مؤشرات الذات

[pérah tova]

مؤشرات الذات
أ) معقد التوافق النسيجي CMH : عند الحيوان نجد CMH و ان تحدثنا على الانسان نقول HLA ( المستضد اللمفاوي البشري )
تعريف HLA : عبارة عن بروتينات سكرية ( غليكوبروتينات ) غشائية محددة وراثيا خاصة بالفرد و تدخل في التعارف بين الخلايا . و نجد فيها نوعان :
- اش ال أ واحد HLA1 : جزيئات غليكوبروتينية غشائية ، تتكون من سلسلتين بيبتيديتين سلسلة ثقيلة ألفا و سلسلة خفيفة بيطا 2 و يتواجد على سطح جميع الخلايا ذات الأنوية
- أش أل أ 2 HLA2 : جزيئات غليكوبروتينية غشائية تتكون من سلسلتين بيبتيديتين ألفا و بيطا و يتواجد على سطح الخلايا المناعية ( اللمفاويات و البلعميات ) .
ب) مؤشرات الزمر الدموية ABO :
تعريف ABO : جزيئات غشائية من طبيعة غليكوبروتينية تقع على سطح الكريات الدموية الحمراء تتدخل هذه الحزيئات في التعارف بين الخلايا و التمييز بين الزمر الدموية .
أنماط الزمر الدموية :
الزمرة a : نقول عن شخص ان زمرته A اذا كانت في كريات الدم تاعو جزيئات من طبيعة غليكوبروتينية نسموعا مولد الضد او مولد الارتصاص A ، و المصل تاعو فيه جسم مضاد لي هو Anti-B .
الزمرة b : نقولو على شخص بلي زمرته B اذا كانت كريات الدم الحمراء تاعه تحمل في غشائها مولدات الإرتصاص B و المصل تاعه فيه اجسام مضادة لي هي Anti-A .
الزمرة ab : نقولو على شخص انو زمرته AB اذا كانت كرياته الحمراء تحمل على سطحها مولد الإرتصاص المزدوج AB في زوج ، و المصل تاعو ماعندوش اجسام مضادة ( لي تجي تفوت ) .
اذا كانت كريات الحمراء لا تحمل اي مولدات الإرتصاص على غشائها ( فرطاسة ) و المصل تاعو في اجسام مضادة في زوج Anti-A و Anti-B مكاش لي يخرب .
كيفاش نعرفو على فصيلة دم تاع كاش واحد :
نجيبو زوج قطرات من دم تاع البنادم لي حابين نعرفو زمرته و نحطوها على صفيحة زجاجية نقية ، و مبعد نحطو على القطرة الاولى مصل فيه Anti-B و إلى القطرة الثانية مصل فيه Anti-A .
- إذا حدث ارتصاص مع Anti-A معناه كاين مولد ارتصاص تاع A و هاذ مولد الارتصاص خاص بالزمرة A معناه عندو زمرة A .
- اذا حدث ارتصاص مع Anti-B معناه كاين مولد ارتصاص B لي يدل على انو السيد زمرته B .
اذا حدث ارتصاص مع Anti-B و Anti-A معناه كاين مولد الارتصاص المزدوج A et B و لي يخلينا نقولو انو السيد عندو زمرة AB .
- إذا مالقينا حتى ارتصاص معناه الاجسام Anti-A و Anti-B معناه مكانش كامل مولدات الارتصاص A لا B ( لقاوها فرطاسة ) و نقولو السيد عندو الزمرة O