حصري سلسلة عقبات الباكالوريا 2019 العقبة رقم 1 * هل الدروس الخصوصية لازمة ام هي مجرد اهدرا للوقت واهدار للمال

[yy95-Mecanique]

السلام عليكم ورحمة الله وبركاته

قبل كل شيى



الموضوع طويل ف ارجو ان يسعني صدرك وطيبك و ان شاء الله تستفيد



و تاني كاين اخطاء املاشية عذرا كتبت بزاف = نغلط بزاف

كما تعودت كل عام اقوم بوضع مواضيع مثل هاده في هاد المنتدى من عام 2014 ههههههههه عندي موهبة في هاد المجال ربما لكثرة التجارب و كثر الاخطاء وكثرة الحماقات التي كنت اصدقها ولا اريد ان تصدقوها و تقعو فيها



المهم ماهي هاته السلسلة ليكن في علمك ان هاد العام عام اسثتنائي هادا ما نستطيع ان نقول عنه لانه ببساطة هو الفارق الدي قد يغير حياتك وانا هنا لا اعطيه فوق قدره هي حقيقة لدا ستمرون ب مراحل في هاد العام وستواجهون عقبات كثيرة المشل انه في هاته العقبات ليس لديكم تجرة مسبقة وليس هناك من عنده وقت كي يبقى ينصح فيكم ويمدكم بالمعلومات التي تحتاجونها و المشكل الاكبر ان تجدو الكثير من الناس المتناقضين واحد يقولك احفظ من بداية العام ويجي لاخر يقولك اواه بالاك توصل لناهية السنة تنسى كلش ههههههههههههه



هادا هو المشكل اريد فقط ان اخبرك اني بكل بساطة وتواضع ساقدم لك نصائح باذن الله نافعة لانه بكل لساطة بقالي عام واحد ونكمل قرايتي ماستر 2 في جامعة تقدرو تسقسو عليها جامعة بابز او في مجال تقدرو تسقسو عليه تان هو ميكانيك اينارجيتيك تسما الواحد شاف وشاف وشاف ومارنيش نزوخ ولا بصح صدقوني غير الباك هادا خرطي وجياحة بصح المشكل هو



العامل النفسي



بزاف ميقدروش يفهمو هاد الزوج كلمات * العامل النفسي * واناهادا واش راح نركز عليه بيسك كي يكون المورال 0 الشيطان يلعب بيك كيما يحب راح نهدرو عليه في موضوع اخر بتفصيل شوفو كل واحد راه يقرى علابالي بلي راه يخمم هكدا



- درك انا هاد العام معول ندي كاش 16 15 17 باش نروح ميدسين . فرماسي . مهندس ..... لازم نزير وراني حاب نبدا نقرى وهاد العام نقرى صباح وعشية ووووو - او راك متحمس او الحماس قريب يشعل في مخك هههههههههه او كاين لي راه يخمم هكدا الاغلبية



- زعما نقدر نجيب الباك ب15 16 اواه زعما يصعبوه هاد العام اييه قالك راح يبدلو البرنامج تسما يصعبوه اه هاد العام طلعوهم قاع العام لجاي سييير يجي صعيب . ايه شفتو ميدسين زادولها في المعدل العام الجاي راح تكون 19.99 على حساب الشوفة

او كاين لي راه يخمم هكدا



-....................................:con fused:..........................- مارهاش يخمم اصلا او هادا يا ينجح بمعدل مليح يا ماينجحش قاع


المهم نقوللكم خاوتي شوفو لوكان تسمعو لواش راح نقول باذن الله ربي يوفقكم وتنجحو فقط توكلو على ربي ثم خوذو بالاسباب





شوفو نقول


للصنف الاول ياخويا هاد الحماس راه تفقدو بعد مرور 1 شهر تلقر روحك بلي ماقدرتش دير واش كنت حاب تدير كماراك ترجع يوميا او ماراك تحل ف التمارين او الحماس والخرطي قاع راحلك



الصنف التاني ريح متخلع في روحك وهادي جياحة ريح متجياح علينا * واحد مايزعف عليا بصح جياحة هادي اه راك كبييييييير


الصنف التالت يا ننتا موالف تدي ب 16 17 تسما علابالك واش راح تدير يا نتا طلقها او راح تعاود الباك




شوفو خاوتي راح نبد نفهمكم ونحاول نفيدكم بواش قدرت والمفيد تستفدو وتنجحو معليش ميعجبوكش نصاحي المهم اني نشوفك ناجح هادا هو الهدف ادي نصائحي ولا نصائح وحداخر ولا متديش قاع المهم انجح برك



نهدرو ليوم عاى الدروس الخصوصية باش منطولوش انافي عامي كي بدات السنة الدراسية وبعد مرور قرابة شهر اخوكم مازال مدخل حتى دروس خصوصية ههههههه ايا كي شفت لي يقراو معايا حسيت روحي راح نعاود الباك وعلاش على خاطر الناس بدات تماركي من رمضان وزعما لي دارو روطار كانو ماركاو في بداية السنة ليامات الولين

المفيد صدقوني غير ف 2014 كانو يديرو ليكور فيزياء برك ب 400الف دينار و 350الف ولي بساعة منحكيوش ولي شاد غير 5 منحكيوش تان يضربهم بكاش 250 الف دينار للحصة المهم نكدب عليكم مننساهاش نتفكرها نبدا نضحكحسوني كلي راني ديرت جريمة كيمادخلتش لدروس الخصوصية



ايه كنت صغير او منعرفش املا بديت نحوس ونضيع في وقتي وتفكيري ودراهمي شوفو لوكان جات ف دراهم برك معليش بصح المشكل راه اكبر



نقوللكم اكبر خطر لهاد الدروس الخصوصية انو التلميد تصرالو واحد الحاجة وهي * عدم الشعور بالذنب * واش معنتها معنتها مخك يفهم بلي كي راك سجلت ليكور صاي راك درت لي عليك تولي نتا بلا متفيق تدير في بالك بلي خلاص راني ف الدروس الخصوصوية منتقلق ماوالو منقراهاش ف الدرس نفهمها فليكور منراجعاش يديرنا مراجعة الشيخ تاع ليكور مع لخر يديرنا باكالوريات بيهم نرفد روحي ووووووو تتكل على ليكور وتولي مداير روحك عندك حاجة لي بيها راح تجيب الباك وانا نقولك ياو فيق لروحك حبيبي رانا 2019 من نيتك مازال تامن بليكور باش منكدبش 30/100 من الاساتدة لي يقرو ليكور يستهلو كلمة استاد اما الباقي ف منهدرش خير


خويا نقولهالك تحب اخدم بيها ولا لالا الدروس الخصوصية مجدر خدعة - ادا معرفتش تتعامل معاها -



ايه درك تقولي واش ماكش حابنا نقاارو وانا والفت بيهم ووووو مقتلكش ماتديرش بصح اعرف كي تدير ليكور بلي هي عبارة عن مجدر دافع تقدر تقول بصح ابدلا ليست ضرورية لتفوق حبيبي راني نهدرلك درك ب الواقع ماشي جيبت نهدر باش نهدر ادخل لليوتيوب تلقى مليار فيديو تعليمي اخديبنا مليوتيوب ياسيدي كاين دروس وتمارين صدقوني غير الحابس يفهم برك لازم حاجة تقرا وتتعب تضرب 4 سوايعد مع 2 تمارين معليش نتا يلزملك هكدا 4 سوايع اشي 10 دقايق يشحرلك الشيخ وتقولي فهمت ههههههههههههههههههههه



افهم بلي كي تحل 4 سوايع 2 تمارين راح بيهم تقدر تحل 20 تمرين و الوقت ينقص مع التكرار تولي تحل ف 4 سزايع 13 تمرين او مارانيش نزيد عليها



صح حاجة وحدوخر عيانة في الدروس الخصوصية وهي علاقات الحب والغرام



قررت نكون صريح في هاد الموضوع على خاطر مشكل كبير ايييييه السيد يولي يروح يقرى باش غير يشوف فارسة احلامه والطفل يولي رومنسي واش نحكيلك والحطة والصوالح ياخويا وياختي كيفكيف فيقو لرواحكم واش بيكم شحااااااااااال من واحد عفسها لطفلة كانت تحبو هو طلع وهي عاودت وشححححال من طفل عاود علاى جال طفلة



من الحقائق الوئلمة لي راح تعرفوها واحد مايحبك من غير العائلة ديالك ولي يحبك صح يجي ليك لداركم ماشي يبقى يتمسخر بيك ويريميك مع لخر ور ماتتعلقي بيه اومبعد يويلي مكان ني باك ني فرحة ني حيات ني والو



تسما حاول متوقعوش في هاد الحب والغرام والرومنسية الزائفة



حاجة اخيرة بززززاف لي يديرو ليكور كي يوصل لدار يرمي كراس ويقول ايه درناها ف ليكور وميراجعاش حبيت نقولك ههههههههههه الدراهم هادو وعلاش متعطيهمليش خير راك تضيع في وقتك ياو المراجعة هي الصح وراح ندير موضوع خاص عليها





المهم الدروس الخصوصية ليست لازمة والكثير منها يضر ويهلك والقليل منها لي يقدر يفيدك ايلا تعرف استاد من صغرك ونتا معاه دير ايلا لالا غير اخطيك بيسك راه تهبل غير روحك وعائلتك تحملهم مصاريف غير لازمة



سمحولي طولت مي بون لازم نهدر هكدا هادي طريقتي لي عجباتو عجباتو ولي معجباتوش يسمحلنا على الاطالة وشكرا لي استفاد من الموضوع يروح لفوق ويصوت و تان



انشرووو المووع ايلا عجبكم لصحابكم كي تعم الفائدة