رايكم في منتجات كوندور

[ninaricci]

البنات حابة كل وحدة تدخل تعطينا رايها بصراحة في كل منتج من منتجات كوندور ان كانت مجربتهم للامانة اللي مجربة فقط هي اللي تمد رايها بصراحة تامة فهو عبارة عن استبيان حول منتجات كوندور هكذا نشوفو قداه من نجمة تجيب شركة كوندور واللي تحب تشري منها تعود تشري وما تخافش

[ninaricci]

انا شخصيا جربت تقريبا كل منتجات كوندور ولقيتها رائعة

[nihal159]

صباح الخير نينا أنا منتوجات كوندور صراحة مانثقش فيهم؛ شريت بورطابل كوندور ماكملش شهر و فسدلي؛ مزية شريتو ب 300 ألف يعني خسارة مقدور عليها و الحمد لله؛ درك منتوجات كوندور درت عليهم خط أحمر.

[ام لجين و فيصل]

صباح النور عليكم
انا جربت ثلاجة كوندور عندها 9 سنين مي دير بزاف الثلج من تحت و خصوصا في فصل الصيف تعييني تولي ما تبردش لازم نطفيها و نحيلها الثلج باستمرار راني مقلقة وقتاش نبدلها
و عندي عام ملي شريت كليماتيزوغ و حسيتو ما يبردش كيما النوعية القديمة خاطش لوستي عندها واحد قديم مي يبرد ما شاء الله

[ninaricci]

يعطيكم الصحة خواتاتي هكذا نحبكم نفيدو بعضانا البعض نتمنى اللي يدخل يحط افادتو

[ninaricci]

انا البارح راني كملت شريت لاف لانج اوتوماتيكية ب2 ملاين و7 مية الف 6كغ

[Amatu'Rahman]

انا شخصيا لست من مشجعات منتجات كوندور (عن تجربة )

[rejine]

السلام عليكم اخواتي
منتجات كوندور بالنسبة ليا لباس بيها و في متناول الجميع خاصة في السعر
هي الالات الكهرو منزلية اما الهواتف و الحواسيب فهي ليست من اختصاصها يعني كي نبغي نشري هاتف نشريه من الماركات المختصة في الهواتف
اما عن منتجاتي اول ما شرينا كليماتيزور دوبل كور في دارنا في 2004 او 2003 شريناه كوندور و لحد الان شغال و معضم الكليماتيزورات لي راهم في داىنا ولا دار شيخي ولا محلات زوجي كوندور
ثاني حاجة شريناها تلفاز led 2014 وعندي كذلك عجانة و اخر منتج شريتو هو اسبيراتور غبار و ماء

[ninaricci]

شكرا على الافادة اخت رجين

[المطمئنّة]

السّلام عليكم ورحمة الله وبركاته
جرّبت من منتجات كوندو لحدّ الآن هاتف نقّال فقط وأعجبني ولا يزال جديدا منذ سنة 2016

[ninaricci]

بارك الله فيك اختي المطمئنة

[المطمئنّة]

المشاركة الأصلية كتبت بواسطة ninaricci

بارك الله فيك اختي المطمئنة

وفيكِ بارك الله

[ityou]

تلفاز مليح

[KARIMFATIMA]

تلفزيون فسدلي ثلاجة تاني فسدتلي