زوجتي و تساؤلاتي

[مشكلتي]

السلام عليكم و رحمة الله تعالى و بركاته

أنا شاب أبلغ من العمر 29 سنة من وسط البلاد أعمل منذ 4 سنوات و الحمد لله في مكان محترم ، خاطب بنت في عمرها 19 سنة تقرا في الجامعة تعرفت عليها منذ 2 سنتين و رانا عاقدين و نفتحوا ان شاء الله الشهر المقبل
البنت منذ عرفتها لم أرى منها شيئ سوى أنها بنت عاقلة يتيمة تصلي و تطيع ربي الحمد الله
مشكلتي الأولى أني شكاك و كل يوم كيما راكم تشوفوا نسمعوا حكاية جديدة عن بنات و شباب اليوم ، و مع هي تقرا في الجامعة سنة ثانية
نولي نشك و نخاف ، مع أني لم أرى منها شيئ مثلا عندما نشوفها تحط حاجة في عينيها ما نقبلش و نحسبها راها تروح تزين روحها للناس في الجامعة

مشكلتي الثانية كما ترون هناك فرق 10 سنوات بيني و بينها الحقيقة تقال هي في هدرتها و معاملتها تبان في عمرها 30 سنة نظرا لتربيها يتيمة مع أبيها و أخواتها الصغار ، لكن مرات نخاف و نقول محتمل نديها صغيرة و نضرها و تضرني في نفس الوقت و مازالش ما تشبع عقلها
و هي دائما كي نطرح عليها أسئلة و شروطي تقولي نعم نعم نعم ، ماكانش نهار تقولي لا و هاذي لي حيرتني ، ما نبغيش نستعمل معاها الحيلة لكي أعرفها أكثر لذا نرجوا منكم إفادتي و نصحي و بارك الله فيكم