احلى مقروط بالكاوكاو من مطبخي معسل رووووووعة تفضلوا لا تفوتوها

[أم فاطمه]

بسم الله الرحمان الرحيم
السلام عليكم اخواتي العزيزات
جبتلكم اليوم مقروط بحلة جديدة بالكاوكاو هايل

المقادير
3 كيلات سميد متوسط انا استعملة سفينة
1 كيلة سمن
نص ملعقة كبيرة سكر
بياض حبة بيض
ماء الزهر
2 معالق كبار فرينة

الحشو
- 3 كيلات كاوكاو محمص و مرحي
كيلة سكر
ملعقة كبيرة زبدة
بياض حبة بيض
ماء الزهر + رشة قرفة

طريقة التحضير
ناخد السميد نضيفوله السمن و السكر و الفرينة و نبسوه بين يدينا مليح و نخلوه يبات ليلة كاملة
في الغد نزيدوله البيض و ماء الزهر و نلموه كيما تفتل الكسكس باه ما يتعجنش نتركه على جنب

و نوجد مقادير الحشو و نجمعهم مع بعض و نشكلهم كما في الصورة


- ناخد كمية من العجين و نرشها بماء الزهر و الماء ادا كانت نشفة و نشكل المقروط كما في الصورة


عندما تنتهي نوجد الزيت لازم تكون سخونة و نقصيلها كي تبداي الطيبي باه يطيب ملييييح و ياخد اللون الدهبي نعسلوهم بعسل بارد كنت حضرته مسبقا خففته بقليل من ماء الزهر و لازم المقروط يكون سخون باه يشرب العسل

نتمنى تعجبكم و تجربوها لانها حقا تستحق التجربة
عيدكم مبارك و كل عام و الانتم بخير

[kamili1]

الله يبارك والله يشهي

[kamili1]

من فضلك عندما نضع المقروط في الزيت نتركه يرتاح شكررررررر

[أم فاطمه]

السلام عليكم
اختي kamili 1 جواب عنكي المقروط نتركوه يرتاح عندما يكون سميد مع السمن ليلة كاملة و كي نخدموه في الغد
نقلوه ثم نعسلوه وهو سخون في عسل نكنو دفناه على النارمع قليل من الماء الزهر وتركناه يبرد ملزمش يكنو سخنين لزوج اضن اني وصلتلك الفكرة صح عيدك وشكرا

[ilinafatna]

امممممممممممممممممممممممممممممممممممممممممممم رائع

[أم عبد الرحيم يوسف]

ماشاء الله روعة بارك الله فيك

[نورة100]

رائع شكراااااااااااا

[أم رقية نسرين]

باين بلي بنين انا مجربتش من قبل مقرود المقلة إن شاء الله نجربو و ينجحلي
بصح حببت نسقسيك الملح ماكانش في العجينة ؟
ويعطيك الصحة

[بيان 5]

الله يبارك يعطيك الصحة

[houdak]

الله يعطيك الصحة

[جنة الفردوسْ]

مممممممممم يشهو يعطيك الصحة

[MALIKA06]

شكرا لك يا اختي ما شاء الله

[جنة الفردوسْ]

جاااا رووووعة وباين هش .....تسلم الايادي

[نورانيات]

وصفة مبهرة تصلح لسهرات رمضان. ربي يجازيك أختي.

[آلسلطآنة]

رووعة تسلمي