نصيحتي لكم ^^

[nr.houda]

السلام عليكم
كيف حالكم ؟
وعدتكم أن أكون معكم في كل محطة من هذه السنة و إن شاء الله ربي يقدرني و نكون معاكم حتى يوم النتائج 😊
المهم الكثير منكم قد بدأ الإختبارات اليوم ، حسابتلي تبداو الأحد ، جيت شوية متأخرة لكن لا علينا
واش ننصحكم: حضروا الإختبارات على أنك راك تفوت في الباك ، متشوف لا شمال لا جنوب 👌 ركزوا مع أوراقهم فقط ، حنا كانوا يخلونا الأساتذة ننقلوا و كان كاين حس ماقدريش تركزي مرات كنت نتأثر بالاجابات اللي نسمعهم، الهدف من أنو راني نحكيلكم هو متديروش أخطائي ، كتبوا واش تعرفوا و دخلوا تفوتوا و أنتوما واثقين من نفسكم يالوكان تكونوا مراجعين غي 10% ، و ثاني بعد الاختبارات تجي فترة تصحيح الاختبار ، الشيء للي ننصحكم بيهم أخواتي و خوتي هو نورمالمون تكملوا الخميس أو الأربعاء المهم ، الجمعة ريحوا رقدوا متديروا والو و السبت يلا قدرتوا عاودوا حلوا المواضيع اللي عندكم نهار الأحد شوفوا فاش غلطتوا ، كتبوا أخطائكم في كناش أو ... ،المهم يوم الأحد كي تديروا التصحيح تبعوا مليح سقسيو الأساتذة تاعكم على النقاط اللي مفهمتوهاش .
وآخر حاجة : خليوا نتائج الفصل الأول تكون دافع عليكم باش تخدموا أكثر ، أنا ديت في الفصل 1 : 14 يعني متحكموش على مستواكم من خلال نتائجكم، و ثاني (hالغرور ) نوصيكم على هذ النقطة مش كي تدي 19 و نقطة التقويم و .... معناتها صايي راك تطير ، هي من الأكيد راك مليح و ... ، بصح متنغروش ديما أخدموا حتى للي يدي 20 كاين صوالح مش فاهمهم مطاحوش في sujet سما لازم يزيد يخدم , أسمحولي مانيش عارفة إذا فهمتوني ولا لا .
و ثاني متضيعوشles sujet تاع الإختبارات باش تراجعوا بيهم في العطلة و كي يقرب الباك .
هاذا اللي عندي ( حسب تجربتي ) إذا نسيت حاجة نكتبهالكم في التعليق ، و أسمحولي مرة ثانية على التعبير ✋
نتمنالكم الخير من كل قلبي ربي يوفقكم و ربي يكون معاكم .
بالتوفيق نلتقي في الخير إن شاء الله .
كوراج .

[اسماء تيارت]

نصائح ذهبية* ربي يحفظك حبيبة.😍*

[nr.houda]

المشاركة الأصلية كتبت بواسطة اسماء تيارت

نصائح ذهبية* ربي يحفظك حبيبة.😍*

واجبي أختي
ربي يوفقكم

[اصرار بلا عنان]

و عيكم السلام و رحمة الله تعالى و بركاته

بارك الله فيك اختي نصائحك راااااااااااااااااااااااائعة

اود فقط سؤالك لدي العديييييييييييييييييييييييييييييييييييييييييييييي ييييييد من المواضيع الغير محلولة ( حلها ليس معها ) كنت انوي حلها كلها لكن ليس هناك من يصحح لي و يؤكد اجاباتي

فبماذا تنصحينني ؟

[nr.houda]

المشاركة الأصلية كتبت بواسطة اصرار بلا عنان

و عيكم السلام و رحمة الله تعالى و بركاته

بارك الله فيك اختي نصائحك راااااااااااااااااااااااائعة

اود فقط سؤالك لدي العديييييييييييييييييييييييييييييييييييييييييييييي ييييييد من المواضيع الغير محلولة ( حلها ليس معها ) كنت انوي حلها كلها لكن ليس هناك من يصحح لي و يؤكد اجاباتي

فبماذا تنصحينني ؟

وعليكم السلام ورحمة الله وبركاته
واجبي ، المهم تستفادوا، دعوة خير فقط
يا حبذا لوكان تحوسي مواضيع مرفقة بالحل (يوجد العديد في الأنترنت)
لكن إذا حبيتي تحلي لي رآهم عندك ، السؤال اللي شكيتي فيه أو التمرين لي معرفتيلهش ديه لأستاذ تاع القسم أو لي كور و سقسيه (اللي يحشم ميتعلمش سقسي على أي حاجة حتى ولكان تبانلك تافهة ).
بالتوفيق .

[اصرار بلا عنان]

كذلك من فضلك كيف تنعامل مع موضوع طويل جدا و صعب وقت جدددد ضيق ؟؟
و باي التمارين نبدا علما انها كلللللها صعبة

[nr.houda]

المشاركة الأصلية كتبت بواسطة اصرار بلا عنان

كذلك من فضلك كيف تنعامل مع موضوع طويل جدا و صعب وقت جدددد ضيق ؟؟
و باي التمارين نبدا علما انها كلللللها صعبة

لم أفهم السؤال بالضبط ، في الإختبار أو كي تكون في المنزل ☺️؟

[اكرام براءة]

بارك الله فيك نور
ربي يوفق الجميع لكل خير

[nr.houda]

المشاركة الأصلية كتبت بواسطة اكرام براءة

بارك الله فيك نور
ربي يوفق الجميع لكل خير

وفيك بارك الرحمان
العفو هذا واجبي أختي

[*آمنة*]

شكرا هدهد
.
.
توحشتتتتتتتتك

[nr.houda]

المشاركة الأصلية كتبت بواسطة *آمنة*

شكرا هدهد
.
.
توحشتتتتتتتتك

العفو أختي كنت نستنى في تعليقك
يتوحشك الخير و الله أنا ثاني ربي شاهد عليا نتفكرك بزاف .
واصلي أختي كوراج
موفقة

[اللهم ارزقني عفةمريم]

ربي يحفظك غاليتي 😘😘على نصائح الرائعة ديما نحب نقرا نصائحك تعجبني والله وفلا تبخلي علينا بها عزيزة الطيبة😊😊

[nr.houda]

المشاركة الأصلية كتبت بواسطة اللهم ارزقني عفةمريم

ربي يحفظك غاليتي 😘😘على نصائح الرائعة ديما نحب نقرا نصائحك تعجبني والله وفلا تبخلي علينا بها عزيزة الطيبة😊😊

العفو أختي ، هذا واجبي ، وددت أن أقدم الأكثر لكن مشكلة وقت ، لكن سأكون معكم في كل محطة من هذه السنة سأكون بجانبكم في كل الظروف ، أتمنى لكم التوفيق من كل قلبي .

[اصرار بلا عنان]

شكككككككككككرا اختي بارك الله فيك

بالمناسبة انا كذلك اسمي نور الهدى

كنت بصراحة قد واجهت امتحانا صعبا اعطونا تمرينين صعبين جدااااااا و معقدين للغاية و طويلاااااااااااااااااان لم اعرف ماذا افعل
الاول به ثلاث صفحات و الثاني صفحة لكن صعب و يحتاج الى تفكير
و كءلك الاول يحتوي على عدة تحارب و يتطاب وقتا للاجابة حتى على سؤال واحد

[nr.houda]

المشاركة الأصلية كتبت بواسطة اصرار بلا عنان

شكككككككككككرا اختي بارك الله فيك

بالمناسبة انا كذلك اسمي نور الهدى

كنت بصراحة قد واجهت امتحانا صعبا اعطونا تمرينين صعبين جدااااااا و معقدين للغاية و طويلاااااااااااااااااان لم اعرف ماذا افعل
الاول به ثلاث صفحات و الثاني صفحة لكن صعب و يحتاج الى تفكير
و كءلك الاول يحتوي على عدة تحارب و يتطاب وقتا للاجابة حتى على سؤال واحد

العفو أختي ، من حسن الصدف 😊😊 عاشت الأسماء ، ربي يحقق لك مرادك.
المشكلة تاع الأساتذة(البعض) يجيبوا سوجي تاع باك blanc ينحيوتمارين الخاصة بالفصل الأول و يحطوه ممعلابالهمش بالتلميذ ، المهم في الباك كان تنظيم وقتك يكفيك الوقت و إذا بقالك سؤال او سؤالين لا علينا المهم انو تحلي نيشان ماشي تزربي روحك و تكملي و كل شي faux لا خدمي ركزي و راعي الوقت كي تكوني مدربة على التمارين يكفيكك الوقت ، متستعمليش ورقة المحاولات غي في الأسئلة اللي مش متأكدة منها أو الصعبة ، كي تحصلي في سؤال خليله المكان الكافي، خلاصة القول : ا
خدمي و ركزي و ديري الوقت بين عينيك وين توصلي فيها بركة قنعيبواش درتيالمهم متقلقيش وتغلطي
بالنسبة لهذا les sujets لي دارهملك في الإختبار غالبا الوقت ميكونش مناسب بلاك باش يدربوكم باش تزربوا ، أنتي يانورالهدى كي تولي للدار عاودي حليهبالستية، ركزي ،شوفي الحوايج اللي مكنتيش فهمتهم، الحوايج اللي مكنتيش على دراية بيهم ، .... و سجليهم .
و دربي نفسك من الان في الباك كي تكوني مراجعة الأفكار و القوانين في راسك قاع متخافيش
موفقة أختي