مشكلة !؟ من مثلي

[Noor Mi]

السلام عليكم كيف الحال ؟!
عندي مشكلة عويصة ألا و هي الحفظ تخيلو من الساعة الثانية حتى الآن و انا في الدرس الاول جغرافيا؟! حفظت الدرس و الحمد لله و لكن ليس ذلك الحفظ الذي اقتنع به لا ادري لماذا من مثلي ؟!
و من لديه طريقة فعالة في الحفظ فارجو ان يدرجها هنا و جزاكم الله خيرا

[ريتال2]

سلام جربي تحفظي صباح لانك راسك يكون خاوي جربي تحفظي صباح هيا افضل دوك نعطيك طرق حفظ وجربيهم بلاك تنجحي فيهم https://www.djelfa.info/vb/showthread.php?t=2161599

[Noor Mi]

شكرا لك ريتال موفقة حبيبتي ����

[meroem]

me too …

[rycerz]

جرّب الحفظ مع الإستيعاب (يعني مع الفهم) ..


بالنسبة للجغرافيا كنت أتعامل معها بفضول .. يعني نحب نفهم الدولة الفلانية أين تقع و ما هي حدودها و تجاور من ؟؟ و كيف طبيعتها (جبال سهول بحار طقس ثروات إقتصاد زراعة ... إلخ) .. كان فضولي يتعلق بحب معرفة حالة الشعوب الأخرى و كيف هي بلدانها و كيف تعيش ... إلخ
--
أما عن التاريخ فقد كنت نحب نفهم كيفاش و علاش صرات تلك الأمور و كأني قاعد نتفرج في فيلم واقعي .. إلخ
--
علوم الطبيعة و الحياة كان يجلبني الدهشة و التعجب من خلق الله و معجزاته في خلقه و الولع بمعرفة و إستكشاف الحقائق الكيميائية و الفيزيولوجية التي أودعها في الحياة و سيرها و نمطها .. إلخ
--
أرى أن الأمر يتعلق في الغالب بحب الفضول و حب الإطلاع و حب المعرفة

[فاعلة خير 2000]

ننصحك بالملخصات فهي رائعة و تسهل الحفظ عكس الكراريس

+ افضل ملخص هو ما تكتبينه بيدك
مثلا اعيدي كتابة درس لجغرافيا هذا من كتاب الوجيز في ورقة بيضاء
لوني العناصر الاساسية بأقلام التضليل الملونة
لوني العناوين + التواريخ بلونين مختلفين
في كل عنوان توجد عدة عناصر ، في كل عنصر لوني كلمة وحدة مفتاحية
مثل :
سياسة المؤتمرات كوسيلة لتنظيم العلاقات الدولية

تلوني كلمة المؤتمرات

و من بعد احفظي بطريقة عادية
رح تبقاي متفكرة هاديك الكلمة يلي لونتيها
و من ديكم الكلمة تتفكري العنصر

و طبعا مع الحفظ لازم المراجعة ، ضروري كل فترة تراجعي الدروس يلي حفظتيهم
و كل فترة مش قصدي من فصل لفصل ، هكذا تنساي تنساي

مثلا اليوم الصباح حفظتي درس في الليل عاوديه
بعد يومين عاوديه ، بعد اسبوع
بعد اسبوعين ، بعد شهر ، و هكذا يترسخ و مستحيل تنسايه

[*آية*]

نصائح مليحة بزاف شكرا لكم
انا للاسف تراكم علي الحفظ خاصة الاجتماعيات اليوم قررت نبدا التاريخ
بالتوفيق لكم

[Hou Da Lar]

اعتمدي على الخرائط الذهنية

[Noor Mi]

اشكركم جزيل الشكر حقا وفقكم الله و سدد خطاكم ����

[Noor Mi]

المشاركة الأصلية كتبت بواسطة *آية*

نصائح مليحة بزاف شكرا لكم
انا للاسف تراكم علي الحفظ خاصة الاجتماعيات اليوم قررت نبدا التاريخ
بالتوفيق لكم

اية مرحبا كيف الحال بالمناسبة انا ايضا سأحفظ التاريخ اليوم موفقة

[~ زمزم ~]

بالنسبة للحفظ .. ماقدرتييش تحفظي .. جيتي كتبتي مشكلتك هناا .. وحنا رااح نقولولك احفظي كيما هكا واعتمدي عن هكا وهكا .. واذا مامشاتش معااك الطرق تاعنا .. وش رااح تديري .. تزييدي تضيعي وقت ..
انتي لازم تواجهك مشكلة وتحليها برووحك .. بش تعرفي رووحك رااكي قد مسؤولية المستوى لي راكي فيه انتي .. البكالورياا عباارة عن حل مشااكل لي تواجهك وبنفسك مش تحلهلك النااس .. مع انو الزملاء مش نااس .. لي يردو علييك .. رانا عايلة وحدة .. لوكان جات الباك قراية وطرق ناس كامل كيف كيف راها ناس كل تدي 18 .. مي انتي هي لازمك تخترعي طرق بااش تفوتي بيها طريق البااك .. تكتشفي حوايج جديدة ..
مثلاا اناا عندي نهااار في شهر تلقاايني من 24.00 حتاان 5.00 نحفظ فيها الوحدة الاولى في تاريخ وجغراافيااا من كل شي .. ياخي جامي سمعتي بعبد يدير هكا .. انا احسن طريقة صالحتلي .. وبعد سمانتين نعاودها ..
مع اربع مقالات فلسفة وتلقاايني حافظتها حفظ حفظ .. ما يتناسااش .. انا حرة درك .. مي عام ليفاات في عطلة الشتااء حفظت الاجتماعياات في ثلاث ليالي .. ولذرك مازدتش رجعت حفظتها .. وين نقوول بااش نحفظ .. نلقاا روحي حافظتها .. انتي اكييد رااح تلقي طريقة وتبقاا راسخة في عقلك لكن حااولي مرة اخرى ..

[Noor Mi]

المشاركة الأصلية كتبت بواسطة zamzam.abba

بالنسبة للحفظ .. ماقدرتييش تحفظي .. جيتي كتبتي مشكلتك هناا .. وحنا رااح نقولولك احفظي كيما هكا واعتمدي عن هكا وهكا .. واذا مامشاتش معااك الطرق تاعنا .. وش رااح تديري .. تزييدي تضيعي وقت ..
انتي لازم تواجهك مشكلة وتحليها برووحك .. بش تعرفي رووحك رااكي قد مسؤولية المستوى لي راكي فيه انتي .. البكالورياا عباارة عن حل مشااكل لي تواجهك وبنفسك مش تحلهلك النااس .. مع انو الزملاء مش نااس .. لي يردو علييك .. رانا عايلة وحدة .. لوكان جات الباك قراية وطرق ناس كامل كيف كيف راها ناس كل تدي 18 .. مي انتي هي لازمك تخترعي طرق بااش تفوتي بيها طريق البااك .. تكتشفي حوايج جديدة ..
مثلاا اناا عندي نهااار في شهر تلقاايني من 24.00 حتاان 5.00 نحفظ فيها الوحدة الاولى في تاريخ وجغراافيااا من كل شي .. ياخي جامي سمعتي بعبد يدير هكا .. انا احسن طريقة صالحتلي .. وبعد سمانتين نعاودها ..
مع اربع مقالات فلسفة وتلقاايني حافظتها حفظ حفظ .. ما يتناسااش .. انا حرة درك .. مي عام ليفاات في عطلة الشتااء حفظت الاجتماعياات في ثلاث ليالي .. ولذرك مازدتش رجعت حفظتها .. وين نقوول بااش نحفظ .. نلقاا روحي حافظتها .. انتي اكييد رااح تلقي طريقة وتبقاا راسخة في عقلك لكن حااولي مرة اخرى ..

حقا ردك هذا شجع فيّ تلك العزيمة على فعل المستحيل
اشكرك جزيل الشكر سدد الله خطاك