[ هَلْ مِن مُتطَوعْ - dna - 📖 ...]

[مِيمْ]

السّلام علَيَكم جَميعًـــا 💓

أتمَنى انْ تَكُونُوا بِخير

هَل من متّطوع يشْرَح لِي كلّ ما يـتعلّق بالــ dna رَجَــاء 👒
وَ منْهجيّة الاسْئَلة حوْل هذَا الدّرس؟

[ايمانو الجزائرية 01]

و عليكم السلام و رحمة الله تعالى و بركاته


اتمنى لو استطيع مساعدتك اختي لكن لم نصل اليه بعد



{ حنا التنظيم العصبي الهرموني و مازال م بديناه }
لكن انصحك بقناة الاستاذة معنصري لبنى على اليوتيوب و صفحتها على الفايسبوك و كذلك صفحة الاستاذ ابو حفص فاتح { على الفيسبوك كذلك } و صفحة الاستاذة بليك نورة
اتمنى انني قد افدتك و لو بالقليل غاليتي



وفقك الله و ايانا

[مِيمْ]

السّلام عَلَيكِ ايمَانو

- اشْتقنَا لَكِ 🙌 -

شُكرًا جزِيلًا أخيّة سَأُحاوِل ايـجَادهم انْ شـاء اللّه 💓

ان احْتَجت ايّ مُســاعدة فِي هـذه الوِحْدة فـأنَـــا فِي الخِدمَــة ..~

[ايمانو الجزائرية 01]

يشتاقلك الخير حبوبتي
بلا مزية

يعطيك الصحة كي تبداو تراجعوا ان شاء الله نجي نشوف كاشما نفهم بيدما نتقدموا ف الدروس ان شاء الله مع المستخلفة

[ريتال2]

السلام عليك اختي ميرااااااااااااااال
بالنسبة لهذا الدرس من اروع الدروس التي مرت علي و مذابيا نفهم واش راني فاهمة ههه
راح نشرحلك بالدارجة ان شالله فالرد الآتي

[مِيمْ]

ان شاء الله ايمانو
+
اهلا بريتال
شكرا والله ما ننسى مساعدتك 💓
ياو معليش اشرحي بالدارجة بالهندية بالكورية كيما تحبي

^_^

[ريتال2]

بالنسبة للدرس عندنا :
ان طبيعة المورثة عند قاااع الكائنات الحية هيadn الحمض النووي الريبي منقوص الاوكسجين عندنا كائنات حقيقيات النوى أي تحتوي على نواة عندها نواة فلخلايا نتاعها و فحقيقيات النوى كل كروماتين يتكون من جزييئة adn متحدة مع بروتينات
و عندنا غير حقيقيات النوى او بدائيات النوى يتكون الصبغي من adn فقط مكانش البروتين كيما البيكتيريا ماعندهاش نواة و صبغي نتاعها فيه adn برك

و باش ندرسوا التركيب الكيميائي نتاعه نقوم باستخلاص adn من حراشف البصل نجيبوا حراشف البصل و نحطوها في مهراز نضيفولها الملح و نطحنوها ندقوها و الهدف من اضافة الملح هو تفكيك الجدار البيكتوسيلوليزي و يعد استخلاص الadn من الخلية النباتية اصعب بكثير من استخلاصه من الخلية الحيوانية لانو الخلية النباتية تحتوي على جدار سميك جدار البيكتوسيليلوزي أنكملوا بعد ما نطحنوه غاية نجيبوا شاش قطعة شاش و نعصروا داك المزيج نتحصلوا سائل نديروله كاشف شيف فنتحصلوا على لون رايح للبنفسجي اي كشفنا على adn

بعدما نستخلصوا adn نقوموا بدارسة التركيب نتاعه اولا: بالاماهة الكلية للadn:نديروه في وسط حامضي و نضيفوله حمض كلور الماء في درجة حرارة تفوت 120 درجة و لساعتين هذه التجرربة خلاتنا نتحصلوا على مركبات adn و لي هيا:
*حمض الفوسفوريك
*سكر خماسي بسيط او ما يدعى بالريبوز منقوص الاوكسجين
*قواعد ازوتية:
عندنا قواعد أزوتية بيورنية التي تضم:الادنين و الغوانين
و عندنا قواعد ازوتية بيريمدية التي تضم السيتوزين و التايمين
هادي بالنسبة لللاماهة الكلية نلقاوه يتكون من حمض فوسفوريك و ديزوكسي ريبوز و قواعد أزوتية
أما عند القيام بالاماهة الجزيئية:
باستعمال انزيمات adnase فنتحصل 4 انماط من النيكليوتيدات

النيكليوتيدة=قاعدة ازوتية+ديزوكسي الريبوز +حمض الفوسفوريك
النيكليوزيدة=قاعدة ازوتية+ديزوكسي الريبوز

و منو نستنتج انو :النيكليوتيدة=النيكليوزيدة+حمض الفوسفوريك

وكاين 4 انماط مختلفة للنكليوتيدات تختلف حسب القاعدة الازوتية

نعاودلك القواعد الازوتية هي :ادنين غوانين سيتوزين تايمين صحا؟
الانماط هوما:
ديزوكسي الريبوز اديوزين احادي الفوسفاتd_Amp
ديزوكسي الريبوز غوانوزين احادي الفوسفاتd_GMP
ديزوكسي الريبوز سايتيدين احادي الفوسفاتd_CMP
ديزوكسي الريبوز تايمدين احادي الفوسفات d_TMP

[ريتال2]

المشاركة الأصلية كتبت بواسطة مِيمْ

ان شاء الله ايمانو
+
اهلا بريتال
شكرا والله ما ننسى مساعدتك 💓
ياو معليش اشرحي بالدارجة بالهندية بالكورية كيما تحبي

^_^

هههه أهلين بيك
شكرا 😒 مابيناتنااااااش أحبيبة 😙 😙 بلا مزية 😇☺ كاش ما تحتاجي راني هنا
نشالله تكوني فهمتي و اذا بحرتلك فكاش حاجة سقسيني 🥰🤗

[مِيمْ]

ربي يجعلها في ميزان حسناتك

شكرا فهمتها احسن هنا 😍❤

و الاسئلة اللي يجو عندك فكرة عليهم؟

[ريتال2]

بلا مزية حنونييي الحمد لله لي فهمتي اختي بالنسبة للتمارين ننصحك بكتاب سلسلة تحدي في العلوم هااااااااايل
والله مام نا راني نحوس على تمارين بخصوص هاد درس و لقيت هاد:

https://www.chourok.net/vb/showthread.php?t=11059

[مِيمْ]

ربي يحفظك
انا عندي كتاب الهباج ثاني هاايل
شوفيه
ودوك نشوف مع التمرين ^_^

[وسام سومة]

سالام ممكن شرح

[ريتال2]

المشاركة الأصلية كتبت بواسطة وسام سومة

سالام ممكن شرح

سلالالالالالام وسااااااااااااااااام كيراكي صافا؟

شرح ماذا ؟؟؟؟؟؟؟؟

[Fifioo]

بنناات بناات جبتلكم خبر كاين استاذ علوم عندوا يوتيوب قام بالانضمام الى المسيلة و وافق على تعليمنا منهجية و اجابة على استفسارات مع فيديوهاته لذا ساعدوني بطرح اسئلتكم لكي يلقى تفاعل ويجيب

[وسام سومة]

المشاركة الأصلية كتبت بواسطة ريتال2

سلالالالالالام وسااااااااااااااااام كيراكي صافا؟

شرح ماذا ؟؟؟؟؟؟؟؟

اهلا ريتال لباس
شرح لدرس هاذذا تاع adn