راني جبتلكم موضوع جد مهم، كاين وحدة جزائرية راهي تقول كلام بزاف مهم، وعن نفسي انا اقتنعت بكلامها، رانا نجروا مور الاشاعات، تفضلوا واش قالت الاخت رزيقة الي كانت في مصر....
السلام عليكم
"كفى بالمرء كذبا أن يعيد كل ما يقال له"
وكيما يقول المثل الجزائري المندبة كبيرة والميت فار
أنا جزائرية نحب بلادي ونتمنالها الخير، بصح فحلة ونخاف ربي ونحب الحق وما نحب الظلم، راني حاب نقلكم كنت في مصر، وشفت كلش وهادي ماشي الخطر الاولى الي رحت لمصر، جابلي ربي الشعب في مصر راه ميت الناس عايش حياتها كلي ما كاش الماتش هذا اصلا، حاجة واحدة الي راهي في مصر الاعلام والنات، راني كي نفتح تلفيزيو ننخلع واش راهم يقولو، وكي ندخل النات حاير واش هادي الحرب الي راهي نايظة، والله يا ناس الشعب المصري ما راه يهدر في البالو ولا حتى فارغ لهذا الموضوع.
كي جيت لدزاير انخلعت وين ادور يهدرو على الماتش ويسبو في المصريين، عندكم الحق تزعفوا من الاعلام المصري، كيما هم عندهم الحق يهدروا كيما يحبوا.
بصح أنا نقول الحق، من المطار حتى الجيزة الأمن داير حالا، ونزيدلكم دار حسني مبارك في التريق هديك. وكي شفت الفيديو نتاع لي جووغ ما فهمت والو، شفت زجاج مكسر بصح وين راه الصح، المصريين يقولو ما درنا والو واحنا نقولو هما الي ضربوا لي جووغ نتاعنا.
يرحم في جدكم انا كنت فما والله غير عاملوني احسن معاملة، والله ما حسيت بوالو.
المشكل الفيديوهات الي شفتها ولي فوتو ما قنعتنيش، تعرفوا علاه؟ وين راه الاعلام؟ واش هتقولو ما خلاوهمش في مصر يصوروا، يا سيدي الي كانوا فما علاه ما سجلوش حاجة تقنع الواحد، اسمحولي بصح الفيديوهات ناقصة بزاف فيها اللوش.
علابالي كلامي ما يعجبش، بصح هذا هو الحق، والخبر يجيبوه التوالا.
قولولي، رضا 16 الي جا زعفان وقال دارونا وعملونا، وقتلوا منا، علاه كي جات روندا لعبت مع الجزائر ومات 3 مشجعين جزائريين علاه ما قتلتوش صحاب روندا ان شاء الله؟، ونزيدلكم علاه كي يكون ماتش في دزاير دايما فيه مشاكل، ياك رانا بيناتنا متقاتلين الله يهديكم، يعني كي ولات في مشجع جزائري مات في مصر بسباب الغاشي بزاف او أو ولا فيها الثار، ونزيدلكم حاجة، الجزائريين كي راحوا لمصر جابوها رجلة بزيادة كي شافوا رحهم بزاف.
واش انتم تقبلوا يجي واحد مصري يلعبها في بلادكم، والله ما تقبلوها.
وكيما ما تحبش لروحك ما تحبش لوليد الناس.
صدقوني الاعلام صح راه داير فتنة كبيرة وعلى خاطر بالو برك.
راه غايضني الحال نهار الي قتلوا اليهود في غزة طفل، علاه ما قتلتوش منهم ياك راهم كاين في الدزاير. وكي ولات في العرب راكم تقتلوا في بعضاكم، واش حبيتوا الحرب؟، روحوا فلسطين حاربوا وموتوا، ولا شوف يهودي اقتلوه، ماشي تشبهوا امة الرسول باليهود والخنازير..، والله غير تتحاسبوا عليها، ياك راكم ولاد بلادي بصح ماشي حق تهدروا هكدا عليهم، اقراو التاريخ صح وانباعد اهدروا، وكيما قالت الحكمة نتاع زمان: "عامل الناس بعقولهم تكن اعقل الناس"، صدقوني راكم مكبرينها بزاف، ربي ما قالش هكدا، وكيما قال الرسول القاتل والمقتول في النار.
انتم راكم تشوفو عند رجليكم، وراكم تضخموا في الامور، صح كاين دبزة صرات في مصر بصح تعرفو علاه؟ شنانة كثرت والمشاحنة. وراكم دزيريين وتفهموا.
تأمنوا واحدة حبيبتي دزيرية عايش في مصر، عيطولها الاهل نتاعها يسقسو خايفين عليها، قاتلهم علاه واش كاين، تصدقوني ما علابالهاش كامل واش صرا، والله في مصر لكان ما تفتحش التلفزيون أو تقرا جوغنال ما تعرف حتى خبر.
بصح دوكا نقلكم الله يستر على حساب واش راني نشوف في المنتديات والاعلام جابلي ربي كثر من الحرب العالمية.
ولا انتم راه غايضكم الحال يا سيدي في وجه الجزائريين الي عايشين في مصر، وفي وجه المصريين الي عايشين في الجزائر. ياااااااااااااو راهم جااااااااااااااااليااااااااااااااااات.
الموند راه كامل يضحك علينا، واليهود مادا بيهم واش راه يصرا فينا. والله غير تبهديلا في حق الاسلام.
الرجلة والحق بانلكم غير في خاوتكم. علابالكم هادي جياحة والله يسترها في خرطوم.
الفتنة صرات لعائشة زوجة الرسول رصي الله عنها، أمالا حنا واش هيصرا بيناتنا...
قولولي لكان جارك جيت ما تحبوش وتكرهو ووليدو ضرب وليدك كسرلو راسو ودخل كوما، وجا قالك واحد بلي جارك قالك أشح فيك والله يستهلها، قلي واش تحس؟ رغم أن جارك ما قالش.
شوف الاعلام هادا داخل في السياسة قبل كل شي.
ونزيدلكم حاجة كي وليت للدزاير، قالولي بلي كاين جزائريين ماتو مور الماتش في مصر ورحت نشوف لاني نعرف واحد منهم، لقيتها كامل خرطي، الهدرة الزايدة برك.
صدقوني مكاش كيما تشوف بعينك وتسمع بودنك من صاحب الشي.
وإدا صح كاين قتلى، والله غير بسبب الغاشي بزاف وتشابكو مع بعض كي كانوا خارجين من صطاد، وهادي تصرا بارتو. كيما صرات في دزاير مع روندا.
المهم الله يرحم كل جزايري ومصري مات، وهادا ما بقاش ماتش ولات حرب، والرابح فيها خاسر.
يااااااااااااااااااو ربي خلقنا باش نعبدوه، ماشي نقتلوا بعضانا، ما يهمناش الي بدا الاول، يهمني واش راه يصرا. اليهود بدات بفلسطين وراهي احتلتها، وكملت على العراق، وراهي دخلت تلعبها علينا.
افطنوا افطنوا والله راني نهدر الحق.
السلام عليكم[/COLOR]
أتمنى يعجبكم واش قالت والله غير عندها الحق انشروها باش ما تصراش الفتنة ربي يرحمنا
( تقرير عن مشاركة سيئة )، و الموجودة أسفل كل مشاركة .
2009-11-17, 01:49
إلى كل جزائري حرب خرطوم
العرض العادي
