واش بيكم اخاااه !! ادخلوا تشو ادخلوا

[عشريني متمرد]

هااالاو عليكم

كيرااكم لباااس

اسيدي راني نشوف غير فلي يطيحو المورال

واحد راح الباك واحد العام الجاي نشاله

وواحد هردتها فالاختبارات صاي انا منجيبوش

هاو رجعلكم حساام دوك يعطيلكم طريحة

ياودي فيقوا مع رواحكم ، مازال مابديناش قاع ؟

واش هاذ الهدرة واش هاذ التشاؤم

نورمالمو تزيدوا تشجعوا رواحكم و تتفائلوا

لالا نتوما بديتو تفشلوا فرواحكم بالهدرة هاذي

راه فات فصل واحد برك

ومازال الخير للقدام

نورمال غير من دوك وتبدا وتجيبوا بامتياز عادي جدا

انا ثاني ماخدمت والو فالفصل هاذا وبالاك حتى نجيب معدل تحت 10

بصح راني فرحان وكلش :d:d

الوقت مازال بزاااف اذا كان هذا واش مقلقكم

خليك ثقتك في روحك وواصل في واش بديت وواش عولت من البدااية

ماتخلي حتى ذرة شك في نفسك بلي ماتنجحش

ديما خلي تخمامك غير فالمعدل لي راك حاب تجيبو

بيسك انا راني نشوف فيكم كامل تجيبوه ان شاء الله

وهاه راح نبقى كل يوم نعيط عليكم ونشجع روحي كي راني نحكي معاكم هاك حتى ننجحوا كامل باذن الله

ها صحيتوا اقراو اقرااو