لي جامي دار فقرة و ما يعرفش يدير جملة في الانجليزية او الفرنسية

زمان رتاب · 2018-04-17, 22:16

باسم الله الرحمن الرحيم

كما هو مبين في الموضوع طريقة للحصول على بعض النقاط في فقرة الانجليزية او الفرنسية
الموضوع موجه للناس لي في ماترعفش تدير فقرة نهائيا يعني 0 خبرة
بما انه قد فات الاوان باه تتعلم المنهجية و تكوّن رصيد لغوي
ننتقل الى الخطة ب و هي الحفظ (نعم كما يقال في كرة القدم في النهائي المهم هو النتيجة و ليس الأداء)
النقطة الاولى ماتديروش compte rendu في الفرنسية و ماتقولوليش علاه
ثانيا في الانجليزية دبر فقرات حول المحاول الثلاثة و اشرحهم مليح كلمة بكلمة و احفظهم في الباك إما تجيك نفس الفقرة او تجيك فقرة تشبهلها
اذا جات هي اللهم بارك اذا ماجاتش هي بدل فيها او احذف فيها و زيد فيها شوي و راح تلقا روح درت فقرة او على الاقل قدرت تكتب
ثالثا الناس لي عندها الكلمات و ماتعرفش تدير جمل اما تدير الطريقة الاولى او تجرب طريقة اخرى تحفظ عباراة سمعتهم من قبل مثلا في اغنية تعجبك احفظها او عبارات عجبوك احفظهم و نفس العبارات وظفهم في الفقرة و هاكدا تكون مطمن من صحة الجملة في المعنى و التركيب
اتذكر انني في البكالوريا مالقيتش وش ندير خاتمة قاعد نخمم حتا جات في راسي بداية تاع اغنية كنت نعرفها و حافظها درتها و صلحت و جات ممتازة
في الفرنسية نفس الشيئ احفظ جمل عبارات اغنيات عندها علاقة بالمحاور تاعكم
خاصة في الفرنسية المواضيع كثيرة و ماعندهاش مجال محدد يعني عبارة عندك تقدر تلقالها بلاصة و توظفها في الفقرة تاعك عادي + تعرف كيفية بناء النص التاريخي و الحجاجي وو لانه نفس الكلمات لازم تستعملهم و بنفس الترتيب في كل النصوص

بالتوفيق "زمان رتاب"

نريمان ~ · 2018-04-17, 22:29

وعلاه ؟ ف compte rendu ما يمدوش la note ؟

Aya Ya · 2018-04-17, 23:27

يعني اكدتلي بلي لازم نيفيتي le CRO ... كاين واحد جاب كلش صحيح في الفرنسية مي العلامة كانت 16.5 ( يعني نقصولوا علىCRO .. )
المهم شكراا وبارك الله فيك على النصاائح القيمةة

المُعادلة الصّعبة · 2018-04-18, 01:00

علاش تفشل فيا
وش من فات الاوان
مزال عندنا الوقت علاش يفوت الاوان
ما فاتش الاوان
مزال الحال ويكفي باذن الله للتدرب

زمان رتاب · 2018-04-18, 01:10

الحمد لله جامي فشلت واحد
و الموضوع دقيق و موجه لاشخاص محددين
بل بالعكس هو موضوع تحفيز للناس لي فقدت الامل
لكن التحفيز مش يعني انك تكذب عليهم
بالتوفيق

اسلام123 · 2018-04-18, 06:40

اخي زمان اعطينا نصائح كيفاش تستدركو لي فاتنا ونظمو وقتنا في الفترة هاذي + كيفاش كنت تقرا في رمضان ؟

زمان رتاب · 2018-04-18, 11:33

في رمضان راجعت عادي مثله مثل بقية الايام كنت فقط اتاخر في النهوض حوالي 9 صباحا
اما البقية فالبرنامج تقريبا نفسه
افضل طريقة لاستدراك هي عد تضييع وقت اكثر و البدء اليوم في استثمار كل دقيقة
الان هو وقت حل المواضيع بكثر الان هو وقت حل عدد كبير من المواضيع خاصة خاصة خاصة مواضيع البكالوريا السابقة

رونق الصبح · 2018-04-18, 11:51

السّلام عليـكم
و لشخص مستواه جيّد في اللّغات ، ماذا تنصحه ؟
و حتى لو خرجت قليلا عن الموضوع : الفلسفة هل حضرت كل المقالات أم المقترحة فقـط ؟

*همسات المطر* · 2018-04-18, 13:06

شكراااااااااااااااااااااااااااااااااااا

حلم الامتياز · 2018-04-18, 17:31

شكرااااااااااااااا

مُـ‘ـُنُـ‘ـُـعُـ‘ـُمُـ‘ـُ · 2018-04-18, 19:03

بالعكس أخي، بالنسبة لي كشخص لا علاقة له بالفرونسي تجيني compte rendu أفضل، لأن كل شيء تخرجوا من النص عكس الفقرة لي تحتاج يكون عندك ثروة لغوية + افكار

بشرئ عاشقة العلم · 2018-04-19, 20:00

يختلف تنقيط le compte rendue من مصحح لاخر اي اننا لا نستطيع الحكم بفادته من عدمها و لكن رجاءا لدي سوال مادا تعني the form اي شكل النص الدي ينقط ب 2,5 لوحده فقط اي ما الدي يجب ان يحتويه هل يقصدون المقدمة العرض و الخاتمة ام مادا

الدرر البهية · 2018-04-19, 22:09

انا من النوع تع الناس لي قدىة استيعابهم سريعة و الحمد لله لكن ديفو تاعي منقدرش نطول على الطابلة نحط حاطة بين عينية مين نكملها نشد وقت باش نروح ندير حاجة وحدخرا
بما تنصحني
و كيف انظم وقتي في هده الاونة
و كيف كانت طريقة دراستك (هناك من قال لي الحل و صايي مشي وقت تهزي فيه الكايات )

زهرة وسط أشواك · 2018-04-20, 09:53

السلام عليكم
مشكور أخي على النصيحة التي سأعمل بها إن شاء الله
الانجليزية هناك فقرات ممتازة وليست كثيرة ، يعني في كل محور حوالي 3 أو 4 فقرات
و الفقرات المتوقعة تعد على رؤوس الأصابع

لكن مشكلتي في الفرنسية ، ولو حفظت الأغاني ممكن نقدر نستخدم كلماتها بوجه عام
يعني في المقدمة والخاتمة و حتى أحيانا جملة أو اثنين في العرض
و لكن ماذا عن الموضوع بحد ذاته
و لم أجد الفقرات المتوقعة يلي ممكن تزيح عني الهم شوية
لقيت pdf الله أعلم فيه أكثر من 30 فقرة ( مكتوبة بأسلوب رديء جدا )

الانجليزية وحليناها .... الفرنسية $$$$

و مشكور كل الشكر اخي والله ما قصرت