للترفيه~~~(اصل الريااااااضيات)

[achiever.x]

اني جبتلكم الريااااضيات ان شاء الله تفهمو مانطلب منكم الا الدعاء

هل الرياضيات اصلها عقلي ام حسي (التجربة)؟
مقدمة::
🔕🔕واش هي الرياضيات ## هي علم📑 يهتم بدراسة المقادير الكمية القابلة للقياس📟 وهي نوعان متصلة كيما الهندسة🔻🔺🔷 (اتفكر المربع و المستطيل يكون متصل اي مغلوق) و منفصلة كيما الجبر (ياك كي نحسبو قاعدين نقفزو من رقم لاخر كيما 1 ممبعد 2 ممبعد 3 مهمش مترابطين)
🙆يقول عمي اكونت تاع اوغست (اوغست كونت) الرياضيات آلة 🎷🎺ضرورية للعلم
يقول ولد عم جد بوه تاع اليونان افلاطونمن لايعرف الرياضيات لايطرق بابنا)😱😱شفتو كفاه ميحشمش يطرد فينا
٪٪كي تبدا فالمقدمة قول : يسعى الانسان دائما لبلوغ المعرفة و هذا عن طريق تتبعه لاسرار الكون و محاولة حلها ،،،و كون تحب ابدا احكي على نعمة العقل/التفكير المهم شي عندو علاقة بهاذو...
ممبعد قول و هناك معرفة علمية ،فلسفية ،رياضية،،،وقول و هذه الاخيرة هي علم و ابدا عرفها نورمال
ممبعد قول : كاين لي يشوف بلي اصلها عقلي و كاين لي يقول حسي فياترى هل اصلها العقل ام الحس ؟؟؟
و هيا نبداو فالصح بب😍
👧👧الموقف الاول : الرياضيات اصلها عقلي 👼
على خاطر العقل هو مصدر اي شي ،،هو اصل اي المعرفة (و هذي كااامل نعرفوها)و بالطبيعة الرياضيات هي معرفة إبان فاصلها عقلي
فاهم بب برك عاود اقراها 😉
شكون هوما العقليين 👥👥و لا نسموهم جماعة التقني رياضي (نقلك علاه على خاطر ميقراوش العلوم ،،العلوم حس على بيها باه تسهاللكم فالحفظ)،،،اللي يقراو التقني عندنا هوما : افلاطون هذا تعرفوه
ديكارت(وين ما يحضر العقل يحضر هو)
كانط (تشفاو عليه هذا🍻🍻&#127867
💚الحجج::💚
💞1@العلم كااامل ينبع من العقل على خاطر العقل فيه مبادئ اللي هي الماكياج تاع المرة اللي فاتت💅💇
و افكار فطرية يعني تخلق معانا و كلية ،،و هذا كااامل كاين فالرياضيات يعني هي عندها مبادئها و فطرية و كلية و انشأها الذهن و هي مجردة (يعني بعيدة على الحس خلاه.)
💞2@قالك لي يشوف خصائص العقل و لي هي الكلية ، المطلقية ،الضرورة،،يلقاهم عند الرياضيات ثاني و ميلقاهمش في العلوم الاخرى كيما مثلا البيولوجيا
💞3@قالك المفاهميم الرياضية نابعة من العقل علاه على خاطر هي فيه من قبل 👻👻 مثلا المكان الهندسي ، الخط المستقيم ،،المالانهاية،،الاعداد المركبة السالبة- الموجبة +كااامل معاني رياضية عقلية مجردة
💘💘💘دركا شوف هاذوك لي قلنا تلاميذ التقني رياضي في ثلاثة درك كل واحد فيهم يشوف حاجة حنا واش راحين نديرو راحين نرجعو كل نظرة تاع واحد فيهم حجة اوكي بب تبع معاي
💞4@افلاطون!! هنا بدا يكذب و يخرط قالهم العقل تاعنا كان في عالم اسمو عالم المثل🙉 فيه كان يعرف كلشي فاهم و قاري و ذكي وكلشي و من هاذو لي كان يعرفهم المعرفة الرياضية الازلية الثابثة بصح مسكين هبط للعالم نتاعنا 😭😭 جا طايح على راسو و فقد الذاكرة بكل ،،على بيها كان لازم عليه يسترجعها و ما السبيل الى ذلك سوى العقل قالك عمي افلاطون (العلم تذكر)
💞5@ديكارت ::قالك المعاني الرياضية ربي هو لي حطها فينا نقصد الله تاعو هو لي قال مش انا و هي فطرية نابعة من العقل على خاطر هي بعيدة خلاه على الملموس (قالك ان العقل اعدل قسمة بين الناس)بصح حبس✋ قالهم ثاني هاذي الافكار و المفاهيم متساوية عندي و عندك و عندنا كااامل اوكي
💞6@ كانط🍻🍻: قالك الوقت🕔🕜🕐 و المكان🌍🌏🌎 مجردان و متقدرش تربطهم بالتجربة الحسية مثلا كاين واحد يقول شبيه النهار طويل و واحد خلاه يقول قصير الاول فارغ شغل و الثاني عندو الباك مسكين و الوقت ضيق باه يراجع و انت برك جربها كي تروح عند الطبيب تاع الاسنان تحس الطريق طويييلة و الوقت يجري المهم كي تربطها بالخوف ووو تعود مش مظبوطة،،يعني الزمكان الرياضي لو ربطناه بالتجربة الحسية لطال او قصر.

ً✋النقد ✋: شوفوا جماعة التقني زدتوا فيها كون جات الرياضيات فطرية عقلية لكنا كااامل متساويين فيها و كااامل عندنا نفس التخمام و درجة الذكاء
قالهم جون لوك look لو كان الناس يولدون و في عقولهم افكار فطرية لتساووا في المعرفة (نظن مفهومة)
و ثاني تطور الرياضيات يدل على عدم وجودها في العقل و ثاني كي تطورت الهندسة قبل الجبر

🌅🌅🌅الموقف الثاني:الرياضيات اصلها حسي واقعي تجريبي
شكون قال هكذا الجماعة لي يقراو Sc (علوم)هوما جون لوك هذا طلع شوي تلقاه
دافيد هيوم (كي شغل هيولى و لا هموم و مشاكل)
جون ستوارت مل هذا حبيبنا تاع المرة لي فاتت
كون تشوف مع تطور الرياضيات تلقى الهندسة قبل الجبر و من هنا نقولو اصلها حسي
البرهان
🌓1&الحاجة ام الاختراع 👌 تاع مصر لقدم كي كانوا يزرعوا حدا نهر النيل كان يجي فيضان يديلهم كلش و ممبعد هوما كي لحماير ينساو المساحة لي كانو زارعين فيها إبان كي فاقو مع رواحهم عادو يديرو سياج و يحسبو برجليهم شحال من متر
🌓2&الاحتمالات يا لحباب اللي نقراوهم و قدموهملنا العالم هذا كانوا تاع اليونان مدايرينها توقيتة شغل لعبة ممبعد باه يحسبوا نسب الحظ بداو يطوروا فيها
🌒3&قالك البيبي 👶👶 ميعرفش الارقام على اساس انهم ارقام الا يربط بحاجة حسية مثلا كون تمد لواحد صغير حبة تفاح و لا زوج حبات تفاح راح يخير زوج على خاطر عينك ميزانك هو عمبالو بلي الزوج اكثر من الواحد بطريقتو الخاصة
و ثاني الرجل البدائي ميعرفش لحساب تاع الهم هذا خلاه كان داااايمن يربط العدد بالمعدود مثلا يستعمل العيدان و رجليه و يديه و جناحا الطير...
🌑4&قالك الهندسة تطورت قبل الحساب
🌒5&قالك الاشكال جبناهم من الطبيعة ،،قرص جبناه من الشمس ،،الخط المنحني و المنكسر من سلسلة الجبال ..الاسطوانة من الشجرة ...
يقول عمي نقطة . مربع 🅾(بوانكاري 😹&#128569 لو لم يوجد اجسام صلبة في الطبيعة لما وجد علم الهندسة

👊👊النقد👊 : جماعة Sc, بالغوا في الطرح على خاطر كاين مفاهيم رياضية لاتقبل ان تكون حسية كيما العدد π بالتقريب برك يساوي 3.14 ،،الدوال ،المتتاليات ،،الاعداد المركبة،،و الجذور الصفر
على خاطر كون نزلوهم لارض الواقع يفقدو قيمتهم و دقتهم
💑💑التركيب : 💑💑
شكون لي ركب بينهم : جورج سارطون ،،جون بياجي ،،ڨونزيت(الزيت) (هاذو جماعة شعبة الرياضيات يقراو العلوم و ثاني رايحين شوي لشعبة التقني آك فاهم بب)
العقل و التجربة مرتبطان فلا وجود لعالم مثالي خارج عالم واقعي و لا وجود للمحسوسات في غياب الوعي
قالك عنصر التجريد لي تتميز بيه ختنا الرياضيات جابتو عناصر موضوعية حسية ،،و مناخ ذهني ،،
💂قالك ڨونزيت (في كل بناء تجريدي يوجد راسب حدسي)
💂و قال ثاني الرياضيات بدأت بالعقل و خلاصت بالتجربة
💂قال عمي جون بياجي :ان التجربة ضرورية لكل تجريد
(لو تلاحظو هاذوا الثلاثة كامل عندهم نفس لكلام إبان انت كون يروحلك اسم لي قال القول ،دير هكذا و يقول هؤلاء و اكتب القول 😹&#128569

الخاتمة : قلهم ان اصل الرياضياتعقلي و تجريبي في ذات الوقت 👦👦
و خلاه بب ميخلعكم والو شوي تمجنين و انت نجحت

[Hou Da Lar]

صحيييييييييتي ربي يحفظك
و عيدك مبروك مسبقا

[مريم المتفائلة]

صحا عيدك وربي يحفظك حبيبتي كنت بحاجة ليه

[achiever.x]

المشاركة الأصلية كتبت بواسطة hou da lar

صحيييييييييتي ربي يحفظك
و عيدك مبروك مسبقا

يسلمك ختي ونتي زادا ينعاد علينا بالصحة و لهنا

المشاركة الأصلية كتبت بواسطة مريم المتفائلة

صحا عيدك وربي يحفظك حبيبتي كنت بحاجة ليه

عيد مبارك ختيتو و كل عام ونتي بألف خير

[سارة بسمة نادية]

هههههههه ركزلي على هادي ههههههههههه
هاذو جماعة شعبة الرياضيات يقراو العلوم و ثاني رايحين شوي لشعبة التقني آك فاهم بب)

[~ هبة الله ~]

هههههه كنت غادي نديرها درك سبقتيني ههه
صحيتي ختيتو بارك الله فيك و صح عيدك

[achiever.x]

المشاركة الأصلية كتبت بواسطة ~ هبة الله ~

هههههه كنت غادي نديرها درك سبقتيني ههه
صحيتي ختيتو بارك الله فيك و صح عيدك

ههههه المهم تعم الفائدة
عيييدك مبروك و ان شاء الله نتائج البكالوريا تكون عيدxعيد

[~ هبة الله ~]

المشاركة الأصلية كتبت بواسطة achiever.x

ههههه المهم تعم الفائدة
عيييدك مبروك و ان شاء الله نتائج البكالوريا تكون عيدxعيد

ان شاء الله يا ربي من فمك لباب السما

[نريمان ~]

ربيييي يوفقك أختي .. ما لقيتش الوقت باه نحفظ الدرووس ولا المقالات كل بصح فاهمتهم و نسيتهم
بالطريقة هذي نقدر نحكم ف مخي
معليش اذا عندك وقت ديريلنا قيمة الفلسفة ؟
شكرااا ربيي يوفقك
ندعيييلك ♥

[achiever.x]

المشاركة الأصلية كتبت بواسطة نريمان ~

ربيييي يوفقك أختي .. ما لقيتش الوقت باه نحفظ الدرووس ولا المقالات كل بصح فاهمتهم و نسيتهم
بالطريقة هذي نقدر نحكم ف مخي
معليش اذا عندك وقت ديريلنا قيمة الفلسفة ؟
شكرااا ربيي يوفقك
ندعيييلك ♥

راني درتها اختي شوفي مواضيعي موفقة