بطال يبحث عن عمل

[mustaphadido1988]

السلام عليكم خريج جامعي 5 سنين شاد الحيط ومازلت السن 30 عام اريد عمل بمبلغ مقبول ومعاملة جيدة

[nadir_telecom]

enchallah tel9a wa l jmi3 el ba6aliine

[kacimo.samy]

سلام
ربي يرزقك اخي الكريم

[mustaphadido1988]

امين يارب ولكل البطالين

[اسيا26]

بديت الخدمة ب 2270دج للشهر، و 30 دج لليوم في ورشة خياطة خاصة وبعد صبر وسعي وتعب طويل نلت منصب محترم في مؤسسة عمومية وراتبي 28000دج ، اذا كنت تتخير على الخدمة صدقني ماراحش تلقاها لازم صبر وسعي
ربي يوفقك اخي

[منير2655]

السلام عليكم أخي الكريم مصطفى

انا كنت بحالتك و عندي 29 سنة و متخرج سنة 2011 كنت فاااشل و ناقم من الوضع بالاخص كي كان عندي مشكل الخدمة الوطنية ... و أفكاري زادتت فشلتني مع الحالة المزرية التي نعيشها ... من ثم أخذت العزم و مشيت للكازيرنا و خرجوني و كي جبت لاريفورم نفضت الغبار على روحي و بديت نرفد في روحي بروحي و نخدم لي جات ....
بعت في حوانت كوسميتيك و مواد غذائية و خدمت سارفور في ريسطورو و خدمت حتى مانوفر في شانطي و الله و انا متخرج ... في البداية كان عندي مصروف الجيب من ثم تعلمت و ألفت تربية العصافير من ثم بديت نقب عن طرق الربح من النت بعدها مؤخرا جاتني فرصة لبيع العسل حر و هنا رفدت روحي و اليوم احمد الله و أشكره على هاته النعمة و بالنسبة لقرايتي و ديبلومي نسيتهم كلياااا ههههه
ننصحك اسعى وين جات و ما تبقاش تبع في الدولة لانك حتى و تحكم منصب مش راح تهنى ... الهنا انك تحمد الله و تشكره على نعمته عليك مهما كانت و تسعى فبسعيك انت مأجور و عمرك لا تتقلش على الخدمة مهما كانت اخدم لي جات حتى تحكم روحك بروحك

[sidomilano31]

المشاركة الأصلية كتبت بواسطة منير2655

السلام عليكم أخي الكريم مصطفى

انا كنت بحالتك و عندي 29 سنة و متخرج سنة 2011 كنت فاااشل و ناقم من الوضع بالاخص كي كان عندي مشكل الخدمة الوطنية ... و أفكاري زادتت فشلتني مع الحالة المزرية التي نعيشها ... من ثم أخذت العزم و مشيت للكازيرنا و خرجوني و كي جبت لاريفورم نفضت الغبار على روحي و بديت نرفد في روحي بروحي و نخدم لي جات ....
بعت في حوانت كوسميتيك و مواد غذائية و خدمت سارفور في ريسطورو و خدمت حتى مانوفر في شانطي و الله و انا متخرج ... في البداية كان عندي مصروف الجيب من ثم تعلمت و ألفت تربية العصافير من ثم بديت نقب عن طرق الربح من النت بعدها مؤخرا جاتني فرصة لبيع العسل حر و هنا رفدت روحي و اليوم احمد الله و أشكره على هاته النعمة و بالنسبة لقرايتي و ديبلومي نسيتهم كلياااا ههههه
ننصحك اسعى وين جات و ما تبقاش تبع في الدولة لانك حتى و تحكم منصب مش راح تهنى ... الهنا انك تحمد الله و تشكره على نعمته عليك مهما كانت و تسعى فبسعيك انت مأجور و عمرك لا تتقلش على الخدمة مهما كانت اخدم لي جات حتى تحكم روحك بروحك

اوافقك الراي انا كيفك متخرج مند سنوات من الجامعة شهادة تسير اختصاص تسويق نقولك واش خدمت كي تخرجت عون امن يعني اجو دوسيكرتي خويا متتكلش على الدولة تخدمك تكل على روحك الحمد الله قرايا قرينا والديبلومات راهم ف المنزل ومندمناش عليهم الان راني فاتح محل ومزلت اعمل و تزوجت وعندي اطفال وسيارة ...الراجل يخدم كلش وربي يوفق كل متابر

[mustaphadido1988]

السلام عليكم اللهم صلي وسلم على سيدنا محمد وعلى اله وصحبه اجمعين اما بعد : شوفوا يا جماعة خدمت منافري وخدمت في حانوت كونكاري وفي حانوت بيع دجاج الكل عام عام تقريبا لكن دون اي فائدة كرهنا لخدمة عند الناس واحد دايرك كالعبيد واحد يسرق فيك واحد يهربلك بالدراهم وتبق كل شهر تبع فيه مالا نقولكم حاجة افضل حاجة الخدمة عند الدولة ربي يفرج علينا يارب ولجميع البطالين

[majdiz]

يتوفر العمل بشكل كبير في العاصمة في الحراش