المشاكل و الدراسة....

[مشكلتي]

السلام عليكم
انا لدي اخوة صغار واحد عمرو 6 سنوات و الاخر 4 سنوات
المشكلة انني خائفة لان لدي الباك العام المقبل و اخوتي يقومون بالصراخ
و المشاكل طول الوقت ، كلما تكلمت معهم تضربني امي و لا تتفهم ان الدراسة تحتاج التركيز و التركيز يحتاج الصمت
حتى بيتنا صغير و التلفاز كأنه امامي ... لا اجد حلا مناسبا لاخوتي كي يهدؤوا ... حتى اختي التي تبلغ 10 سنوات تفتعل المشاكل و تجعلهم يصرخون اكثر
ما الحل معهم؟ لم اعد اريد الدراسة بسببهم و قلت لامي لكنها تعتقد انني اريد الراحة فقط و الصمت لا يجلب التركيز
حدث معي نفس الشيء في بداية سنة 2016 حيث كنت في الاولى ثانوي .. و جاء خالي و قام بافتعال الفوضى بصوته المرتفع .. فغضبت كثيرا و نمت باكية في نصف تحضير الادب العربي .. كما انني سقطت على رأسي فأصبحت انزف من انفي و عيوني معمشة ...الخ المهم اظن انه تلف خلايا المخ .. و هذا سبب في تراجع مستواي في الثانوية ... و انا خائفة من اخوتي و الحقودين على امي العام المقبل .. ربما يحاولون تحطيمي بكلامهم المحبط .. امي لديها اعداء كثر لانها و ليس بتكبر طيبة و حنون .. و "قارية" و شاطرة و حتى احد اقربائي سألني عن حلمي و عندما اخبرته اصبح يسخر مني و يضحك .. لدي الكثير من الضغوطات ماذا افعل العام الجاي الباك و الجميع يريد تحطيمي بأي طريقة .. ماذا افعل

[- بصمة خير -]

راكي تكبري في الموضوع اختي
راني فاهماتك مازالك صغيرة و راكي تتعلمي في الدنيا هذه

لكن ما تكبريش الموضوع
كاين اللي قرا في ظروف اسوء منك
ما تربطيش القرايا بالفوضى
تقدري ترقدي و تنوضي فليل تقراي يكونو هما راقدين
تنوضي الصباح بكري
تكون الفوضى بزاف ما تقرايش حبسي روحي ارتاحي شوي
اتعلمي كيفاه تنظمي وقتك
كما تكوني تقراي اغلقي باب الغرفة
خواتاتك اهدري معاهم بالمسايسة بالشوي و اعطيهم باش يغفلو و يلعبو مازالهم صغار
اختك تاع ١٠ سنين قوليلها تعسهم و انتي تشريلها حاجة تحبها مثلا

ما تفكريش في الناس و واش تشوف فيك
ممكن عن غير قصد هذا ضحك عليك
فكري في روحك و قرايتك فقط

انساي الناس و عيشي حياتك

الله يفرحك و ييسر امورك

[الفتاة السعيدة]

الله.يفرحك.وييسر.امرك

[طالبة لها هدف]

اختي انا عندي العام هذا باك
شوفي انا عندي بنات وحدة 5 سنين ووحدة 9 سنين ووحدة 12 سنو يوميا الصراخ و المشاكل وووو
مي كي نشوف الحالة ماشي مساعدتني ماشي اانا وحدة برك نروح ندير باgار مع العايلة كامل
نخليهم يرقدوا و يهدا الحال في الليل نوض نقرى والحمد لله

[ابو سليمان10]

استعملي سماعات الاذن..ضعي فيها قران..بحيث لا تسمعين ما يدور في البيت...و حينها ستركزين مع الدراسة و لن يتشتت تفكيركي بما يقوله من في البيت

[سآجدْ للهْ]

يا بنيتي هذي يقولولها لومبيونص انت برك حساسة زيادة على اللزوم هذا امر عادي هههه ما تعمريش راسك وزيري روحك واقراي وما تحصليهاش في خاوتك كوني شاطرة

[nihal159]

أنتي عندك العام المقبل الباك و من درك بديتي تفكري فالحقودين و المحبِطين و الحس تاع خوتك و خوفك من فقدان التركيز؛ بالعقل ياختي على صحتك إذا من درك حكمك الخوف و الخلعة ، العام الجاي كيفاش تكون حالتك؟؟؟ عيشي حياتك اليوم و غذوا خليه على ربي سبحانو؛ ماناش ضامنين حياتنا منّا على ساعة واش يصرا و أنتي راكي تحسبي للعام الجاي؟؟

[صفاء الروح]

السلام عليكم اختي الصغيرة يجي نهار وتتوحشي هاذاك لعياط ولومبيونص لفدار
وحبيت نذكرك نعرف وحدة طلقت امها وعندها 6خواتاتها عايشين فقراج كراوه يتكلو لثم يقراو لثم كلش لثم راهي طبيبة حاليا
وهذاك القراج خرج العمالقة وحدة دكتورة وحدة مستشارة تغذية وحدة محامية
استعيني بالله ومتستبقيش الاحداث
ربي يوققك

[بناتي نور العين]

ادرسي على قد طاقتك و ادعي الله ان يوفقك

اتمنى لك النجاح و التوفيق

[رندة.]

نوضي الصباح بكري وأقراي، هذاك الوقت يكونو راقدين والدار هادية والمخ تاعك يقدر يستوعب قدر كبير من المعلومات.
ربي يوفقك وينجحك ان شاء الله

[dali rami]

يا أختي كامل مرينا بنفس ظروفك وأكثر وتحدينا وصبرنا ونلنا والحمد لله

في عام البكالوريا أذكر والله العظيم كنا لم نوسع البيت بعد وكان عندنا غرفتان

والفوضى والمشاكل والضيوف مرة على مرة ومع ذلك تحديت كل شيء ، كنت أسهر لأدرس لساعات متأخرة ومرات في الصباح الباكر

وكان يصل بي الأمر أحيانا للدراسة في المطبخ وهذا ليس عيب بل شرف

الحمد لله أخذنا البكالوريا بتقدير وفرج ربي وكأن شيئا لم يكن

لذلك أختي اصبري تنالي والضيق مسألة وقت وبعدها يفرج ربي

ربي معاك ،،

[amina.77]

ختي تصرا معانا كامل
هدي مشي بربلام
اكثر شي لازم تتقيدي بيه
كوني اجور مع الدروس