ألا يمكنني الان الحصول على مدرسة عليا للاساتذة ؟؟

[rikwa]

السلام عليكم
متحصلة على 15.2 تم توجيهي الى الرغبة الرابعةة وهي lmd

سجلت مدرسة عليا انجليزية ولم يعطوهالي

وفي المرحلة الثانية لا يوجد اي مدرسة عليا للاساتذةة في الاختيارات

ماذا افعل ؟؟
هل 15 بلا فائدةة ..تم اعطائي تخصص معدل قبوله 10

[قمر الزمان رؤية]

يا ستااار علاه ما مدولكش في الاختيارات ؟؟ اعتقد انهم داو حساب معين من المقاعد البيداغوجية



لانه هذا العام دارو اتفاق مع وزارة التربية انهم يشوفو شحال يحتاجو اساتذة في كل ولاية، كان من الافضل تحطي في الاختيارات على الاقل ابتدائي او مادة اخرى معدلها يكون اقل حسب السنوات الماضية ، باه اذا مامدولكش ليسي يمدولك على الاقل ابتدائي او سيام في تاريخ او علوم دقيقة اللي حبست عند 14.67



انتظري التحويل الالكتروني ممكن تقدري تبدلي ، لا تفقدي الامل ربي معاك ان شاء الله

[rikwa]

للاسف سجلت الاولى طب والثانية طب اسنان والثالثة مدرسة عليا انجليزي وكان معدل قبولها 15.6 لم اتوقع ذلك
وتم اعطائي الاختيار الرابع

وفي المرحلة الثانية من التوجيه لم أجد أي تخصص مناسب
اشعر بالاحباط

[اخت الرجل]

اذا انتي علوم تجريبية ليه درتي انجلش بصك لاولوية ماهيش لبيك كون درتي علوم ولا بصح ضوك لاينفع ندم عادي اختي تفائلي خير وحدة عنا صرالها نفس شي لي صرالك لعام لماضي وهي لان دارت صاشفام ماطاوهاش ممبعد مدارس عليا باه تخيرهم توكلي على الله
ممكن مكتوبك في حاجة اخرى افضل

[rikwa]

انا رياضيات ..الانجليزية مادة سهلة لذا اخترتها

قدر الله وماشاء فعل ..ان شاء الله

[نجاة^^]

استغفر الله
بلادنا تحطم
معليش قدر الله وماشاء فعل ربي يعوضك

[دروب النجاح]

صراحة معدلات قبول الطب في الغالب تقارب 16 يعني لو استغليت رغباتك كلها مدارس عليا خاصة متوسط أو ابتدائي لكنت ضمنت المدرسة العليا

اسالي اكثر عن التحويلات

[المُعادلة الصّعبة]

اختي
ديري في بالك حاجة
بلي الانجليزية للتعليم الثانوي هي معدل قبولها اكبر من بقية المواد كامل
دايما 16 فما فوق
دايما معدلها طالع
ضرك الطعن راهو من حق زوز حالات
الحالة الاولى انو ما يعطوكش حتى اختيار اخترتيه من حقك الطعن
الحالة الثانية لي هي حالتك انو يعطوك الاختيار الرابع هنا من حقك تطعني وانتي محظوظة الحمدلله
ضرك في وقت الطعن ديري مدارس عليا تاع ابتدائي ومتوسط
اذا نتي شعبة رياضيات ماتصلحلكش تاع علوم دقيقة للاسف لانو معدل قبولها 15.21
بصح علوم دقيقة تاع متوسط تصلحلك لانو معدل قبولها 14
ماتقلقيش اختي انتي محظوظة جدا الحمدلله
تقدري تطعني مزالت فرصة اخرى
موفقة

[مُـ‘ـُنُـ‘ـُـعُـ‘ـُمُـ‘ـُ]

je pense ida 3tawak 4eme choix ta9adri tbadlih

[Sawsen99]

Nti ghalta f les choix ta3ek , déja médcine ghalta ki 7atitiha psq bayna tfout 15.50 w même M.dentaire , daya3ti deux choix , au moin drti ens primaire wela haja tkoun la moyenne ta3ha habta chwi .... Ma3lich Rabi w r7amto rabi ysahlek nchallah

[المُعادلة الصّعبة]

و ديري في بالك حاجة
انجليزية lmd ماهيش ب 10
السع هنا في ولايتي راهي 12.14
انا ثاني درت الاختيار الرابع كيفك انجليييزية lmd
وجاني معدلها 12.14

[ratil talin]

يا ترى علبالكم أوضاع المدارس العليا للأساتذة كيفاه ولات ؟؟ علبالكم بلي العقد المبرم بين طالب المدرسة ووزارة التربية تم تغيير اهم بند فيه ؟؟ علبالكم بلي المدارس العليا نظامها ماشي نظام الجامعات ؟؟ الحالة مزيرة بالدارجة تاعنا..
و علبالكم بلي طلبة السنوات الأولى العام الماضي مازال ما شافوش أصلا العقد ؟؟؟ علبالكم بالأعداد الهائلة للمتخرجين لي مالقاوش مناصب هذا العام وفي الكثير من الولايات كالعاصمة و البويرة و بومرداس و عين الدفلى و الشلف و غليزان وووو.. ؟؟ صدقيني ماهيش حاجة لي يغيضك الحال كي ما تصحلكش فالخير فيما اختاره الله زيدي سقسي قبل التحويلات الالكترونية على تخصصات اخرى و اضربي طلة على و ضعية المدارس العليا للأساتذة قبل ما تخطي حتى خطوة..
بالتوفيق

[المُعادلة الصّعبة]

راهي تقدر تدير طعن
لاه تطيحولها المورال

[nadineisraa]

للاسف المدارس العليا لايقبل فيها طعن او تحويل شوفي اختصاص اخر في المرحله الثانيه يكون مليح ...

[النجمة المتلألئة]

حسبنا الله أختي

نفس حالتي

حتى اختيارات المرحلة 2 ليست بجيدة