نحتاج رايكم

[مشكلتي]

السلام عليكم
خطبني شخص ميسور الحال ودارنا شرطو فيه مهر عشرين مليون وذهب ومنزل مستقل
ووافق هو على هاد شروط
من حكيت معاه قالي شروط ياسر عليا وماعنديش
هدري مع داركم ينقصولي بصح نتي قوليلهم بلي نتي حابة تنقصي مهرك وتسكني مع بيت شيخك
قلتلو نفكر
واش رايكم خاوتي

ايه و اين المشكل اهدري مع داركم و قوليلهم ينقصوا من شروطهم
يسّري الحلال اختي
الزواج مسؤولية و حياة جديدة ...لا علاقة ابدا للماديات بنجاحها
_جمع الله بينكما في الخير _

[ابو سليمان10]

يسروا و لا تعسروا...هذا زواج ام بيع و شراء.

[nihal159]

المشاركة الأصلية كتبت بواسطة مشكلتي

السلام عليكم
خطبني شخص ميسور الحال ودارنا شرطو فيه مهر عشرين مليون وذهب ومنزل مستقل
ووافق هو على هاد شروط
من حكيت معاه قالي شروط ياسر عليا وماعنديش
هدري مع داركم ينقصولي بصح نتي قوليلهم بلي نتي حابة تنقصي مهرك وتسكني مع بيت شيخك
قلتلو نفكر
واش رايكم خاوتي

هنا مربط الفرس؛ معناتها تحطي روحك في وجه المدفع؟ مافهمتش كيفاش رايحة تواجهي باباك و تقوليلو: بابا راك شرطت بزاف على خطيبي مسكين و أنا مش راضية بهذا الوضع؛ و حبيت نتنازل على المهر و نسكن مع بيت شيخي؟؟؟؟؟
راكي تقولي ميسور الحال؟ على الأقل يوفرلك مسكن مستقل لراحتكم و راحة بالكم؛ علابالك السكن في بيت العايلة شيء هيّن؛ أذخلي لقسم دردشة البنات باش تقراي و تفهمي الواقع المر.
بالنسبة للذهب و 20 مليون؟؟؟؟هذا هبال أوّلا و ثانيا إذا فوق إستطاعة خطيبك؛ علاش قبل من النهار الأوّل؟؟؟؟؟؟ و إذا كاين إعتراض ؛ يتقدّم هو و يعترض مش أنتِ.

[خالد عنابي]

قوليلو روح تلعب بعيد


علاه المرة الاولى يوافق على الشروط


ثم ينقلب لا وبل يطلب منكي ان تهيني نفسك بنفسك " قولي لداركم اني حابة انقص في المهر ونسكن في بيت شيخي "


ماهذا التهريج ؟


كاش مرا تحب تنقص في مهرها وتسكن في بيت اهل زوجها ؟



قوليلو السكن المنفصل مافيهاش نقاش ولو حتى كراء واما 20 مليون تقدرو تنقصولو وترجعوهم 10 ملاين فقط

[FATIHA131]

لازم هوما يقولو بزاف نقصو علينا مشي نتي
هذا زواج مشي بيع وشرا من المفروض من الاول داركم ما يكتروش

[ابو سليمان10]

لا ادري على اي اساس يتم تحديد مبلغ معين يتم دفعه مثلا 20 مليون...الذهب الاعراف تقول كذا و كذا لاكن 20 مليون....لا اجد معيار...هل للامر علاقة بقانون المالية او سعر البنزين الذي سيرتفع....هل عليك ان تخطب عدة فتيات و حدة ب 20 و حدة ب17 وحدة ب 15 و تختار

بعض الشباب عليه ان يعيش تقشف كحل لكي يجمع 20 مليون خلال سنة...لكي تكون في نهاية مجرد شىء يخطر حسب المزاج

[خالد عنابي]

المعترضين لا افهم ماهو الصعب واي جزء لم يفهموه ؟


السيد راهو وافق على الشروط ولم يرفضها ولم يفاوض



ثم لما فكر وتبين له انه بالغ يطلب من المرآة ان تكون في وجه المدفع وتتقدم بطلبات غريبة لاهلها ؟


هذا ولا شك سيكون فيه انتقاص واهانة لها في نظر عائلتها وكذلك في نظر زوجها المستقبلي


المنزل المستقل اساسي وضروري لنجاح حياة زوجية دون مشاكل العائلات الجزائرية الكلاسيكية المعروفة للعام والخاص


غير مالعراك على الطابونة والكوزينة وشكون يطيب وشكون يمسح ويهز الفراش ما نعديوش


ثم ان المهر ليس له قيمة مادية وحسب بل له ايضا قيمة معنوية


وهذا الكلام لا يستفاد منه في تحديد قيمة محددة ولكن على حسب مقدور الرجل ولازم المهر يكون مبلغ مهم بالنسبة اليه وليس مصروف جيب


هكا باش يدير قيمة للمرأة



يعني الواحد يلزم ينظر للمسألة من كل جوانبها وليس من المنظور الذي يريحه هو وحسب


" قولي لداركم راني حابة انقص فالمهر ونسكن مع بيت شيخي " قول والله ههههههه

[زبدة ذايبة]

من يقولون أن المهر لازم يكون ناقص وخفيف.

ماكاين حتى واحد يجبر الرجل على الموافقة على الشروط.

هذا الرجل وافق. ضرب صدرو قدام الرجال وقال أنا جاهز وموافق.

ولما اختلى بالفتاة ولى يقولها روحي قولي لباباك ينقصلي.

بصح ماتقوليلوش بلي انا اللي قلت.

!!!!!!!!!

رجل كهذا كان النهار الاول مايوافقش.

مارانيش حابة نكثر على الطفلة.

لكن لازم تعرف ان ما أقره أبوها ماتكسروش هي.

واللي يكون راجل من النهار الأول يهدر مايتخباش مور إمرأة

ملاحظة : ليس لي أي نية مبيتة لخراب بيوت المسلمين. وليس لي أي مصلحة في فساد الحال.

أصيب وأخطىء ورأيي ماهو إلا رأي واحد من بين 20 رأي يفتحه المنتدى للأعضاء للرد. وإن اختلفت مع الأعضاء في طريقة وطبيعة الرد فهذا

بسبب اختلافات كثيرة تميز الواحد عن الآخر. وهذا الاختلاف هو الذي يصنع الحل. تباين الردود يساعد صاحب المشكلة.

[نور لاتراه]

السلام عليكم
10او 20مليون او حتى اكثر من ذلك
الامر ليس متعلقا بالعدد
لم يجبر احد الخاطب على قبول الشرط
ومزال في يده الحل لكنه فضل عدم المواجهة
كان ينبغي ان يتحدث رجلا لرجل
ويشرح لابيكِ وضعه المادي مهما كان
وحينها سيحكم ابوكِ بحكم خبرته في الرجال
وعلمه بحال هذا الرجل
لستُ هنا بصدد تاييد طرف على اخر
المهر قضية تفاهم بينكم
هناك من يقتنع بالقليل وهناك من يتفاهمون على الكثير
المهم النتيجة بالنهاية
لذا من الافضل ان يتحدث مع والدكِ اولا
وبعدها لكل حادث حديث
واجدد التاكيد الامر لايتعلق بالاعداد بل التفاهم
يسر ربي حالكم

[mokhtaro]

طلبه انقاص الشروط والمهر لا عيب فيه لكن كان الأولى أن يقول ذلك منذ البداية مباشرة

أن يطلب منها أن تتوسط عند أبيها وتقول له بأن الخاطب يطلب اعادة النظر في الشروط فمقبول نسبيا لكن أن يختبيء خلفها ويطلب منها أن تتبنى هي مطالبه فغير مقبول تماما

[كلنا راحلون]

لا يعنيني المشكل لا من قريب ولا بعيد ...والله يسهل عليهم.....
فقط لي طلب من السيدة الفاضلة و الاداريين
فتح قسم علم النفس وتبسيطه ...عندك ردود ونصايح في القمة بشهادة الجميع.
سلام.....

[رندة.]

السلام عليكم ورحمة الله وبركاته

انا ظهر لي انو خجول ياسر علابيها ماقدرش يواجه باباك بهذا الطلب وطلب منك ماتقوليش بلي هو الي قالك لأنو في الاول وافق على الشروط وما قدرش يتراجع ذرك.

على هذا انتي قوليلو: انا راني نحشم باش نقول لدارنا هذا الكلام، شوف واحد من اهلك ( اهله هو اقصد)، يتوسط في الأمر أخوه او ابوه او عمه...
ربي يجمع بينااتكم بالخير ان شاء الله.

[FATIHA131]

الاخت زبدة ذائبة عندها الحق ملازمش يقبل قدام الرجال ويولي يطلب منها هي تواجه والديها عيييب
مافيها والو اداعاود قال بزاف عليا

[الصديق قروف]

المفروض هوا الي يقول لوالديه يقولو لوالديك يعاودو يتفاهمو على الشرط
قوليلو منقدرش اشرط يتفاهمو فيه ارجال وانا علاش ندخل واش نقلهم غاضني اراجل ؟ باين جواب والديا يقولو راهم قابلين بشروط علاش نقصولهم