اللي عندها لا دال دو صول في الدار تدخل ضرووووري من فضلكم

Kuchiki Rukia · 2012-10-08, 15:00

السلام عليكم و رحمة الله و بركاته

في دارنا عندنا كارلاج من بكري و هو عندنا ، عاودناه مرتين لكن دايما نستبدلوه بكارلاج من نفس النوعية و الحمد لله مرتاحين عليه
المشكل أن خطيبي راه يبني في دارنا و دار لا دال دو صول، لكن أنا ما نعرفش كامل كيفاش نتعامل معاها، كيفاش نحافظ عليها و كيفاش طريقة تنظيفها يعني المواد و الطريقة و هل كل يوم و لا كيفاش
الكارلاج صحيح على لا دال دو صول لذلك راني خايفة نتعامل معاها كيما الكارلاج و نتلفها
ساعدوني ربي يرزقكم الجنة

halima574 · 2012-10-09, 07:54

هو غير كيما الكلاج مكاش اختلاف لكن عندو مشكلة يزلج بزاف

soumsouma · 2012-10-09, 10:32

كما الكارلاج نظفيه و بالاك تزلقي
و كاين الخفيف غير اطيح عليه حاجة شوووووووية ثقيلة يتكسر ردي بالك

Kuchiki Rukia · 2012-10-09, 19:24

يعطيكم الصحة يا الفحلات انتم الوحيدات اللي جاوبتوني، و على الزليق ربي يستر و خلاص هههههههههههههههههههههههه

fifiarch · 2012-10-09, 22:13

ايه احنا دارنا نص كارلاج ونص دال دو صول
هي صح تزلق وكيما قالت الاخت تطيح عليها حاجة تتكسر
احنا تاعنا طاح المهراس دار فيها ثقبة صغرونة دارت منظرها بشع
وزيد تطيح حاجة في الارض تبان لازم تكون النظافة دايما
ربي يعاونك ويهنيك

fafi05 · 2012-10-10, 14:13

واش نقولك يا اختي لا دال دو صول الصح باهي بصح يعييك انا راني نعاني معاه يحتاج النظافة دايما و اي حاجة صغيرة تبان فيه و يزلق بزاف انا ديت فيه قداش طيحة واش نقولك ربي يكون في عونك

kari77 · 2012-10-10, 15:11

اقتباس:

المشاركة الأصلية كتبت بواسطة kuchiki rukia

السلام عليكم و رحمة الله و بركاته

في دارنا عندنا كارلاج من بكري و هو عندنا ، عاودناه مرتين لكن دايما نستبدلوه بكارلاج من نفس النوعية و الحمد لله مرتاحين عليه
المشكل أن خطيبي راه يبني في دارنا و دار لا دال دو صول، لكن أنا ما نعرفش كامل كيفاش نتعامل معاها، كيفاش نحافظ عليها و كيفاش طريقة تنظيفها يعني المواد و الطريقة و هل كل يوم و لا كيفاش
الكارلاج صحيح على لا دال دو صول لذلك راني خايفة نتعامل معاها كيما الكارلاج و نتلفها
ساعدوني ربي يرزقكم الجنة

شوفي حبيلتي عندي دال دو صول في دارنا ننصحك مديريش جافيل من بعد يبينها باهتة عكس الكارلاج ادا جففتيه بالجافيل يبان يلمع

amiramirna · 2012-10-10, 15:26

لازملها منظف خاص بيها راهو كاين كل الاسعار و الماركات نتاع الخارج خير
اللون الغامق مايبانش فيه الغبار بصح النظافة لازم (كيفو كيف الكارلاج)
و هاذي صورتو
[IMG][/IMG]

ورد21 · 2012-10-11, 17:23

llllllllllllllllllllllللرفع

inasso R · 2012-10-11, 18:23

اختي أحنا دارنا كامل دايرينلها لدال دول وصح كيما قالولك يزلج بصح كاين حاجة كاين إلي يحول وكاين إلي لا لا المهم في كلتا الحالتين إفتي الجافيل متكوبيش عليه كامل الجافيل في الأرض لخاطر بالطولة يحولك

Kuchiki Rukia · 2012-10-12, 14:57

بي يعطيكم الخير ان شاء الله
ربي يجازي بالجنة كل وحدة ردت عليا شكرا جزيلاااا

ام زكريا · 2012-10-14, 16:27

واش بيك حايره اختي..هي كيفها كيف الكارلاج ..بصح تتطلب عنايه خاصه
شوفي انا في داري مستعمله نوعين
النوع الاول في المطبخ و الحمام Anti dérapant يعني ما تزلجيش راهو متوفر في المحلات عادي انا نحكه مره في الاسبوع بجافيل براف و الاومو..عادي ما راح اللون ديالو ما والو بصح بشرط يكون نوعيه اصليه

النوع التاني تاع الصالونات و الغرف صح يزلج...و عندو لمعان زي الزجاج...انا تعرفي كيفاش نعتني بيه..يوم نجيب البيدو و النشاف حشاكم و نحط بوشون ديتول متوفر في كل المحلات هدا علاجال التعقيم راكي عارف اللي عندها الدراري تخاف عليهم..لاخطرش ما نستعملش الجافيل و اليوم التاني في مكان الديتول نستعمل بوشون منظف الزجاج...اللي نمسحو بيه الزجاج يرجع يبرق و هكدا محافظه على النظافه ديالو و في نفس الوقت يشعل