وحكاية النواس البسيط وشنهي؟؟

اشعة الشمس · 2019-06-20, 18:55

السلام عليكم
مباركر لكم الاستقلال اخوتي اولا ههههه
ان شاء الله كامل ننجحو بالمعدل لي حابينو
قولولي زعما قريتو النواس البسيط في القسم؟
انا شخصيا جاني ماشي عدل ، موضوع داروه واعر فيه خدمة وموضوع دارولنا درس مقريناهش وساهل
على كل عطلة سعيدة
انتشروا في الاقسام الاخرى لمنتديات الجلفة

Dhiaeddine Ben · 2019-06-20, 18:58

هههههه ايا كاش واحد يفتح مجموعة تع باك 2019 (بدات جيني ثقيلة شوية ) وليكن اسمها مثلا مابعد بكالوريا 2019....

Dhiaeddine Ben · 2019-06-20, 18:59

اي أقسام ؟
نعرف غير هذا القسم وناسو خخخخ

اشعة الشمس · 2019-06-20, 19:03

نروحو لاقسام الجامعة مثلا (امزح طبعا)
خذ جولة وستتعرف على بقية الاقسام، تجربة مميزة عن الفيسبوك واكثر جدية وافادة

ندوشةة · 2019-06-20, 19:13

انا حلييتو نورمال هاد النواس هه شويا قذييفة دوختني

الإسكندر الأكبر · 2019-06-20, 19:13

و الله راح لباك ، مع لفيزياء هديك تاع صباح ،. كان عندي شوي امل نعوض رياضيات. لكن يا لللاسف الشديد و خيبة الامل ،. اذا كتب الله و بقي نفس ، 😔الترشح الحر

Dhiaeddine Ben · 2019-06-20, 19:23

اقتباس:

المشاركة الأصلية كتبت بواسطة اشعة الشمس

نروحو لاقسام الجامعة مثلا (امزح طبعا)
خذ جولة وستتعرف على بقية الاقسام، تجربة مميزة عن الفيسبوك واكثر جدية وافادة

هذا ما افكر فيه في الحقيقة قررت الانضمام الى هنا مباشرة بعد قراري بتعطيل الفايسبوك في ديسمبر الماضي لهذا اظن اني اسير في الدرب الصحيح خاصة وان ساعات استعماله لهذه السنة لا تتعدى الثلاثة اسابيع (اقصد ساعات الاستعمال مجمعة في 3 اسابيع) كحد اقصى يعني من 6 أشهر ثلاثة اسابيع فقط كانت فايسبوك واضافة لتعرفي على اناس رائعون رغم انه جمعتني معهم علاقة دلراسة "لا اقصد مصلحة" تحسنت لغتي العربية بشكل ملحوظ هذا لأنني اعتمد علىها بشكل كامل معكم اظن انني اكثرت الكلام.....ستكون لي زيارة لكل زوايا المنتدى حتى اجد مكانا اخرا استقر فيه

طبعا ولن يكون مثل هذا المكان ابدا....
.
.
.
صحيح انني تحسنت في التعبير لكن لحد الان لازلت اخطأ ولا افرق بين ض و ظ في الكتابة هههه

المداينية26 · 2019-06-20, 19:23

غير شفت نواس ما عجبنيش لأنو ما قريناش.. جات في بالي ديراكت قمر كي سقساتنا على النواس انا قتلها احيييي ما يطيحش ههع
روحت ديراكت سوجي لول و الله ساهل حلو يهبل.. غير واحد العلاقة في ph تعيف.. بصح تمرين لول ساهل و مستو مائل ثاني مليح و فيه ترسم بيان و حصيلة طاقوية و سي تو

Dhiaeddine Ben · 2019-06-20, 19:26

اقتباس:

المشاركة الأصلية كتبت بواسطة الإسكندر الأكبر

و الله راح لباك ، مع لفيزياء هديك تاع صباح ،. كان عندي شوي امل نعوض رياضيات. لكن يا لللاسف الشديد و خيبة الامل ،. اذا كتب الله و بقي نفس ، 😔الترشح الحر

مادام النتيجةمخرجتش نحيمن راسك هذا التخمام.....بعد النتيجة هناك كلام اخر

اشعة الشمس · 2019-06-20, 19:29

اقتباس:

المشاركة الأصلية كتبت بواسطة المداينية26

غير شفت نواس ما عجبنيش لأنو ما قريناش.. جات في بالي ديراكت قمر كي سقساتنا على النواس انا قتلها احيييي ما يطيحش ههع
روحت ديراكت سوجي لول و الله ساهل حلو يهبل.. غير واحد العلاقة في ph تعيف.. بصح تمرين لول ساهل و مستو مائل ثاني مليح و فيه ترسم بيان و حصيلة طاقوية و سي تو

يب انا قلقني تاني تمرين الاحماض والاسس برك
كي عادت فكرتو جديدة بشكل ما (البيان هاذاك)
الباقي كي شغل وضعيات ادماجية

اشعة الشمس · 2019-06-20, 19:29

اقتباس:

المشاركة الأصلية كتبت بواسطة الإسكندر الأكبر

و الله راح لباك ، مع لفيزياء هديك تاع صباح ،. كان عندي شوي امل نعوض رياضيات. لكن يا لللاسف الشديد و خيبة الامل ،. اذا كتب الله و بقي نفس ، 😔الترشح الحر

خذ نفسا اخي عسى ان يكون في ذلك خير
مازال للنتائج وان شاء الله نخمو في هكذا قرارات
بالتوفيق

~عيون القلب~ · 2019-06-20, 19:31

اقتباس:

المشاركة الأصلية كتبت بواسطة المداينية26

غير شفت نواس ما عجبنيش لأنو ما قريناش.. جات في بالي ديراكت قمر كي سقساتنا على النواس انا قتلها احيييي ما يطيحش ههع
روحت ديراكت سوجي لول و الله ساهل حلو يهبل.. غير واحد العلاقة في ph تعيف.. بصح تمرين لول ساهل و مستو مائل ثاني مليح و فيه ترسم بيان و حصيلة طاقوية و سي تو

منك بالصح ؟؟؟
والله وجعتني قلبي هدرتك حسيت روحي ما قريت والو, انا جيت نبكي للدار من بعد الفيزياء هادي وخاصة اني خيرت لول
يوو شحال حاار و يدوخ

اشعة الشمس · 2019-06-20, 19:31

اقتباس:

المشاركة الأصلية كتبت بواسطة dhiaeddine ben

هذا ما افكر فيه في الحقيقة قررت الانضمام الى هنا مباشرة بعد قراري بتعطيل الفايسبوك في ديسمبر الماضي لهذا اظن اني اسير في الدرب الصحيح خاصة وان ساعات استعماله لهذه السنة لا تتعدى الثلاثة اسابيع (اقصد ساعات الاستعمال مجمعة في 3 اسابيع) كحد اقصى يعني من 6 أشهر ثلاثة اسابيع فقط كانت فايسبوك واضافة لتعرفي على اناس رائعون رغم انه جمعتني معهم علاقة دلراسة "لا اقصد مصلحة" تحسنت لغتي العربية بشكل ملحوظ هذا لأنني اعتمد علىها بشكل كامل معكم اظن انني اكثرت الكلام.....ستكون لي زيارة لكل زوايا المنتدى حتى اجد مكانا اخرا استقر فيه

طبعا ولن يكون مثل هذا المكان ابدا....
.
.
.
صحيح انني تحسنت في التعبير لكن لحد الان لازلت اخطأ ولا افرق بين ض و ظ في الكتابة هههه

الحمد لله

بالتوفيق اخي

* قمر* · 2019-06-20, 19:34

للاسف انا خدمت الموضوع الثاني تمرين النووي ساهل و الاخير ساهل و قعدت نخلط في النواس تذكرتكم قلت يا ويلي غي قريتوا ندمت بزااف
راني محطمة كنت قادرة نجيب 20 واسفاه 13 فقط

اشعة الشمس · 2019-06-20, 19:46

ان شاء الله يكون خير اختي
تبانلي درك يديرو اجراءات بخصوص التمرين هاذاك