من القلب ....

[~ هبة الله ~]

صبااح الخيرات عليكم ، و صح سحوركم الخفافيش لي كيما حالتي ربي يوفقكم و ينجحكم و يعطيكم ان شاء الله ما تمنيتم
شفتكم كامل بديتو تحطو ف مواضيع واحد يودع و واحد يحفز و لاخر يعاون بارك الله فيكم جميعا حقا هذا المنتدى جمعني مع أعضاء خلف الشاشة نعتبرهم اكثر من اخوتي ( تحياتي اليكم كااامل ) بغيت نشكركم على كل مجهود بذلتوه للافادة طول العام بالرغم أني بديت معاكم حتى أفريل لكن لا تهم المدة والفتكم و صايي هههه بلا ما ننسى جماعتي باك 2015 و باك 2016 مازال مانسيتكم منهم راه معايا يعاود و كاين راه مع دراسته الجامعية نتمنالهم التوفيق عقوبة ليكم أعزائي المشاهدين ههه
سامحوني طولت عليكم ، الله غالب مانعرفش نعبر ههه غير نبدى نبقى نجغبل في الهدرة ، المهم من كتابتي هدا الموضوع اليوم كنت عيانة ماقدرت نقرى والو أيا قعدت نقرى ف عدة مواضيع لي حفزتني بزااف و خلاتني ندير القلب و ننسى تعبي قدام أحلامي و أهدافي و قررت من اليوم فصاعدا أن أقطع وعدا لنفسي أمامكم مانزيد نخلي حتى ثانية تفوت قدامي هاد 14 يوم سأفعل كل ما في وسعي ، أعدك هبة سأحقق كل ما تمنيته و الباقي على ربي سبحانه و تعالى سأكثف مجهوداتي و نبعد على أي حاجة تقدر تشغلني هاد الأيام حتى صحاباتي و نصومهم ههههه
في الأخير نتمنى لكل فرد من عائلتي ( لي هي انت ، وي لي راك تقرى و لي راكي تقري ) ربي يوفقكم و ينجحكم بالامتياز و يتقبل صيامكم و دعائكم و أي حاجة ولا تخص سؤال حول الباك راني هنا نفيدكم وليت اكسبريونس هههه ( عجبتني كل عام نعاود بلاك العام جاي تلقوني هنا ندور )
أيا راح ننقص شوي ف التفاعل بصح مور الباك نجي نخبطكم بموضوع شباب كيفكم

...... دمتم في رعاية الله .....