السلام عليكم اختي الله يبارك علامة رائعة وفقك الله في مشوارك
- هل راجعت في العطلة ؟ اذا نعم متى ؟
لا. لم اراجع في العطلة نشفى حفظت 20 مصطلح ومبعد حبست
لاترهقي نفسك العام طويل ويكفي والله ..لاداعي البدأ في العطلة مجرد إرهاق فقط
اما اذا كانت لك بعض النقائص فلاباس أن تعالجيها إذن ^^
- بواش تنصحيني فالانجليزية والفرنسية كيفاه نتعلمهم خصوصا الفرنسية ما نفهماش كامل ؟؟
الانجليزية والفرنسية تعتمد على التعبير. ..مفردات حاولي تعلم أكبر عدد من الكلمات في كلا المادتين و حسني مستواك .. أنصحك بحل البكالوريات السابقة فيهما
- كم ساعة كنت تدرسين تقريبا في اليوم وكيف نظمت وقتك وما هو برنامجك ؟؟
ممممم كل يوم والمدة ههههه المهم أن ينتهي يومك وانت تعلمت الكثير قادر تقراي 3ساعات بتركيز وتكوني استفدت خير من لي قرا 20 ساعة. .اقراي بذكاء وليس بجهد ^^
تنظيم الوقت والله حاولت اني ندير برنامج بصح ميصلحش نظرا لاني كنت اعشق الرياضيات كانت لها حصة الاسد ^^ يعني ندير برنامج مبعد نلقا روحي قريت رياضيات برك هههه ^^( غدوة كشف النقاط ادعيلي تكون العلامة الكاملة فيها
)يعني ساعات تديري برنامج اليوم فيزياء بصح متجيكش الرغبة باه تقرايها إذن غيري المادة حسب رغبتك ومدى استعابك في ذلك اليوم. ..اهتمي بكل المواد حتى الأدبية لاتهمليها
- الفلسفة مادة سهلة ولا صعبة خوفوني منها ؟؟
سهلة والله إياك و الخوف منها اجعليها مادة مكسبة للنقاط ولا تصغي لما يقال عنها انها شريرة هههههه
- كان عندك فيسبوك كنت تستعمليه فادك ام لا ؟؟
خلال العام الدراسي لا نحيتو و ميفيدكش حتى إذا كانت فيه نسبة إفادة فسيكون إضاعة الوقت فيه أكبر من الاستفادة تاعو هنا في المنتدى ستجدين الكثير من الإفادة
( اذا كنت مدمنة فيسبوك فمن الأفضل تنقصي منو في الصيف هذا باه توالفي بدونه كيما درت انا ^^ على قدر الحلم تأتي التضحية )
- واش هي اهم المواقع لي اعتمدتي عليها في تحميل المراجع لي استعملتيهم ؟؟
موقع الأول للدراسة. .منتدى الجلفة ^^... وموقع خاص بمواضيع الرياضيات هذا
https://www.lyceeroutedoran.123.fr فيه بزاااف مواضيع في الرياضيات أكثر موقع كنت نحل منه
- بماذا تنصحيني بالنسبة للعلوم و الرياضيات و الفيزياء ؟؟...........ركزيلي على العلوم لاقابش ماكنتش كامل نفهمها هاذ العامين الاستاذة لي قراتني ما تفهمش
الرياضيات أجمل مادة حلي فيها التمارين بزاف وسهلة احبي المادة *
*ستبدعين فيها
الفيزياء برنامج طويل نوعا ما.. حاولي في نهاية كل وحدة تحلي عليها تمارين بزاف وتهزي الأفكار و ديري كراس نظمي فيه الوحدات حتى تجيك المراجعة سأهلة
العلوم عليك بمراجعة الدروس و تعلم المنهجية في الإجابة والدقة و التعبير العلمي. ..لاتخافي ستتمكنين منها
- كم كانت معدلاتك في الفصول الثلاثه في عام الباك ؟؟
هههه معدلاتي لاتمد بأي صلة لمعدل البكالوريا
معدل الفصل الأول 16.10
الفصل الثاني 14.54 كااارثة
الفصل الثالث لا أعلم بصح يجي أقل من الثاني
^^ ليست ابدا معيار على معدل البكالوريا
ههه اسفة كثرت عليك الاسئلة راني متحمسة
( تقرير عن مشاركة سيئة )، و الموجودة أسفل كل مشاركة .
2018-07-22, 23:27
ساجيب عن استفساراتكم
العرض العادي
