Let's Go

~ هبة الله ~ · 2018-09-04, 23:48

بعد الراحة و الإستجمام يأتي وقت الجد و العمل ، هاقد انقضت العطلة الصيفية و نحن على أبواب المشوار الدراسي الجديد
غدا يوم جديد ، بداية جديدة لحصيلة 12 سنة من الدراسة ، حان وقت تحقيق الحلم و الهدف ، حان وقت الإجتهاد و المثابرة ، لا مزيد من الكسل و التهاون
أشبال 2019 أنتم لها ، ستحملون شعلة التفوق و النجاح ، سيبدأ مشواركم من الغد
انصحكم بالعمل من بداية السنة ، التركيز مع الأساتذة جيدا مافهمتوش لا حرج في طرح الأسئلة ، لا خجل في طلب العلم و المواد العلمية لازم لازم لازم الفهم المكرر في البيت ، حليتو تمرين مع الأستاذ في المساء يتعاود الفهم و كي تتمكنو هناك العديد من السلاسل و الكتب و البكالوريات دربو رواحكم اما مواد الحفظ ماتخلوش الدروس تتراكم ، مرة على مرة مراجعة خفيفة
بالنسبة لمواقع التواصل اخطوكم من الإشاعات و الهدرة الزايدة و ركزو على المفيد
ماعجبكمش الأستاذ ماتاخذوهاش سبب و تهملو المادة ، الحمد لله يا ربي كلشي متوفر ف اليوتيب و بااطل غير لي مابغاش يقرى
راح تجيكم أيام من اليأس و الفشل و تكرهو ، كامل فاتت علينا ماتخلوش الشيطان يديرها بكم ، كورااج كورراج و الله تقدرولها
الباك ماشي حاجة تخلع ، نتوما توجهو مصيركم بيديكم من غدوة ان شاء الله
بدااية موفقة أعزائي ، أي استفسار سأكون مرافقة لكم طول العام باذن الله
معاً لتحقيق النجاح