لم يعطني شيء

[مشكلتي]

كما هو موضح في العنوان
بصراحة انا ارى ان الله لم يعطني شيء
اخواني انا اقول هذا الكلام وكلي تحسر وخيبة امل
سيقول لي بعض الاعضاء ان هذه الحياة دار ابتلاء و امتحان
وهذا صحيح
و ربي سبحانو ميعطيش كلش
كل انسان واش عطاه ربي
كاين اللي عطاه ربي الصحة و ابتلاه بنقص في الاموال
كاين اللي عندو شكاير تاع اموال و معندوش الصحة
كاين اللي رزقو ربي الذرية الصالحة
كاينة وحدة عطاه ربي زوج صالح بصح عايش في سكن ضيق وضغوطات
كاينة اللي محرومة من الذرية
كاين اللي عندو عمل ومالقاش سكن
كاين اللي ابتلاها ربي بامراض عقلية ونفسية بصح عوضها ربي في الجمال و القبول لدي الناس
وكل واحد واش عطاه ربي حاجة ونحالو حاجة اخرى وهذه هي الدنيا
بصح ا خاوتي انا والله ماعندي والو ..
سبحان الله
لا زوج صالح لا خطيب لا عمل لا سكن لا آباء بالمعنى الحقيقي لا اخوة رجال في كتافي لا ترقيت في العلم
لا جمال ولا حتى صحة ( لدي مرض مزمن في العظام )
ولا شيء البتة
احيانا كي نشوف بنات جيلي تغيضني روحي صح كل وحدة واش عوضها ربي غير حالتي

راني صابرة حتى يجي نهار تتطلع الروح ونتهنى