حب زوجي يخنقني وارغب في بعض القسوة

[مشكلتي]

السلام عليكم
انا فتاة في عمري 22 سنة فات عام علي زواجي بديت نختنق من حب راجلي الشديد هو يلبيلي كل طلبلاتي حتى يقوم ايضا يدير في الميناج حتى بلا ما نقلو ويطيبلي مرات نهار ما عاملني بقسوة هذا الشي تعبني بزاااف ممكن تستغربو مني لكن والله لو تجربو الحياة هاذي لي عايشتها تفهموني ماقدرتش نستحمل شخصية زوجي حاستها خالية من القسوة والشدة والحزم اني حابة غير نهار خصام واحد فقط غير باش نحس ببعض المنطقية في حب راجلي لي الي دايما يغرق فيا بالغراميات حتى اصبحت نخلق في بعض المشاكل وهكدا مايزعف ما يعاتبني مايجاسبني بالعكس يفوتها ويسامح كلي ما كان والو عييت