هل قراري صائب ؟؟؟؟؟؟؟!!!!!!!!!

[sousi.dz]

سلاااام
حابة نسقسيكم وقولولي هل تفكيري صائب وهل انا في الطريق الصحيح ام لا
معدلاتي على مدار كل السنوات لا تقل على 17 و 18 للاسف العام الماضي تحصلت على 14 و 15 و16 كانت عندي مشكل مع استاذ الفيزياء عام كامل حطلي 0،25 معدل الفيزياء للاسف علابيها تراجعت فالمعدل
النهم ليس هذا هوا موضوعي
قررت الاستسلام العام هذا ندير كيما زمان رتاب بعد راح نقرا ضرك ماشي مانقراش لكن يوم الامتحان نجاوب على سؤال ولا زوج باش مايقصيونيش برك
حلمي في قصر الشعب كبير ومستحيل نقدر نوصلو العام هذا فات الوقت هذاك علاه حابة نستسلم
بابا حاط فيا امل كبييير لكن للاسف راح نخيبو العام هذا
علابابي يوم النتيجة راح يتعرضوا بزاف لهدرة الناس وخاصة عندي بنت عمي وولد عمي يفوتو باك العام هذا
انا متأكدة اني ماراحش نندم على قراري قاع
هل تفكيري صائب ؟؟؟؟؟؟

[عبدالرحمان 31]

والله يا أختاه ربما يكون قرارك غير صائب للانك مازلت في بداية العام دراسي "ديسمبر" و أصلا مقريتيش وحدات صعاب فالفصل أول ...... أعيدي التفكير موفقة انشاء الله

[sousi.dz]

المشاركة الأصلية كتبت بواسطة عبدالرحمان 31

والله يا أختاه ربما يكون قرارك غير صائب للانك مازلت في بداية العام دراسي "ديسمبر" و أصلا مقريتيش وحدات صعاب فالفصل أول ...... أعيدي التفكير موفقة انشاء الله

بداية العام !!
24 ديسمبر فاتو 4 اشهر
اوكي ضرك نزيد نخم فيها مليح ونشوف
شكرا لمرورك موفق

[عبدالرحمان 31]

العفو ... موفقة ان شاء الله

[مُـ‘ـُنُـ‘ـُـعُـ‘ـُمُـ‘ـُ]

تفكيرك محدود

حاب نسقسيك قداه كان معدلك في الفصل الاول ؟!!!!

[sousi.dz]

المشاركة الأصلية كتبت بواسطة monaim27

تفكيرك محدود

حاب نسقسيك قداه كان معدلك في الفصل الاول ؟!!!!

13،13
للعلم ماقريتش قاااع قريتليلة الاختبار رحت فوت طول مررت بظروف صعبة للاسف ماخلاتنيش نقرا

[Ghada ella]

زمان رتاب أظن انسحب في الساعات الأخيرة مش في أول العام
اختي مزال الحال قصر الشعب ينتظرنا لما الاستسلام
علاه تضيعي عام من حياتك العام مزال طويل المعدل لي تحطيه في رأسك تجيبيه

[sousi.dz]

المشاركة الأصلية كتبت بواسطة ghada ella

زمان رتاب أظن انسحب في الساعات الأخيرة مش في أول العام
اختي مزال الحال قصر الشعب ينتظرنا لما الاستسلام
علاه تضيعي عام من حياتك العام مزال طويل المعدل لي تحطيه في رأسك تجيبيه

ايه صح معاك حق والله
راح نتوكل على ربي وننطالق بقوة باذن الله
واذا ماجبتش المعدل اللي حاباتو معليش قضاء وقدر
دعواتك

[Ghada ella]

المشاركة الأصلية كتبت بواسطة sousi.dz

ايه صح معاك حق والله
راح نتوكل على ربي وننطالق بقوة باذن الله
واذا ماجبتش المعدل اللي حاباتو معليش قضاء وقدر
دعواتك

إن شاء الله نجيبو المعدل لي حابينو
إما أن نأخذ ما نريد أو نأخذ أكثر مما نريد
بالتوفييق لا تخيبي والديك
فلتبهري الجميع

[sousi.dz]

المشاركة الأصلية كتبت بواسطة ghada ella

إن شاء الله نجيبو المعدل لي حابينو
إما أن نأخذ ما نريد أو نأخذ أكثر مما نريد
بالتوفييق لا تخيبي والديك
فلتبهري الجميع

وااو الجملة هذي عجبتني بزاف
مرسي بزااااف طلعتيلي المورال
ان شاء الله يا رب شكرااا
موفقة

[Ghada ella]

المشاركة الأصلية كتبت بواسطة sousi.dz

وااو الجملة هذي عجبتني بزاف
مرسي بزااااف طلعتيلي المورال
ان شاء الله يا رب شكرااا
موفقة

العفووووو ^^^

[قبس من نور]

السلام عليكم
اولا من فضلك لا تتركي مجالا للافكار السلبية بتاتا و الله طلاب معايا لم تنزل معدلاتهم عن الامتياز و قدراتهم ما شاء الله و اخذوا 13 لكن لم اسمع بكلمة استسلام من قبلهم بالعكس وددت لو كنت من بينهم حتى اجعل دلك المعدل السئ حافزا لي لتقديم الافضل عن نفسي اخذت معدل جيد نوعا ما لكن قل حماسي و الله اعلم لماذا رعم ان نقائصي عديدة و الوقت يضيع المهم لا عليك توكلي على الله و لا مجال للعودة الىى الوراء 5 اشهر اليست كافية للامتياز و خصوصا انك من الممتازين ذاكري بجهد و بذكاء و خذي بالاسباب و ربي راه كاتبلك انت ديري لي عليك و الخير فيما يرضاه الله لك
بالتوفيق سلاام

[ورد الاوليف]

عذرا ما الذي تقولينه ديسمبر تفشلي وين سمعتي يها هذي مستحيل هاي عندك العطلة اقراي مليح واجتهدي وان لزم الامر ماترقديش ترضي امك وباباك يبكو قامك ويتعذبو حرام والله ساهلة اختي انا في اول لعام حطيت الفشل في بالي وقلت نعاود مي والله العكس الان اصبح عندي حافز اه نقرا ختيي استعيذي بالله من الشيطان ونقلك ماشي اي واحد استسلم تستسلمي انت تاني كل واحد وظروفه كوني قوية واهزمي الوقت واوقفي في وجه المعيقات هذي الكل ماكانش لي يربحك وينحيلك حلمك وفرحتك من عينك اذكري الله واقراي عروحك والله يا اختي لن تندمي اسمعي كلامي وكني قوية وواجهي جميع الظروف لان الحياة ليست بحاجة لمزيد من الضعفاء واياك اياك من الاعادة اختي فكري في والديك وكان مزلت مصممة على الفكرة استشيري والداك ووفقك الله ^^

[النجمة المتلألئة]

قفي على ناصية الحلم وقاتلي
15 يوم كفيلة بأن تسترجعي وتتداركي كل مافاتك لكن عليك بالجدية والالتزاام ابذلي قصاارى جهدك
ففرحة لحظة تحتاج لكد وتعب عام كاامل
برأيي دعي عنك هذه الافكار السلبية
انطلقي إلى البحر وافعلي شيئا جديدا مميزاا
دعواتي لك بالتوفيق أدعو الله أن يبلغك مرادك
دعوااتك أختاه

[BazoOka]

yezik bla tmahbil w ken ma rohtich lel 9asr el cha3b wesh rah yesralek ? ma ta9blich b une moyenne de 17 wela 16 wediri une bonne spécialité du 1er coup w theni 3la rohek khir ma t3awdi l3am 3ajal haja tafha kima takrim wlh rabi yahdik vrmnt