القضية الفلسطينية ♥ ☜ باللهجة الجزائرية ( تاريخ ) ツ

عشريني متمرد · 2018-02-09, 22:14

كان يا مكان و القصة مزالت في هذا الزمان

تبدأ ب: الحرب العربية الإسرائيلية

1/- الظروف والأسباب:
كي نساحبت بريطانيا من فلسطين يوم 14 ماي 1948، الصهاينة الملعونين

انتهزوا الفرصة وماراطاوش وداروا إعلان بقيام دولة إسرائيل يوم 15 ماي

... بعد هذا الإعلان سمعوا الدول العربية بالخبر لمدوا الجيوش نتاعهم باش يعاونوا خاوتهم الفلسطينيين

2/- وقائعها:
كي بعثوا الدول العربية الجيوش بدات الحرب في 15 ماي 1948 يعني نهار الإعلان، والجيوش العربية اللي كانت حاضرة هي: المصرية، السورية، اللبنانية، العراقية والأردنية، الجزائرية. هاذي الجيوش هزموا الإسرائيليين

كي سمعت القوى العظمى ومن بينهم ال.م.أ حبوا يحبسوا الجيشلذلك داروا قرار باش يحبسوا القتال لمدة شهر من 11 جوان 1948 يعني داروها بلعاني باش يزيدوا في االجيش الإسرائيلي ويدعموهم بالسلاح

... منبعد هجموا على الفلسطينيين نهار 9 جويلية 1948 وكملت الحرب نهار 16 جويلية 1948 بإنهزام الجيوش العربية

3/- نتائجها:
نزوح 600 ألف فلسطيني وهذا دار مشكلة اللاجئين كيما راه في سوريا

كي داروا هدنة في 24 فيفري 1949 إسمها هدنة رودس وهي اللي ادات إلي عقد عدة اتفاقيات بين الدول العربية وإسرائيل

سيطرة إسرائيل على معظم الأراضي بفلسطين معناها ضياع فلسطين

سقطت بعض الأنظمة العربية بعدما إكتشفو الخيانة نتاعها في الحرب عام 1948 كما نظام الملك فاروق في مصر
ضموا الضفة الغربية للأردن وقطاع غزة لمصر

تحيات أخوكم في الله: حســــــام