الصداقة و النصيحة

[مشكلتي]

السلام عليكم
مشكلتي عندي صديقة لا أحب طباعها لست أن فقط الجميع يتذمر منها أنا في البداية لم أكن أهتم كيما نقولو انا المهم مليحة معايا
مع الوقت اصبح الكثير يشكتي من تصروفاتها ليه أحيانا أدافع عليها و احيانا اصمت مع الوقت تمادت وأصبحت تصارفتها لايرضى بيها الله ولا العبد ولا أنا
أصبحت تزعجني نصحتها كثيرا لك لا جدوى العكس تبقى هي هي نحس أنني جرحتها بكلامي و الفائدة لاتوجد.
سؤالي اخواتي انصحوني هل ابتعد عن هذه الصديقة و ارتاح وكيما نقولو هي ربي يسهل عليها
أم أستمر في النصح ممكن يجيب نتيجة؟

[ع.عيسى]

بعدي عليها ..الصاحب ساحب ...وثانيا رايحة تشوهي سمعتك ...وممكن هي تشوه سمعتك والناس تصدقها بيك تمشي معاها ..والمثل يقول الطيور على اشكالها تقع ...واذا تشوهت السمعة نتاعك الزواج رايح يصعب عليك ..لذلك بعدي عليها وادعيلها بالهداية

[سيرين راجي]

يكفيك قول رسول الله صلى الله عليه وسلم"مثل الجليس الصالح وجليس السوء كحامل المسك ونافخ الكير"

[طالبة لها هدف]

يا ختي كيما قالو لي قبلي
الصاحب ساحب
شوفي نتي عندك زوز خيارات
الا شفتيها نتاع نصح و رح تسمع منك انصحيها و عاونيها بالاك تربحي اجرها
الا ماراهيش نتاع تسمع الكلمة غير اخطيك والله تكبري معاها و تعياي معاها

[امام الرضا]

أسأل الله ان يرزقك الرفقة الصالحة ويثبتكي ويصلح حالك

[آلسلطآنة]

اخطيك منها وبعدي عليها ترتاحي

[رندة.]

أنتي قلتي أنك نصحتيها كثير لكن من دون جدوى.
ما بقالك غير أنك تدعيلها ربي يهديها وينورلها بصيرتها ان شاء الله

[زبدة ذايبة]

وش بيها صاحبتك هذي؟؟؟؟؟

وش شفتي منها؟؟؟؟؟

كلامك غامض ماعندو حتى معنى.

الشيء الوحيد اللي راه واضح في كلامك أنك تبحثين عن تأييد من الأعضاء لتقطعي صلتك بها.

حتى لا تتعرضي لتأنيب الضمير

كل إنسان عندو تصرفات ممكن الناس ترضاها ممكن لا.

وأنت على مايبدو من كلامك صديقتك هذي ماعندهاش مشاكل أخلاقية.

مشكلتها الوحيدة أنها باقي البنات كرهوها.

ممكن بسبب ملابسها أو فقرها

ممكن لأنها ضعيفة وغير جميلة.

ممكن لأنها تتعرض للسخرية من باقي البنات.

وأصبحت تسبب لك الإزعاج ولم تعد تليق بك.

إذا كان بالفعل وش كتبتلك الآن صحيح وحقيقي،،، غير خليها.

ماتزيديش تمشي معاها

لأنك ماتصلحيش تكوني صديقتها

تكوني درتي فيها مزية كبيرة كي تخليها وتبعدي عليها.

لأن أمثالك مايصلحوش لتكوين صداقات مبنية على أساسات متينة.

كي كرهوها حبابات كرهتيها أنت.

ومن فوق هذا كامل جيتي تحوسي على التأييد في القرار اللي اتخذتيه.

حتى كي يجي الليل ترقدي على زوج وذنين مرتاحة الضمير بأن الأعضاء قالولك أخطيك منها!!!!!!!

مهما أخطأنا في تقدير المشكلة يبقى ضميرك هو الأول والأخير في تقدير الموقف.

وعلى مايبدو مازال فيك شوية تاع الخير بما أنك ماتحبيش تجرحيها.

أخطيها ويعوضها رب بخير منك

وبأحسن منك في كل شيء.


خليها ماتوهميهاش بأنك صديقتها الحميمة ومن جهة أخرى باطن الصداقة كراهية وسخرية

كوني واضحة مع نفسك

الصداقة ماشي بالسيف.

وأستبعد نهائيا أن تكون مشكلتها أخلاقية

لأنك لم تشيري إلى هذا أولا

وثانيا

أن الفتيات المراهقات الآن يشجعن بعضهن البعض على العلاقات بالفتيان

مانظنش المجتمع عندنا أصبح نظيف 100% لدرجة أن البنات أصبحن يقاطعن الفتاة المتبرجة وغير الأخلاقية


بناءا على ما استنتجته من كتابتك رديت عليك

وإذا كنت أخطأت في عرض مشكلتك نكون أخطأت في الرد عليك

موفقة

[جزر الشمس]

[QUOTE=زبدة ذايبة;3997437045][size="5"][color="darkred"]وش بيها صاحبتك هذي؟؟؟؟؟

وش شفتي منها؟؟؟؟؟

الأخت قالت في الموضوع لا ترضي الله هل يجب فضح الناس؟
كلمة الله تكفي
كيما قالو الاخوة الصاحب ساحب شوفي انت اذا اخلاقك و طباعك لاتتناسب معاها ابتعدي وادعيليها بالهداية