اول حاجة نتا فكرتني بوحد العضو دك راهو يقرى طب كان كيفك شوف
تبع نصايحي انا برك بسكو نقرى فلسفة ومعاملها 6 يعني اللعب مكانش معاها المهم شوف نتا اعتمد على روحك من الاخير
وزاد رحمة ربي انك تقرى في الليسي يعني الاستاذة قدامك ومقالا تها بالعكس هوما لي يفيدوك اكثر من اي حاجة باسكو على حساب المنهجية الجديدة لي صحو بيها العام لي فات في الفلسفة ونقولهالك اخطيك من مقالات شهاب يعني معلاباليش لاه مزلتو تبعو فيه ومنهجية نتاعو مهيش صحيحة العام لي فات هدرنا في هذا الموضوع بزاف مكان لاه تبعو
شوف هذي طريقة ادبية بامتياز وهاني شفت لي سرقو نصائح هاذو بصح معليش نعاودهم
نتا في القسم كتبت الدرس وتبعت معا الاستاذة فهمتو وكتبتو مقالات تطبيق نتا كي تروح لدار زيد شوف قناة سعيداني خليل فلسفة روعة ونبعدا روح جيب ورقة وكشما مقالات مثال نتاع رزيق محمد العيد هني حطيتهم مرة هنا وكشما مقالة اخرى يعني نت مليانة
وقبل هذا لازم المنهجية لازم تكون حافظها كي اسمك وتبدى سطر على الافكار لي تشبه لبعضاها يعني عندهم نفس الفكرة نفس الشئ للاقوال والحجج ونبعدا جيب ورقة وبدا طبق مع احترام المنهجية اكيد وكل ما تكتب جزء عاود اقراه وحاول تعدل فيه باسلوبك الخاص وكل ما تقرى واش كتبت تعرف الافكار وترتيبهم الصحيح وكاين في الفلسفة حاجة وسمها العادة وليدة التكرار يعني كل ما تكرر من كتابة المقلات كل ما تولي عندك عادة وسهولة باه تكتب مقالة هذي طريقة ناجحة وانا دايمن نخدم بيها وجامي جبت في الباك تجت 14 اخر علامة طحت شوية وجبت 13
اما تحليل النص نتوما العلمين تموتو عليه وتدريوه ساهل بصح هو اوعر حاجة حتى الاساتذة ويختالفو فيه ومكانش مهنا هذيك نتاع منهية تحليل النص ستوندار الفلسفة مهيش كي كونتروندي نتاع لفرونسي
يعني كشما نصيحة اخرى هاني هنا 
والسلام
( تقرير عن مشاركة سيئة )، و الموجودة أسفل كل مشاركة .
2019-10-26, 19:22
الفلسفة 😡😡
العرض العادي
