محبوبي

[لحن الوجود]

محبوبي شوف لحالي وما تخلينيش
والديا هوما اللي ظلموني
قالولي اسكتي وما تهدريش
حرة في دار الدنيا سجنوني
منعوني من كل شيء وقالو لي ما تخرجيش
ربي عطاني وهوما حرموني
وفرحة العمر ما يرضاوهاليش
حبو يزوجوني اللي جابوهلي
ويمودوني للي ما يهوانيش
باش في جحيم انا يعيشوني
وانا بلا بيك والله ما نقدر نعيش
ولا اي حاجة فالدنيا عنك تغنيني
خايفة منك جيني وما جينيش
وفي داك الوقت يزيدوا يحرقوني وتولي الكية زوج

اليوم حبيت نطل عليكم باطلالة جديدة كلمات باللهجة الجزائرية العامية نتمنى تعجبكم

رغم كل ما كتبت الا انو الوالدين يبقاو قرة العين.احفظوا والديكم الله يحفظكم.ربي يخلينا كامل والدينا
ااااااااميييييين

[فريدرامي]

وربي يحفظلك والديك ويخليهم
وحتي الدارجة راهي شباب في تفريغ عن الخاطر
ولي كتبتي صح راه حال كثير من الناس
موفقة

[ساجدة الروح]

يعجبني بزاف الشعر الشعبي وتمنين اني نقدر نكتب فيه
الله يعطيك الصحة
تقدري تكتبي خاطرتك في قسم الشعر الشعبي حتى اعضاؤوا يطالعو عليها تاني
تحياتي