سؤال

[djihan jojo]

السلام عليكم
ان شاءالله راكم بخير
بغيت نسقسيكم
انا راني متاخرة في دروس الفيزياء
دروس االوحدة الثالثة محضرتلهمش قاع
ودركا باغية نبدا نقرا
معرفتش منين نقرا
من قناة الاستاذ مولاي عمر ولا الاستاذ شريفي
واش رايكم
وبارك الله فيكم

[islam0524]

انا انصحك بالاستاذ شريفي لان دروس الاستاذ مولاي طويلة نوعا ما

[jieona]

يعجبوني في زوج بصح لاحظت تع شريفي في الوحدة الاولى زاد سرعات مقريناهمش

[djihan jojo]

المشاركة الأصلية كتبت بواسطة islam0524

انا انصحك بالاستاذ شريفي لان دروس الاستاذ مولاي طويلة نوعا ما

ايه صح

بارك لله فيك

[djihan jojo]

المشاركة الأصلية كتبت بواسطة jieona

يعجبوني في زوج بصح لاحظت تع شريفي في الوحدة الاولى زاد سرعات مقريناهمش

زادهم من عندو؟يعني نورمالمو منقراوهمش؟

[سُـــمَـــيَّـــه]

صراحة أنا نفضل الاستاذ مولاي يعجبني بزاف يتطرق الى كل المشكلات
بعد مشاهدة اي فيديو جيبي تمارين و طبقي شافهمتي
إذا حبيتي نفهمك الدروس قوليلي

[سُـــمَـــيَّـــه]

المشاركة الأصلية كتبت بواسطة djihan jojo

زادهم من عندو؟يعني نورمالمو منقراوهمش؟

كاين صوالح يقراوهم التقني رياضي حنا مانقروهمش

[المُعادلة الصّعبة]

اهلا جيجي
وش راكي خيتي
ان شاء الله تكوني مليحة
انا بالنسبه ليا استاذ رابح شريفي قمة راني مانفهم حتى حرف حتى حرف فالقسم جامي فهمت ومانقراش ليكور بصح من اول العام نتفرج استاذ شريفي واني الحمدلله كيفي كيف اللي يفهموا من مصدر اخرى وممكن نكون انا خير لانو روعه الله يبارك روعه صح صح
ننصحك بيه حسب تجربتي معاه ومام خفيف على القلب ويقتل بالضحك ههههه تقراي وتضحكي وتفهمي وكلش الله يبارك
ربي يوفقك كهرباء اي ساهله زيدي شوفي موضوعي لي حطيتو فيه الاسئله الشائعه يساعدوك بزاف
اي استفسار انا هنا ان شاء الله عزيزتي

[المُعادلة الصّعبة]

كي تضل حاجه خاصه برياضي وتقني رياضي يكتبوها في عنوان الفيديو -خاص بالرياضي و ت ر-

[jieona]

المشاركة الأصلية كتبت بواسطة djihan jojo

زادهم من عندو؟يعني نورمالمو منقراوهمش؟

مش زايدهم من عندو مش مبرمجين لشعبتنا بصح مقالش و لا قسمهم
و انا كوم ماقريتش الدرس في الثانوية زادت تخلطت علي كثر
هوما في زوج ملاح مولاي عمر و شريفي
بصح الاهم تكوني عارفة وش راهم يقولو

[طيف الملاك¤اماني¤]

الاستاذ شريفي اصلو مغربي هو

[المُعادلة الصّعبة]

المشاركة الأصلية كتبت بواسطة طيف الملاك¤اماني¤

الاستاذ شريفي اصلو مغربي هو

لا دزيري
من البليدة
نورمالمو هك

[سُـــمَـــيَّـــه]

بصح فيديوهاته شوية فيها تشويش خاترش يصورو في الكور و التلاميذ يديرو الفوضى و بالشك إذا دايين إذنه

[المُعادلة الصّعبة]

العكس اني شفت التلاميذ شحال راهم اكثر من 100 واحد الله يبارك والقاعه كبييييييره وهو متحكم فيهم هكاك وساكتين يسمى حاجه مليحه خلاص

[djihan jojo]

المشاركة الأصلية كتبت بواسطة عَـنْدِي البَـآكْ

صراحة أنا نفضل الاستاذ مولاي يعجبني بزاف يتطرق الى كل المشكلات
بعد مشاهدة اي فيديو جيبي تمارين و طبقي شافهمتي
إذا حبيتي نفهمك الدروس قوليلي

انا ثاني يعجبني ياسر موالفة نتبعو من قبل
بصح هاذ المرة لقيت تلدروس طوال ياسر تفنينت خخخ وانا متاخرة ياسر
ان شاءالله نثبت روحي ونعرف ههه
ربي يحفظك حبيبتي .مذابيك منقولش لا

بالمناسبة بارك الله فيك استفدت ياسر من مواضيعك

يعطيك الصحة