تجربة الخدمة الوطنية، 7 اشهر فاتوا منام

[oussama25constantine]

سلام يا الخاوة

في مثل هذه الفترة في العام الماضي ، كنت هنا في هذا المنتدى أسأل عن أمور الخدمة الوطنية ، عندي مواضيع كثيرة فتحتها و ناقشتها، حاولت بكل السبل التوصل إلى حل من أجل تجنب الذهاب، حتى أنني كنت مسافر للخارج و حلفت مانوليش هههه

المهم حكاية السفر الى الخارج ألغيت بسبب تهديدات ارهابية قادمة من شمال افريقيا آنذاك، فما كان أمام حظي التعيس سوى التوجه الى مركز الخدمة الوطنية و استخراج إستدعاء كمتطوع، و كانت الوجهة المدرسة العليا للبحرية بتامنفوست.

من بين اكثر من 400 واحد من المستدعين كنت من ضمن الـ 70 اللي تحكموا لتأدية الخدمة الوطنية ، فوتنا فترة التدريبات التي كانت شاقة خاصة في فصل الشتاء، لكن لم يكن بذل المجهود البدني هو الصعب، بل القضية كلها راكبة على المورال ، لكن فوتناهابالأومبيونس و الضحك مصداقا للحكمة الجزائرية القائلة اضحك للهم يروح عليك.

اأذكر و كأنني البارحة فقط كنت أستفسر هنا حول الثكنات و الحياة العسكرية و السبل المتاحة لتفادي أداء الخدمة لأني كنت مسافر، و ها أنا اليوم بعد مرور أكثر من 7 أشهر أكتب هذا الموضوع لكي أسدي نصيحة للخاوة هنا : إن لم تكن تملك ملف طبي مقنع 100 بالمائة، و إن لم تكن تملك معرفة صحيحة، و إن لم تكن تملك ملف كفالة مقنع أيضا، أنا أننصحك اعفس على قلبك و روح تادي الخدمة الوطنية، هي ليست سهلة و ليست صعبة، القضية كلها تتعلق بالمعنويات فقط، راح تشوف صوالح بزااف و تعيش لحظات انا متأكد انك لن تنساهم طول حياتك، و الأفضل في الامر انك تتعرف على الرجال، صدقوني رفقاء الخدمة الوظنية ليس لهم مثيل

عموما سوف اعود إلى المنتدى بعد إنتهائي من الخدمة بشكل نهائي و سوف أكتب بشكل مفصل عن تجربتي ، المهم الخاوة ناس بكري قالوا: اللي حاب يمشي للعسكر يمشي بكري، و ذه هي نصيحتي لكم.


بالتوفيق للجميع

[عبدو 90]

عندك الحق يا خويا

[86pop]

شحال في عمرك خي

[oussama25constantine]

المشاركة الأصلية كتبت بواسطة 86pop

شحال في عمرك خي

23 سنة يا اخي

[ddalal]

انشاء الله تكملهم بالسلامة

[oussama25constantine]

المشاركة الأصلية كتبت بواسطة ddalal

انشاء الله تكملهم بالسلامة

شكرا أختي الفاضلة

[just do it]

المشاركة الأصلية كتبت بواسطة oussama25constantine

سلام يا الخاوة

في مثل هذه الفترة في العام الماضي ، كنت هنا في هذا المنتدى أسأل عن أمور الخدمة الوطنية ، عندي مواضيع كثيرة فتحتها و ناقشتها، حاولت بكل السبل التوصل إلى حل من أجل تجنب الذهاب، حتى أنني كنت مسافر للخارج و حلفت مانوليش هههه

المهم حكاية السفر الى الخارج ألغيت بسبب تهديدات ارهابية قادمة من شمال افريقيا آنذاك، فما كان أمام حظي التعيس سوى التوجه الى مركز الخدمة الوطنية و استخراج إستدعاء كمتطوع، و كانت الوجهة المدرسة العليا للبحرية بتامنفوست.

من بين اكثر من 400 واحد من المستدعين كنت من ضمن الـ 70 اللي تحكموا لتأدية الخدمة الوطنية ، فوتنا فترة التدريبات التي كانت شاقة خاصة في فصل الشتاء، لكن لم يكن بذل المجهود البدني هو الصعب، بل القضية كلها راكبة على المورال ، لكن فوتناهابالأومبيونس و الضحك مصداقا للحكمة الجزائرية القائلة اضحك للهم يروح عليك.

اأذكر و كأنني البارحة فقط كنت أستفسر هنا حول الثكنات و الحياة العسكرية و السبل المتاحة لتفادي أداء الخدمة لأني كنت مسافر، و ها أنا اليوم بعد مرور أكثر من 7 أشهر أكتب هذا الموضوع لكي أسدي نصيحة للخاوة هنا : إن لم تكن تملك ملف طبي مقنع 100 بالمائة، و إن لم تكن تملك معرفة صحيحة، و إن لم تكن تملك ملف كفالة مقنع أيضا، أنا أننصحك اعفس على قلبك و روح تادي الخدمة الوطنية، هي ليست سهلة و ليست صعبة، القضية كلها تتعلق بالمعنويات فقط، راح تشوف صوالح بزااف و تعيش لحظات انا متأكد انك لن تنساهم طول حياتك، و الأفضل في الامر انك تتعرف على الرجال، صدقوني رفقاء الخدمة الوظنية ليس لهم مثيل

عموما سوف اعود إلى المنتدى بعد إنتهائي من الخدمة بشكل نهائي و سوف أكتب بشكل مفصل عن تجربتي ، المهم الخاوة ناس بكري قالوا: اللي حاب يمشي للعسكر يمشي بكري، و ذه هي نصيحتي لكم.


بالتوفيق للجميع

الخمد لله ياربي على الاقل مزال ناس تخمم بعقلها
حتى انا العام الي فات كنت نشجع الي معندوش دوسي باه يروح وتلقيت ردوود مدمرة كرهتني قع المنتدى
نشالله متكونش واحد من ذك الاعضاء
لانه تقريبا كل الاعضاء الي كامو يتهموني بشتى الاتهامات مرهمش هنا القسم واقطعو منذ مدة بالاك قع راهم يوتوها
ههه مش زكارة يهم لالا حاشا ولكن انحسر على الوقت الي ضيعوه وهما يتبعو في ولاد فلان وعلان

مبروك عليك ونشالله تكمل بالصحة

[oussama25constantine]

مرحبا أخي

أنا كنت مثل الجميع كنت أريد تجنب اداء الخدمة، لكن لما تتحتم عليك حاجة و تصل الى طريق مسدود ليس من الذكاء ان تبقى محتمي بالسخانة تاع داركم تسنى تولي في عمرك 30 سنة باش تحن عليك الدولة و تعطيك اعفاء، انا في يوم واحد قرت نروح و لم اتراجع عن قراري، مادامني صغير نروح نحي عليا و كيما جات جات و الحمد لله راني تعديت نصف المدة و تبقت أشهر فقط ... و اللاكي كي اليوم هذا

[moh ag]

الحمد لله أخي ما بقاش قد لي فات و ان شاء الله ربي يسهلك و تكمل المدة لي بقاتلك بالصحة و الهنا اذا ممكن تحكيلنا شوية على فترة السطاج في هذه المدرسة ( ظروف الاقامة التدريبات المعاملة) لاني انا أيضا حاب نروح ليها متطوع و عن كيفية اختيار اختيار المجندين و الميطاسيون تاعها الى أين

[just do it]

هذي الي بغيت نفهمها للشبيبة بصح هما يبغيو الي يحشيلهم ويكذب عليهم
يبغيو تحكيلهم غي على الاعفاء والادماج
سبحان الله يكمل الجامعة مولا 22 يهرب ويتبردى 8 سنين باه يولي 30 ويقولك والله من ضيع عام من حياتي
هههه تفكير صبيانييييييييي عذرا للاطفال هما وميخموش هك
نضيع عام ونربح 7 سنين
ونقولك حاجة قع هذ الي راهم يشركو في فمهم ضرب منا على عام نشالله قع تجبرهم يتراوحو ويقلك ندمت على السنين الي برديتها

[oussama25constantine]

المشاركة الأصلية كتبت بواسطة moh ag

الحمد لله أخي ما بقاش قد لي فات و ان شاء الله ربي يسهلك و تكمل المدة لي بقاتلك بالصحة و الهنا اذا ممكن تحكيلنا شوية على فترة السطاج في هذه المدرسة ( ظروف الاقامة التدريبات المعاملة) لاني انا أيضا حاب نروح ليها متطوع و عن كيفية اختيار اختيار المجندين و الميطاسيون تاعها الى أين

شكرا جزيلا اخي

المدرسة العليا للبحرية هي افضل مكان قادر تفوت فيه العسكر تاعك/ الميطاسيون تاعها غير الساحل ماكانش الصحرا ، الظروف جيدة جدا من ناحية الإقامة ، التدريبات العسكرية مثلها مثل اي ثكنة أخرى تحتاج منك مجهود بدني معتبر، لكن القضية برمتها تتعلق بالمعنويات فقط ، عموما كيما تفوت العسكر تاعك ظابط احتياطي ماشي كيما جندي احتياطي فرق كبير جدا

[oussama25constantine]

المشاركة الأصلية كتبت بواسطة just do it

هذي الي بغيت نفهمها للشبيبة بصح هما يبغيو الي يحشيلهم ويكذب عليهم
يبغيو تحكيلهم غي على الاعفاء والادماج
سبحان الله يكمل الجامعة مولا 22 يهرب ويتبردى 8 سنين باه يولي 30 ويقولك والله من ضيع عام من حياتي
هههه تفكير صبيانييييييييي عذرا للاطفال هما وميخموش هك
نضيع عام ونربح 7 سنين
ونقولك حاجة قع هذ الي راهم يشركو في فمهم ضرب منا على عام نشالله قع تجبرهم يتراوحو ويقلك ندمت على السنين الي برديتها

عندك الحق خويا ... نضبع عام من حياتي خير من تبقى تخمم في العسكر 8 سنين كاملة تخاف حتى تروح تتبحر مع صحابك، تخاف حتى تفوت على باراج، كاين ناس نعرفهم كون فوتو العسكر تاعهم 5 ستيت كون ام خلصوا عندهم مدة طويلة .... قضية كوراج و اتخاذ قرار فقط

[أحمد زابانة]

إن شاء الله .
كل واحد و ظروفه إخواني الكرام . هناك متكفلين بعائلاتهم و يخافون لو لم يتم قبول ملفات كفالتهم و تجي عليهم و على الأسرة لي متكفلين بيها ، و واحد لديه حقا مرض يعيقه لكنه يخاف الذهاب إلى الثكنة خشية أن يمسكوه و يتركوا الأصحاء و قد حصلت كثيرا . .... لذلك لا داعي لركوب البرداعي كما يقول حامد .

[zizou.rs]

المشاركة الأصلية كتبت بواسطة oussama25constantine

مرحبا أخي

أنا كنت مثل الجميع كنت أريد تجنب اداء الخدمة، لكن لما تتحتم عليك حاجة و تصل الى طريق مسدود ليس من الذكاء ان تبقى محتمي بالسخانة تاع داركم تسنى تولي في عمرك 30 سنة باش تحن عليك الدولة و تعطيك اعفاء، انا في يوم واحد قرت نروح و لم اتراجع عن قراري، مادامني صغير نروح نحي عليا و كيما جات جات و الحمد لله راني تعديت نصف المدة و تبقت أشهر فقط ... و اللاكي كي اليوم هذا

حتى 30 سنة ليس مضمون لأن مرسوم الاعفاء الرئاسي ليس متكرر كل سنة ممكن تنتظر حتى 33 سنة

[هشام رضا]

oussama25constantine
خويا هذه المدرسة تقبل ضباط الصف؟ وهل ضباط الصف يتعذبو شوي ولا لالا؟ ولا كيفهم كي الضباط؟