كرهت وعييييت من روحي

[مشكلتي]

السلام عليكم
عذرا منكم ساتحد بالعامية حتى اوضح مشكلتي اكثر
انا بنت عمري 19 سنة طالبة جامعية مشكلتي نفسية وهي اني نشوف روحي شريرة فوق ما تتصورو وموسوسة في كلش واكثر حاجة معذبتني هي الصلاة الحمد لله صلاتي نصيليها ومانيش من النوع لي يصلي ويبطل لكن الوسواس رح يهبلني كل مرة نصلي فيها نقول صلاتي غير مقبولة اصلا انا انسانة شريرة بالاك ربي راهو غضبان عليا حتى الوضوء في بعض الاحيان نعاودو حتى 4 مرات وفي كل مرة نقول اواه اخطات نسيت حاجة حتى رح نهبل عيييييت من روحي وخايفة في نفس الوقت لانو في بعض الاحيان كي يكثر عليا الوسواس نقنع روحي بلي راني نورمال ونروح نصلي عادي ومن بعد نقول هذه الصلاة غير مقبولة اكيد ما توضيتش صح ثاني حاجة وهي مسالة اعتقادي باني انسانة شريرة ومافيها حتى فائدة في هذا الكون هي انو في معضم الاحيان نكون على بالي بحاجة ممكن تغير حياة انسان ما الى الاحسن لكن ما نقولهاش ولا ادري لما حتى مع عائلتي انا الاكبر في اخوتي نحب ننصحهم ونوريلهم خصوصا في الامور المتعلقة بالدين لكن لا اعلم لما احس نفسي تافهة عندما انوي النصح ثالث حاجة وهي مرتبطة بالمشكلة الثانية وهي اني في وقت مضى كنت الح في الدعاء على شيء وكنت اكرر ذلك الدعاء في كل وقت وفي كل صلاة لمدة 4 سنين كنت كل مرة نطلب فيها من المولى اشارة اذا كان الامر لي ندعي فيه رح يتحقق وكنت نشوف اشياء تنبؤ بان دعوتي ستتحقق لكن مؤخرا صدمت بان ذلك الشيء مستحيل الوقوع صراحة قلت الحمد لله واكيد ربي شاف فيها خير ليا ولعله ابتلاء منه عز وجل وراه يشوف فيا اذا نصبر والا لا واكيد رح يعوضني بشيء احسن لكن سرعان ما تتراود الى ذهني فكرة انو ربي راه يعاقب فيا لاني انسانة شريرة عاونوني يا خاوتي والله كرهت حالتي النفسية راهي من سيء لاسوء