ما الحل مع خطيبي؟

[مشكلتي]

السلام عليكم
انا مخطوبة و مفتحة و عرسي العام الجاي ان شاء الله,,و العقد مازال للعام الجاي
بكل اختصار,, خطيبي عينو حارة فوق الحد كلما نقولو على حاجة تفسدلي و تحبس و الله ما فهمت سبحان الله
مرة كنت ندير في القاطو مازال ما كملتوش صورتهولو و قالي يجي بنين و انا في الدار ماهومش يديرولي القاطو و راهم حاقريني,,,ألخ يا سيدي سبحان الله كيفاه نسيت القاطو و تحرق تشوط,, و مرة دخلت في بروجي شراكة مع صديقتي ملي قوتلو و هو يضبح على الدراهم و عندك الدراهم و عندك الدراهم حتى حبسلي كلش في النصف و خسرت دراهمي باطل,, و اليوم كان برد الحال بعثت خويا الصغير جابلي شويا لوبيا تع الحب يلي تتشبه للفول ايا قوتلو بلي حنديرها بالبقري و قالي و كيفاه و انا ما هومش يديرولي و البقري غالي عندكم الدراهم,,إلخ سبحان الله كليناها و كملنا و بقا حق غدوة حطيتو في فريجيدار و غلقت عليه مليح مليح ذوركا راح خويا الصغير قلبو طاح كامل في الأرض و قداش من مرة نقولو راني هابطة للعاصمة تتأجلي ديجا التالية كامل شاف ضفورتيا قالي ضفورتيك نتي يطوالو بالخف ياك غير ذاك النهار قصصتيه ليوم نغسل في الماعن حتى طار ضفري واحد و طار من اللحم سبحان الله,,, و الله ما فهمت حاجة ذرك انا راني موسوسة و لا هو صح هاكا داير؟ نصارحو خايفة نجرحو؟ سبحان الله المواقف ما تخلاااااااااااااصش ملي عرفتو كلما نقولو على حاجة تحبس ما فهمتش واش ندير نرجع نخبي عليه؟

[kacimo.samy]

السلام عليكم
تحكيلو كلش
و هو عندكم دراهم عندكم دراهم مكاش كلمة الله يبارك
حاجة فيك زايدة فيه ولالا ؟؟
المهم ناقصي الهدرة زايدة برك موش لازم كلش تحكيلو
المهم لحم بقري غالي عندكم دراهم ههههه

[الباحث السعيد]

راكم تهدرو بزاف

[*** عبق الزهور ***]

السلام عليكم
اسمحيلي اختي بصح كيما قالو الاخوة راكم تهدرو بزاف يعني وصلت وين على بالو بالوقت لي نحيتي فيه اظافرك
نقصي التيليفون تنقص المشاكل
ربي يوفقك وييسر امرك

[الفتاة السعيدة]

اختي ماتحكيش كلشي. كاين حوايج
ما تقوليهمش هدري يالوقت.

[نبض قلبي]

السلام عليكم
نقصي الهدرة اختي اذا شايفة الدعوة موش مليحة
و اهدرو في حاجة تفيد
بالتوفيق

[النجمة القطبية]

هدا الانسان ادا كان كيما تحكي عندوا طبع ماشي مليح
و هو راح يكون زوجك وعايشة معاه حياتك كاملة ادا من درك موسوسة منوا وكي تتزوجي كيفاش تولي تخبي عليه مثلا
واش نقولك حاولي بدل ما توريلوا تبعثلوا تدوقيه بالاك يتبدل شويا
مي تحبي الصح عجبتني تع اللحم البقري عندكم الدراهم هههههه
بالتوفيق

[~ابتسامة~]

نقصي التيليفون تنقص المشاكل
ربي يوفقك وييسر امرك

[يوسف زكي]

دربيه على قول :
ما شاء الله تبارك الله.

[محارب الحمق]

على هاذي ممليحاش تكثر الهدرة والدصارة بين المفتحين قبل الزواج. قوليلوا يكثر من الله يبارك وان شاء الله مايكون غير الخير. وحلي عينك تتشائمي منوا لأن التطير (التشاؤم) حرام

[toulay]

وعليكم السلام ورحمة الله وبركاته
يا اختي حكايات التلفون مشي ملاح بزاف تولي صماطة وتلقاو رواحكم تحكوا غير فالتفاهات
وتاني مشي شرط تمدلوا تقرير على كل واش درتي ياسبحان الله خلي شويا غموض ولحيرتني tellement تحكوا بزاف وصلتوا تحكوا في حاجة تافهة وهي الاظافر قولي الله يعيشك هل هذا موضوع مهم
و en plus درتيه في بالك بزاف يعني قلتي فيه العين علابيها صح العين حق بصح شويا متبقاش تعس غير فيه
ونقص من الهدرة فالتلفون او يجي النهار وتكرهوا من بعضاكم على الاقل خليه يتوحشك شويا ااااااااو واشي هذا مشي نهار طول وانتم تحكوا لانو هذا يعتبر روتين ممل للغاية
بالتوفيق

[العهد الرائع]

نصيحة لوجه الله اخطيك منو
صحبتي.كانت كيفك خطيبها يا لطيف الحاجة اليةتحكيهالو تفقس،لخدمة الي كانت تترشح فيها،يكونو قابلتها هي تحكيهالو وهي تفقس
كان عدهم ارض راح تتباع قاتهالو هرب الشاري،نهار الي يقولها راكي.زينة.يطيح مريضة
قلنالها كامل اخطيك ماحبتش زوجاتو،منلي تزوجت خمس سنين ذراري مكاش الامراض قع دنيا ودين ركبتها وفوقها حالها حبس،

[عثمان الجزائري.]

You made my day girl ههه لم أستطع أن أتوقف من الضحك خاصة عندما تكلمت على البقري و الله أسلوبك مضحك جدا في الكلام، على كل حال هذا ليس مشكل ءو يمكن أنك ممن أصابه وسواس العين مع أنها حق، المهم لا تحاولي أن تقلي وسواسك إليه و لو مزاحا، قلبي من الكلام و لا تنسي الأذكار

[سآجدْ للهْ]

ههههههههههههههههه

سيي ما تقوليلوش على اي عفسة واذا صرالك اي مشكل في اي عفسة اعرفي بلي المشكل مش منو وانما انت موسوسة ومريضة نفسيا