كيفية صنع وردة بشرائط الساتان روعة

miramer · 2013-02-13, 20:54

اليوم بحول الله رايحين نتعلموا مع بعض كيف نخدموا زهرة ، توالم نزينوا بها الفساتين مثلا أو col de veste أو ممكن تكون في مخدة مع مجموعة من الأزهار كما يمكن نستعملوها في اشياء أخرى

باش نخدموا هاذ الزهرة يلزمنا نخدمولها قاعدة و على هاذ القاعدة تكون الزهرة نتاعنا

القاعدة هاذي ، هذه هي بالصورة

نبدأ العمل ب coton perlè بنفس لون الشريط اللي رايحين نستعملوه في عمل الزهرة

و نعمل كما توضح الصور تماما

هنا كملنا الدور الأول ، نبدأ بالدور الثاني ثم الثالث

انتهينا من عمل الشبكة اللي عليها رايحين نخدموا الزهرة و تذكروا انو لدينا 3 أدوار ( tours)

نبدأ بعمل الزهرة و هاذ المرة اخترت العمل بشريط اّلأورغونزا و نحتاج منه شريط بعرض 1 سم و آخر بعرض 2.5 سم و يكونوا بنفس اللون

البداية بشريط 1 سم نخدموا بيه الدور الأول فقط

تابعوا

miramer · 2013-02-13, 20:55

في الصورة الموالية نبدأ العمل بالزهرة و شوفوا كيف ان الإبرة دخلناها في وسط الشبكة

ايضا ناخذوا خيط و نترك خيط

و نحرص على ان يبقى شوية من الشريط ما نسحبوهش كله

و في كل مرة ندخل الإبرة و نخرجها من تحت خيط coton perlè نخلوا شوية من الشريط و ما نسحبوهش كامل

لما نكمل الدورة الأولى و ما زلنا في الدور الأول تذكروا عندنا 3 أدوار نعكسوا العمل يعني اذا كنا نخدموا بعكس عقارب الساعة ناخذوا الإتجاه الآخر و نعملوا نفس العمل لكن مع عقارب الساعة
هنا رانا كملناالدورة الأولى

و هنا لاحظوا كيف انني غيرت في اتجاه العمل و خذيت الإتجاه المعاكس

ولما نكملوا الدورة الثانية ايضا نغيروا في الإتجاه و نكملوا العمل بهذا الشكل حتى يتعمر الدور الأول و يكون لنا وسط الزهرة

في هذاك الوقت ندخلوا الشريط نتاع 1سم تحت القماش و نعقدوه و نحرقوه كما اعتدنا العمل ، ثم نجيب الشريط نتاع 2.5 سم و نبدأ العمل في الدور الثاني بنفس الطريقة اللي خدمنا بيها الدور الأول مع اختلاف بسيط في كمية الشريط اللي نخلوها لازم تكون أكثر شوية

هنا بداية العمل في الدور الثاني

شوفوا هنا كمية الشريط اللي خليناها كبيرة شوية على الكمية اللي خليناها في الدور الأول

كملنا الدورة الأولى من الدور الثاني

نعكس اتجاه العمل

و نخدم

نكملوا العمل هذا في الدور الثاني و الثالث ايضا ما نغيروا ولا شي

فنتحصل على هاذ الزهرة

miramer · 2013-02-13, 20:57

الآن نعمل على الأوراق بخيط تطريز او coton perlè أخضر اللون نخدموا le pt corail zigzag
كيما الغرزة اللي كنا شفناها في الدرس السابق لكن تجي هاذ المرة متعرجة

نتابع مع الصور

لما نوصلوا للركن ، شوفوا كيف رايحين نعملوا

انتهينا من الورقة و ثم كل الأوراق

و هذا واش رايحين نتحصلوا عليه عند اتمام العمل

منقول من منتديات د.جوزاهي

زهرة الهضاب 19 · 2013-02-13, 21:00

جميل جدا مشكورة على المشاركة و الموضع القيم

تحياتي

ranou gigi · 2013-02-13, 21:03

شكرا لك اختاه انا ثاني اني نتعلم من عندكم و انشاء الله كي نكمل مخدة الي ندير فيها نحطها و قوليلي واش رايك

le chameau · 2013-02-13, 22:02

ما شاء الله لو كان غير تعطيني تلك الوردة باه نهديها لزوجى العزيز

zouba nadhir · 2013-02-14, 17:07

يعطيك الف صحة انا عظوة جديدة راح اجربها و اتعلمها ان شاء.

miramer · 2013-02-14, 17:19

اقتباس:

المشاركة الأصلية كتبت بواسطة زهرة الهضاب 19

جميل جدا مشكورة على المشاركة و الموضع القيم

تحياتي

عفوا أخيتي

اقتباس:

المشاركة الأصلية كتبت بواسطة ranou gigi

شكرا لك اختاه انا ثاني اني نتعلم من عندكم و انشاء الله كي نكمل مخدة الي ندير فيها نحطها و قوليلي واش رايك

عفوا اخيتي إن شاء الله نرى تطبيقاتك

اقتباس:

المشاركة الأصلية كتبت بواسطة le chameau

ما شاء الله لو كان غير تعطيني تلك الوردة باه نهديها لزوجى العزيز

ما عليك الا تطبيقها واهداءها لزوجك من صنع أناملك

اقتباس:

المشاركة الأصلية كتبت بواسطة zouba nadhir

يعطيك الف صحة انا عظوة جديدة راح اجربها و اتعلمها ان شاء.

آمين بارك الله فيك أخيتي ربي يسهلك في أمورك جميعها

chamsou01 · 2016-09-29, 16:55

رائع جدا بارك الله فيك

miramer · 2016-11-24, 18:56

آمين و اياك

جنة الفردوسْ · 2016-12-06, 20:44

يعطيك الصحة

~~nariman155~~ · 2016-12-07, 19:04

بارك الله فيك

سحابة باردة · 2016-12-10, 19:47

حقا جمييييييييييييييييييييييلة بارك الله فيك

miramer · 2016-12-30, 17:59

آمين و اياكم جميعا

~~maria14~~ · 2017-01-09, 15:48

merciiiiiiiiiiiiiiiiii