احتاج نصائحكم

[مشكلتي]

السلام عليكم
بدون مقدمات
انا طالبة سنة أولى جامعي تخصص رياضيات واعلام آلي بجامعةباب الزوار
من يوم بديت نقرى ننجح بلا ما نبذل اي مجهود حتى البكالوريا و نجحت هكا كيما نقولو زهر لاني راجعت ليلة الرعد برك المهم هذا لا يهم
العام هذا سجلت تخصص هذا لانو عندي ميول للاعلام الآلي بصح واصلت بنفس الريتم وصدمت من نتائج الموسم الأول نتائج كارثية فحياتي متحصلتش عليها وهذا ما افقدني ثقتي بنفسي حتى الموسم الثاني تحصلت على نفس المعدل لأني فقدت الأمل اني راح نطلع العام مع اني كنت نوهم عائلتي اني راني نريفيزي ونقرى بصح العكس
والداي قالولي بدلي الجامعة لانو كامل قالولهم انو جامعة باب الزوار ما يطلع فيها غير طويل العمر وافقت مع الأول بصح بعد ما شفت تخصصات موجودة بجامع ولايتي ملقيتش تخصصات لي حابتها وهذا لي خلاني فحيرة
هل نبقى فباب الزوار ولا نبدل الجامعة
هل نبدى نقرى من ضرك و نحاول نراجع كامل المواد باش ندخل محضرة روحي ولا .... أفكاري مشوشة تماما مازلت خايفة من فشل السنة ومازال تانيب الضمير يقتلني
انا عن ثقتي بنفسي فانعدمت تماما احتاج نصائحكم ارجوكم 😢

[زبدة ذايبة]

ظنيتي أنه في كل مرة تسلم الجرة !!!!!!!!!!!

وفقك رب العالمين مرات عديدة ربما حتى بدون أخذ الأسباب الضرورية

لكن الآن أنت تواجهين حقيقة الحياة

وهي الحرص على الأخذ بالأسباب


أنك تروحي للاختبار من دون مذاكرة أو حضور للمحاضرات فهذا والله عين الجهل

مشكلتك ليست مشكلة إسم الجامعة أو نوع التخصص

مشكلتك أنك لاتدرسين ولا تذاكرين

وبقيتي شادة في هذاك الخيط تاع مانقراش وننجح !!!!!!!!!!!!

وها أنت ذا وجها لوجه مع الواقع الحقيقي أنك كسولة بكل بساطة

وتريدين النجاح!!!!!!!!!!!!!!

شمري على ساعديك وابداي تراجعي

أقرايها مليح تراجعي وليس تتراجعي

راجعي مقرراتك ومحاضراتك والأشياء اللي واجب عليك تمارسيها كطالبة

وإذا رسبت في الاختبارات عندك فرصة ثانية لللاستدراك والامتحان الشامل

اجتهدي وجدي

فمن زرع حصد

أتمنى لك التوفيق

[عثمان الجزائري.]

أسألي لمجرب و ما تسقسيش الطبيب، الجامعة ليست كالثانوي، درست رياضيات و إعلام آلي و كانت نتائجي أكثر من كارثية لكن مع مرور الوقت و بدون أن أكرر السنة عرفت طريقة الدراسة و أصبحت الأمور أسهل

[*** عبق الزهور ***]

رانا كامل كيفكيف حتى انا هذا العام صدمت من نتائجي جامي توقعت روحي نوصل لهذه المرحلة لكن حاولي انك تتداركي واش فاتك وعلى حسب علمي راهم يديرو في الراطراباج اجبدي بيديك وسنيك وقولي ماقريتش الجامعة ليست كالثانوية
بالتوفيييييييييييق

[amoulette]

تخصص رياضيات و اعلام آلي من أروع التخصصات و صديقي لو أعطيتيه حقه من الوقت و المراجعة لتحصلت على نتائج مبهرة
فهو يعتمد على الذكاء و لكن عليك العم على تطوير ذكائك يعني حاول تحلي بزاف التمارين و جيبي مواضيع امتحانات السنوات السابقة و حليها لكي تتعودي على نمط الأسئلة و أظن ان الجامعات في الجزائر كلها مثل بعض انت فقط اجتهدي قليلا و سترين ان النجاح ليس بالامر المستحيل

[نبض قلبي]

بالتوفيق
و كامل هلكناها في البروميار و تندبنا
مي الحمد للله كاين الراطراباج زيري روحك مليح و طلعي ان شاء الله
كثري و عاودي لي كونترول و لي تيدي
ان شاء الله خير