ادخلوا كامل ، لازم تقراو هاذ التحفيز ، هلموا يا ابطال الباكالوريا

[الاسكندر الاكبر]

السلام عليكم يا معشر المحاربين 🧐🏹⚔، اليوم يا سادة جاء ما كنا ننتظره منذ ما يقارب احدا عشر عاما يا سادة ها قد اتت اللحظة اللي راح تدخلو فيها و انتم على استعداد ، لاستلام الشعلة ، يا ابطال ، لاعمركم و لا تظنوا راكم لستم على استعداد ، ها انا اليوم اقولها لكم كل العظماء الذين سبقوكم و رفعوا راية التحدي و ووقفوا على ناصية التحدي و قاتلوا كان عندهم ربعة و عشرين ساعة كيما نتوما ، كانوا يسيرون مثلكم ياكلون مثلكم ، يا سادة اليوم رايحين تستلموا الشعلة التي ستثبتون من خلالها لوالديكم انكم اهل لما هو اعظم ، تذكر يا عزيزي المحارب ان لم تستطع ان تثبت نفسك في اختبار عادي كما تقول انت ، ان لم تستطع اثبات نفسك في الباكالوريا الذي يعد اول و اتفه العقبات في مسيرتك نحو النجاح فما عساك تثبت نفسك فيما هو اكبر ، عزيزي المحارب اليوم جهز نفسك اخرج احذيتك من الخزانة و اذهب لتنظيفها ، حضر ملابسك ، رتب خزانت الاسلحة و الأدوات ، اذهب و اضف اللمسات الاخيرة على اسلحتك و ملفاتك فقد انتهى وقت التحميل و البحث عن المراجع ، الآن وقت دخول المعارك يا صديقي ، تذكر انه عام مختلف اعلم ، اعلم انك ستقول لي لا بل هو عادي ، لا يا صديقي ، لا ، عام مميز هو لانه بوابتك لمستقبلك الذي سيحسدك عليه الجميع ، تذكر ايها المحارب الباسل انك راح تعيى ، راح تمشي في الشمس هاد اليامات راح بجي يامات و تمشي في عز الشتاء في البرد ، راك راح تنوض بكري و خاوتك لوخرين راقدين ، راح تضححي بنوم كثير ، راح تروح تتعب مع تمارين اللوغاريتم و النووي بينما العايلة راه ساهرة مور العشاء تقصر ، راح تصبح الصباح مع هادوك المصطلحات اللي قرب فايتين الميات مصطلح و تتعلم كيفاش تحلل هادوك الاعمدة و تتعلم حكم الربا و الديانات و،،،،، هادو كامل راك رايح كل يوم تصبح عليهم ، راح تسهر مع هادوك دساتير التحويل و الاعداد المركبة و الكوسينيس و التونجونت و.. ، راح تسهر و نتى تتعلم فهاديك المناقشة البيانية الدورانية و كيفاه تجبد المشتقة و حلوا المتراجحة من البيان ، فهمت بلي مالازم تراطي والو باش تنجح نجاح عظيم ؟ راكم فاهم علاه هبلتك و انا نقوليك الحرب و المعارك ؟ ايها المحارب ، نعم ،
لا اعتقد ذلك ، ربما علي ان اوضح اكثر ، شوف معايا ، الخوف اللي راني و راك حاس بيه ماهوش من الباك ! هيه ماهوش من النتيجة ! الخوف اللي راك و راني حاس بيه هو من هاداك المجهود اللي رايحين نبذلوه نحن المحربين ، شوف يا صديقي ، راح نحكيلك قصة واقعية حدثت في منطقة جد باردة ، لما كان الجيش ماشي و لقى واحد الشيخ و العجوزة و حفيدتهم ماشيين راك متخيل المنطقية راهي في كندا وين الثلج جد كثيف و كذلك التساقط ، امالا قالولهم لازم تكملوا تمشيو معانا مانقدروش نخليوكم ، الجد هاداك عيا خلاص راح يموت ، برد بزاف و عياا ، قالولو يا تكمل يا تموت وحدك هنا ، فالجد هاداك وُضِع تحت ضغط مما جعله يحمل تلك الطفلة و يكمل المشي لدرجة انه تقدمهم ، هنا العلماء استخلصوا ان الانسان لا يمكن ، و ركز ملييح ، لا يمكن وضع حدود لطاقته مهما كانت جسدية او ذهنية ، فيا صديقي انت ، انت لا تعرف قدراتك ، حتى تجرب بنفسك ، لديك قدرات مهولة ، اعرف ما تفكر فيه ستقول لي و علاه مابانتش منقبل ، علاه دايما معدلي 13 14 علا خاطرش لم توضع تحت الضغط و تحت سقف الحرب ، كنت تقرى بلا هدف ( خلينا من انك تولي طبيب و دكتور و،،..) كنت تقرى على اساس درك يخلص العام و جي العطلة و يجي العام لوخر و هي رايحة حتان الباك ،

ايها المحارب استوعب ان هناك من ينتظر فشلك ، استوعب ان هناك من يعتقد ان قدراتك عادية كاي شحص اخر واجب عليك انتثبت ان منطقهم في التفكير غير سليم ،
ايها المحارب ،راك رايح تسهر افهمني مليبح راك رايح تسهر ما لم تسهره منذ احد عشر عاما راك رايح تهضم كلش ماراك رايح تخلي والو ، علابالك لاه علاجال واحد زوج عباد صالحين بزاف ، زوج عباد حبوك بكامل عيوبك ، زوج عباد مشراوش واش راهم حابين ، مارقدوش كيما حبوا ما.. كامل علاجالك

راك مستوعب واش دارولك ، منذ احد عشر عاما ، نعاود منذ احد عشر عاما ، وهوما يتمناو في هاديك اللحظة اللي يقفوا فيها امام الخلق و يقولون بكل فخر نعم هذا ابني الذي نال شهادة الباكالوريا بهذا المعدل الراائع ، فيا عزيزي المحارب ، متخافش ، لو انك لست لها ماكنتش كملت قريت حتال هاد الحرف ، انت لها و تذكر انت لن تعرف قدراتك حتى تسخرها و تضعها بين يديك و تعزم على حفظ هاد المصطلح و هاديك المقالة و هاد الحكم و اعراب هاد الكلمة ، و.....


انا انتظر و انت و هما و الجميع ينتظر تلك الك اللحظة التي نتشرف بقراءة مجهودات و سهرك و تخليك عن ال..، ننتظرا تترجم لنا في شكل رقمين سيجعلانك تقفز فرحا و و هما يبكيان دمع الفرح ، و الجيران لا يتوقفون عن طرق الباب ، ليسمعوا و ينقلوا خبر تلك الترجمع العظيمة انها

معدلك