نسكن وحدي عندي سبع سنين نحارب باش نبقى ساكنة وحدي وخت راجلي تحب تتعدى عليا ومرات حتى تجي تضربني وكي منخافش منها تقلهم رآهم جنون الي ساكنين فيا هما الي حبو يضربوها ،ورثو زوج مليار شراو دار في العاصمة
وخلاو دارهم هاذي الي حذايا ماباعوهاش.
الشهرين الأولين كانو كل سمانة يهبطو عندي زعما بحكم رآهم مزالهم يرحلو في القش
مامحكيلكمش وشجال تعبت خدامة بر وداخل لدرجة اني غلطت في دواء تاع واحد الطفلة عندي في الحضانة مزية مش حاجة كبيرة
حاليا خت راجلي راها كل اسبوع تجيني نقعد عندي
لانو لقات خدمة المشكل انهامش طبيعية شوية خطيرة
يعني توصل الهدرة ومرات بالكذب ،مثلا طردت أمي من البيت وكي هدرت مع راجلي قانلو مش انا هاذوك الناس.المهم نتفادى فيها وحياتي أصبحت لا تطاق هي كبيرة في الأربعينات من العمر ،الوقت الأخير أصبحت تسألني أسئلة غريبة يعني عن علاقتي مع زوجي ،وتطلب مني اشياء غريبة لا استطيع البوح بيها،المهم هدرت مع راجلي قتلو إلا صح راح ترجع تخدم يرجعو اهلها معاها انا مش مسؤولة نتحمل مشاكلها
يعني هما عندهم زوج ديار الله الله اخر طراز وانا سكن وظيفي مقشر مكسر حبو بسيف يتالبوني فيه
قولولي واش ندير
قلت راجلي الا راح تقعد عندك انا نخرج من الدار

[" شاهير خان "]

م نحبش ندخل روحي ب مواضيع النساء بشكل عام لكن لاحضت نقطتيين
انت امك جبتها للدار عادي وامه رفضتيها !! وين المنطق ثانيا راجلك شكون رباه وكبره والديه م تنسيش ذي النقطه عيب وعار وبنت الاصل عمرها م ترفضهم حتى لو كان مانيش عارف الغلطه غلطتك مانيش نقولك اتحملي اخته مي امه وابوه خط احمر عيب كبير يا لوكان عندهم ورث الجزاير كامل عيب عليك ترفضيهم ي سيده هاذو ميمته وبوه وانت ميمتك زعفتي عليها كي طردوها مالا شفتي هو احساسو كيما احساسك غير م بينلكش برك راح تخسري راجلك بالعقليه ذي خدمتك مسؤوليتك نتي مشي هوما انت قررتي تخدمي وانت اللي تتعبي على خدمتك باسكو فرضتيها مالا عمرك ولا تنطقي بلي راك تتعبي ف الخدمه لانو هاذي الخدمه خدمتك انتي اللي لازم تنضمي وقتك وتقسميه بين العايله والعمل + واخته ذي باينه غادي تدير كثر من هاك كي تشوف خوها يرفض في امه وابوه + مالا ك نصيحه صححي غلطته وامه وابوه ماغاديش يدومو في دي الدنيا وتندمي وتجيبي ولد ويرفضك كيما رفضتيهم عيب والله عيب كي تكوني معاهم مليحه هوما يزيدو يحبوك بصح باه تخدمي بالعقليه دي والله م توصلي بعيد وديري ف بالك راجلك دي اخته يفوتك على جالها نورمال وعلى جال والديه وانا شخصيا وحده ترفض والديا شغل رفضتني كيفاه انت ترضيها على روحك !! وكان خوك يتزوج ويصرالو نفس الموقف يعجبكك !!! تبغي على امك اللي رباتك وكبراتك من بعد فالتالي تجي وحده من الطرف تقول ل خوك نو انا نسكن وحدي وم نقبلهمش وعندهم سكاني والله الله لا والله عيب صححي نفسك لانو الغلط كله عليك ومسؤوليتك وتعبك فالخدمه راجع لك .

[حذيفة بن اليمان]

أسمحيلي على الصراحة تاعي، لكن نحب نقولك أنو الشخص لي راكي متزوجاته لا تتوفر فيه صفات الرجولة، ولا يملك شخصية التحكم وتسيير المنزل

راجلك واقف مكتوف الأيدي أمام أهله ولا يمكنه فعل أي شيء، هنا طرف الخيط، لما يوضع أهله عند حدهم رح تتغير بزاف أمور

لما تحلي هذي المشكلة مع راجلك رح تبدا قاع المشاكل تتحل

[حورية تو]

عائلة زوجك لديها الحق في زيارتك*
أخت زوجك ليس لها الحق في التدخل فيما بينك وبين زوجك ضعي لهذا حد*
لكن خلي بالك طويل فضغط العمل والمنزل جعلك في قلق من كل شيئ*
خدي لنفسك إستراحة ولو ليوم واحد تنفسي وأمرحي وارمي كل شي وراء ظهرك حتى تستطعين التمييز الصح عن الخطأ